- 17
- 0
- الثلاثاء, 23 أبريل, 2019 - 12 , صباحًا
- التقييم:
الطريقة و المقادير
المقادير:
ستيك / ربع كوب كاتشب / كاكاو باودر / ربع كوب باربيكيو صوص / خل جوز الهند / ملح / فلفل اسود
شرايح بصل / زيت زيتون / ثوم / بصل / سمنه / ماي سلق الدجاج او اللحم / كريمة طبخ / بطاط
التحضير 👩🏽🍳
اول خطوه اخلط بماعون الكاتشب و الكاكاو والباربيكيو صوص واضيف عليه ربع كوب خل جوز الهند او العادي
وازيده شوي ماي و اصبه على الستيك بعد مااملحه واحط عليه فلفل اسود
ثاني خطوه اشويه على الشوايه والشوايه تكون حاره بعد ماتخلص كميه الستيك احط مقلى فيها شرايح بصل واصف شرايح الستيك على البصل واصب عليها من نفس الصوص واغطيه واتركه على نار هاديه ساعه الا ربع
ثالث خطوه احط بمقلى ملعقه زيت زيتون وملعقه سمنه وبصله ونص و فصين ثوم مفرومين واقلبه على نار هاديه الا ان يتغير لونه واصب عليه ماي من سلق الدجاج او سلق اللحم او اذوب مكعبات الخضار اي شي من المتوفر واطحنه بالخلاط اليدوي وارجعه المقلى وارش عليه ملح وفلفل اسود واتركه يثقل شوي واصب عليه ملعقتين من كريمه الطبخ واقدمه مع الستيك والبطاط وبالعافيه 💕
