هلا هلا بكل احبائى 💕💕
وصفه اليوم من مطبخ كويتيات

😋 بسبوسه بالقشطه 😋😋

الطريقه والمقادير :

١- لعمل القشطه : نذوب ٣ ملاعق كبيره نشا في كوبين حليب كامل الدسم بارد ، ونضيف له من ٢-٣ ملاعق كبيره سكر ، ونحطه على النار مع التقليب المستمر حتى يثخن الحليب ويصير مثل المحلبيه ، نطفي على النار ونضيف له ٢ ملعقه كبيره ماء ورد وعلبة كبيره قشطه ( قيمر ) ونحرك المزيج ونتركه على جنب .

٢- لعمل البسبوسه : نضع المقادير الجافه في طاسه كبيره وهي عباره عن كوب ونص سميد ناعم + كوب ونص جوز الهند + كوب سكر + وملعقه وسط بيكنج باودر + وملعقه صغيره فانيليا ونخلطهم مع بعض .

٣- المقادير السائله : وهي عباره عن كوب حليب سائل 🥛 وكوب زيت نباتي وبيضتين 🥚🥚 ونخفقهم قليلاً ثم نضيفهم على المقادير الجافه ونحركهم عدل مدل ، ونضيفهم على المقادير الجافه ونحركه هم عدل مدل .

٤- نفرش نص مقدار البسبوسه في صينية فرن مدهونه بالهرده ( الطحينيه) ونضع القشطه عليه ثم نفرش عليه الطبقه الثانيه من البسبوسه شوي شوي حتي تغطي كل القشطه وندخله بالفرن حار لمدة ٣٥ دقيقه او الى ان يتحمر الوجه .

٥- لما نطلع البسبوسه من الفرن نسقيه بالشيره البارده ونزينه بالفستق المطحون والجوز الهند او على حسب الرغبه ، وبالعافيه 😘😘😘.
نقلا عن الشيف
moonlight__kitchen💚💜