بسم الله الرحمن الرحيم
وصفه اليوم من مطبخ كويتيات

😋 تشيز كيك موزاييك 😋

او بالمسمى السابق اللي كنت اقول انه تشيز كيك البيتزا

لذيذ وجميل بالتقديم وبامكانكم تسوونه ميني

المقادير :

بسكوت دايجستف كوب ونصف مطحون
زبده اصبع ١٠٠ غرام
علبة جبنة فلادلفيا 300جرام
علبة زبادي
علبة ص قيمر كي دي دي
1 ملعقه كبيرة جلاتين وملعقه صغيره
ظرف دريم ويب
2 ظرف جلي احمر فراوله
و2اخضر ليمون اخضر
و2اصفر ليمون
3 م ك سكر بودره

الطريقة :
اول شيء نبدا فيه الجلى علشان يجمد انا ماكثرت ماء ابي الجلي جامد ماررره 2 جلي لكاس ونصف ماء ساخن ويضع ع النار ويحرك حتى يغلي عشان يكون لونه شفاف نحطه بالفريزر ليما يجمد مو يثلج عشان نقدر نقطعه قطعنا الجلي مكعبات ورجعناه الثلاجه كل بس اللون الاخضر والاحمر اما الاصفر لا نخليه ع جنب
ثم نذوب اصبع الزبده ونضعها عالبسكوت المفروم ونحركهم
نفرد البسكوت في صينيه التشيز كيك ونرص جيدا
ونحطه بالفريزر يجمد شوي ع بال مانحضر الطبقه الثانيه
نخلط الجبنه والدريم والقشطة والزبادي والسكر بالخلاط جيدا
نذوب الجيلاتين في نص كوب ماء حار ونحرك حتى يذوب ونضع الجلاتين وهو دافئ ع الخليط اخر شيء ثم نضع الصينيه في الثلاجه حتى يجمد مضبوط ويفضل بالفريزر ساعه وحده بعدها نبدا بالجلي
الجلي الاحمر قطعته فحطيته على الطبقه البيضاء هو والجلي الاخضر وهي جامده
نوزعه عشوائي
صبيت الجلي الليمون عالوجه وهو بارد يعني اذوب الجلي الليمون بكوب وربع ماء ساخن بس اخليه يفتر مااحطه وهو ساخن بس انتبهي يجمد
و بعد ماجمد الحلى كل ماطول في الثلاجه افضل و بعد مافكيته من الصينيه
وحطيته بصحن والافضل صينية تشيز كيك الكبيره اللي تنفك من الجوانب مو الوسط عشان تصير الحشوه الوسط مو سميكه مثل حلاي سميك
بس احتياطا نحط ع الجوانب قصدير
ونخليه بالثلاجه حتى يتماسك اكثر
بطريقة ورد تميم يسعدها ربي
🧡تتهنوا فيه يآرب🧡
نقلا عن الشيف
💜ninalotus8💜