الغريبة 👌👌
منخفق كاستين سمنة باردة + كاسة سكر بودرة منخول حتى يصير كريمي و يفتح لونه +منضيف بياض بيضة + م ص فانيلا و نستمر بالخفق حتى يخطلتو مع بعض تماماً و منضيف 4 كاسات طحين منخول مع رشة ملح و 1/4 م ص باكينج بودر بتدريج و منلم العجين بيدينا او بالعجان منستخدم الالة اللي ع شكل حرف الK و منترك العجين بالبراد عشر دقائق و منشكلها حسب الرغبة و منرصهن بالصينية مبطنة ورق زبدة و منترك مسافة مابين وحدة و التانية و منحط المكسرات بضغط خفيف و منخزها بالفرن محمى مسبقاً ع درجة 170 لمدة 8-10 دقائق و منطلعها و منتركها تبرد بنفس الصينية حتى تستكمل سواها بحرارة الصينية ع مهلها و بعد ماتبرد منشيلها مشان ماتفتت و بالعافية .. ملاحظة: السمنة لازم تكون باردة يعني تكوني مطلعتي قبلا بعشر دقائق بس من براد..
لو بدك لونن ابيض استخدمي سمنة جاموسي و لو بدك لونن اشقر استخمي زبدة..
لو بدك لونن اشقر غامق استخدمي سمنة بقري..
انا استخدمت كاسة سمنة جاموسي و كاسة زبدة 😉
انا عملت هون شكل: دائرة
ضروري منحمى الفرن مسبقاً و ع درجة 170..
مانضغط كتير مشان ماتشقق😅😅 و بعد ماتشكليهن ماتضغطي عليهن ابداً لان رح تكبر بالفرن ..بس تصير لون الغريبة من تحت اشقر و هيك بتكون جاهزة 👏👏