هية لونها زهري بالحقيقة بس مدري ليش طالعة برتقالي بالصورة مشو حالكم يا جماعة 😅 المهم طعمتها بتجنننننننننن الصينية خلصناها بدقايق

😋باستا بصلصة مكس مع الدجاج😋

الصلصة البيضا:

🔹 ملعقتين زبدة كبيرة على النار، بس تذوب منضيف ملعقتين طحين ومنحرك. بعدين منضيف الحليب شوي شوي ليصير عنا صلصة بيضا سميكة، ما ننسى الملح والفلفل الأسود وجوزة الطيب + بارميزان مبروش فريش مووووو المبروش خالص
رح تحكولي حطي كريمة مع الصلصة الحمرا وخلص، اسمعوا مني وخلوها بشاميل بدل الكريمة وادعولي

الصلصة الحمرا:

🔹 منحوس دجاج مقطع على النار ليصير ذهبي ومنرفعو عن النار (لسا ما نضج) وبعدين بنفس المقلى منحوس بصل مفروم مع ثوم مهروس، بس يدبل منحط بندورة مهروسة + ملعقة كاتشاب + ريحان جاف أو أي نوع أعشاب ايطالية منحبها، منرجع الدجاج على النار ومنتركو يستوي لبضع دقايق. رح تكون صلصة البندورة تكثفت شوي بس لسا مريقة. ازا لزم سائل مستعمل ماء سلق المعكرونة.
–
🔹 بس يستوي الدجاج منضيف المعكرونة + الصلصة البيضا + ملعقتين كريمة ،منحرك شوي واختياري منضيف موزريلا + جبنة بارميزان
–
💕ملاحظة: ممكن نطبخ الجاج بالكامل مع البصل والثوم والبندورة دون ما نرفعو بس هيك منضمن كل شي يستوي لحال لأن حجم الجاج ونوع المقلى ممكن يغير التوقيت.
–
💕ممكن كمان نستعمل لحمة مفرومة بس هون فش داعي نحمرها ونرفعها، كلو بينطبخ سوا.
وتقدم
🌳وبالعافيه🌳
نقلا عن الشيف
ranoosh.recipes💋💋💋