- 98
- 0
- الإثنين, 17 فبراير, 2020 - 7 , مساءً
- التقييم:
الطريقة و المقادير
اللهم ارحمنا واجعلنا فى نعيم دائم
وصفه اليوم من مطبخ كويتيات
😋ورق عنب ذايب ولذيذ 😍😋
الحشوه :
١_تحمسين بصل اخضر مع ملعقتين زنجبيل مبشور وثوم
٢_ ثم بصل احمر ويقلب حتى يذبل ثم يضاف طماط مفروم مع معجون طماط ويضاف الرز المصري المنقوع وكوب ونص ماء حار مذوب فيه حبة ماجي ويقلب حتى يتسبك مع بعض
٣_ثم يضاف بقدونس وكزبره وشبت
ويخلط في الخلاط كوب نص كوب عصير ليمون ونص كوب زيت زيتون وفص كبير ثوم وثلاث ملاعق دبس رمان وكمون وفلفل اسود والبهارات اللي تفضلينها ٤_وتخلط وتوضع عالرز واهم شي الرز يكون نصف استواء ومتماسك شوي عشان مايتعب وقت اللف يكفي يطبخ خمس دقايق وقفلي النار وخليه شوي يتمساك وإبدأي في الحشو
٥_وبعد ماتخلصين اللف تحطين بقدر الضغط اول شي طبقة شرائح بطاط ثم نرتب ورق العنب حتى نخلص الكميه وبعدها طبقة بطاطس وتصبين الخلطه هذي عليها 👇🏻
كأس ونص ماء
نصف كأس زيت زيتون
نصف كأس عصير ليمون
ملعقتين معجون طماطم
ملعقتين دبس رمان
حبة ماجي
فلفل اسود
نصف حزمة كزبره
ملعقتين نعناع جاف
تخلط بالخلاط الكأس وتصب في القدر ويوضع صحنين زجاج فوقها ويكون اصغر من القدر عشان تدخل وتضغط على ورق العنب ومايتفكك وقت الطبخ
ثم يغطى القدر واذا المؤشر تحرك خفضي النار وإحسبي له 45 دقيقه
وبعدين شيلي المؤشر وأتركيه يبرد على راحته بدون ماتفتحين الغطاء عشان مايسود ويجف واستمتعوا بالطعم اللذيييييذ
وبالعافيه ✌🏻😋
نقلا عن الشيف
fofogh000💕💕
