البف الحجازي الحالي والمالح
٤كاسات دقيق ممكن تستخدمين فوم
ملعقه صغيره ملح
نص كاس زيت
بيضه بدرجه حراره الغرفه
تقريباً كاس ونص ماء دافي ممكن يزود شوي او ينقص شوي حسب نوع الدقيق
الطريقه
اضع في اناء العجانه الدقيق والملح واقلبه ثم اضيف
الزيت والبيضه واقلبه بمضرب التقليب خمس دقائق حتى يصبح مفتت مثل الرمل وها الخطوه ضروريه لنجاح عجينه البف
ثم اضيف الماء واعجنها خمس دقايق واغطيها واتركها ترتاح من نص ساعه لساعه كل ما ارتاحه كانت افضل باالفرد
نفرد العجينه بااليد ونرش دقيق ثم نفرد باالفراده على رقم ٢بعدين ٤بعدين ٦
اذاء ماعندك الفراده افرديها على يدك مو مشكله وخليها ارق من عجينه الفطائر عشان تضبط
نقطعها ونضعها على آله تشكيل البف ونضع الحشوه باالنص مانقربها للاطراف
اذاء عجينتك فيها دقيق وما بتتقفل زين بلي اصبعك بماء ومرريه بس على طرف واحد من جهة التقفيل واضغطي وكيس وشيلي الزايد واتركه على جنب وغطيه بعدين نرجع نعجنه لما يرتاح ونحشيه مانكب العجينه
الحشوه انا حشيت كيري عشان تكون حاليه
حشوة الدجاج /
حمست بصل مع ثوم وزيت واضفت له مكعب ماجي ودجاجه سلقتها وشلت الجلد والعظم وفرمتها بمحظرة الطعام واقلبها واضيف علها كزبره وملح وبهارات دجاج ماركه مجدي وفلفل اسود وآخر شيء اضفت بقدونس وكزبره وشبت مفرومين وارفعها من النار واتركها تبرد قبل احشي فيها البف
اي حشوه تحشينها العجينه وهي حاره رآح تطلع العجينه عجين تحت الحشوه مارآح تستوي
اذاء حابه تفرزنينها رشي بصينيه دقيق وصفي حبات البف وغطيها ودخليها الفريز لما تجمد ثم وزعيها بأكياس او عليه حسب الحاجه وقت ملتبينها طلعيها وهي مثلجه ع الزيت على طول لا تتركينها تذوب رآح تخرب العجينه ويصير فيها مويه
اسخن الزيت لما يسخن ويكون وسط مو غزير ولا قليل
اسقط حبات البف ولا اكثر احط باالكثير خمسه
اشيل الزيت باالملعقه واصبه فوق حبات البف عشان تطلع لي الفقاعات وتكون ناجحه بعد ماتشقر اطلعها على ورق ماص للزيت واللي باالجبنه صبيت عليها نستله
والدجاج قدمتها مع شطه وليمون وبألف عافيه
ممكن تحشونها اللي تحبون دجاج لحم خضار اجبان او جبنه بيضاء مع نعناع او جبن شدر او اي حشوه تحبونها
وعليكم بألف عافيه 💋