اهم اسباب نجاح العجين
١- لازم تكون جميع المقادير بدرجه حراره الغرفه لو كانت بالثلاجه طلعيها قبل ساعتين او ثلاث افضل
٢- الخميره ؛ لازم نتاكد من تاريخ صلاحيه الخميره واول مافتحها احطها في علبه محكمة الاغلاق وع الثلاجه
٣-درجة حراره الماء ؛
لازم يكون دافي لاهو حار ولا بارد لان اذا كان حار او بارد راح يقتل الخميره وماراح تتفاعل
٤-نضيف السوائل بالتدريج لانه يختلف حسب نوع الطحين وحتى حسب طريقه الخلط كان يدوي او بالعجانه ف احط لين اوصل للقوام المطلوب
٥- كل ماطولت بالعجن كل ماكانت العجين افضل طبعا اذا كان بالعجانه بيكون اريح
٦- نترك العجين ترتاح مده كافيه
٧- بعد ماحط الحشو في العجين اتركها تتخمر من جديد عشر دقايق الى ربع ساعه
٨- لازم الفرن يكون ساخن قبل دخول الفطاير فيه
٩ – الفطاير لاتطول داخل الفرن والا راح تطلع جافه بسبب جفاف السوائل منها
١٠- اول مانطلعها من الفرن يفضل نغطيها بفوطه حتى تحافظ ع طرواتها هذي البيتزا ب العجينة الذهبية ميني ميني بيتزا هههه شرايكم بالحجم نتفه 🙊 قارنو الحجم ب حجم حبه الزيتون المقادير : . ٢ ونصف كوب طحين
ملعقه كبيره خميره
ملعقه كبيره باكنج باودر
علبه زبادي ١٧٠ غرام
رشه ملح
٣ ملاعق كبيره سكر
ربع كوب زيت
نصف كوب لبن
ملاحظه ؛
كميه الطحين حسب نوعه ممكن يحتاج زياده طحين انا استخدمت فوم ف المقادير مضبوطه تمام 👍🏻
الطريقه تخلط جميع المقادير مع بعض وضروري يكون كل المقادير ب درجة حراره الغرفه
من الافضل بعد ماتختلط كل المقادير مع بعض نترك العجانه تعجن في العجين كذا عشر دقايق
وتخمر من نصف _ ساعه و ثم تشكل حسب الرغبه ..وتترك للتخمر مره اخرى قبل دخولها الفرن عشر دقايق في هالاثناء نشغل الفرن يسخن ع درجه ٢٠٠
ندخل البيتزا لين تنضج بس ماتطول كثير حتى ماتجف اول مانطلعها من الفرن نغطيها حتى تحافظ ع طراواتها
صلصله البيتزا البيتيه :
احط ثوم مهروس مع بصل و زيت زيتون
واحرك لين يذبل
اضيف الطماطم والفلفل الاخضر البارد ( مطحون طبعا ) ومعجون الطماطم
والملح و رشه سكر تكسر حموضه الطماطم
وبهارات البيتزا اذا ماعندك حطي – بهار ايطالي ( زعتر بري ) ،كركم ،كاري ، باربيكا – و نحط ( كاتشب او صلصله بيتزا جاهزه تنخلط معها ) واخليها تتسبك وبس خليها تبرد قبل ماتحطينها ع العجين الباقي من الصلصله عادي ثلجيه ل وقت الحاجه ..