‏‎الخطوة الأولى:
راح نسوي الكيكة عبارة عن : (نص كاس سكر ،ونص كاس زيت ،ونص كاس جوز الهند ،وبيضتين وكاس عصير برتقال ،وشوية خل وفانيلا نخلطهم تمام ونضيف عليهم كاس طحين مع ملعقة كبيرة بيكنج بودر ) نخلطهم ونضيفهم بصينية بايركس وندخلها فرن ساخن تستوي من تحت ونحمرها من فوق بعد ماتستوي نتركها تبرد شويات ..
.
‏@nouf_cook1982
الخطوة الثانية:
راح نسوي خليط التشيز البارد (علبة حليب مكثف محلى،علبة قشطة، علبة جبن ڤيلادلڤيا ٢٠٠جرام أو أي نوع جبن كريمي مو شرط ڤيلادلڤيا،ظرفين دريم ويب وبشر برتقالة) نخلطهم بالخلاط اليدوي ونضيف عليهم ظرف جيلاتين مذوب بربع كوب موية ساخنة ونخلط الخليط حتى يصبح كريمي ونضيفه على الكيكة وندخلها الفريزر تجمد تماااماااً وهذي أهم خطوة لازم تجمد وتثلج أنا سويتها بالليل وثاني يوم ضفت الطبقة الثالثة..
الخطوة الثالثة:نطلع الكيكة من الفريزر ونرتب عليها شرايح برتقال مثل الصورة ونثبت الشرايح بأعواد أسنان عشان لما نضيف الطبقة الثالثة مايتحركون البرتقالات ونبدأ نسوي الطبقة الثالثة عبارة عن (ظرفين جيلي برتقال استخدمت ماركة العلالي ممتاز (نخلط الجيلي مع كاسين مويه مغلية وكاسين موية باردة) ونضيف الجيلي على التشيز وندخلها الفريزر لين مايجمد الجيلي تمام، ونطلعها ونقدمها سواء بالصينية أو إذا تحبون تقطعونها ووانتعشوا بألذ (أورنجينا) بالحياة