ميني كنافه بالقشطة والمكسرات .
أول شيء عندي كيلو كنافة طازجة أضيف له ربع كوب سكر ناعم + كوب كامل زبده ذايبه وأفرك الخصل زين زين لين تتبلغ كامل 👌🏻
.
مو ضروري نفرم الخصل إذا هي ناعمه ومتفككه نقطعها باليد يكفي .
.
الحين يكون عندي فنجان صغير ألبسه بالتغليف النايلون وأحط فيه شوي من الكنافة وأضغطها زين وأسوي فتحه للحشوة ..
” أضيف فيها مكسرات مجروشة ناعم بندق محمص ، عين الجمل محمص ، حبات فستق لمن أحمصهم أخلطهم مع بعض وأجرشهم بالطاحونه بعدين أخلط معهم شوي سكر بودره + قرفة مطحونه ” .
.
أحط من المكسرات شوي ثم فوقهم القشطه ( القشطه اخذتها جاهزه من أسواق الحربي .. و فيه أنواع كثيره حلوه مثل : الطيب ، المراعي ، الصافي .. الخ
بعدين نقفل عليها بشوي من شعر الكنافه ونضغط عليها ونقلبها بالصينيه جنب بعض ..
.
.
ثم ندخلها لفرن مسبق التسخين على درجة ١٨٠ْ من تحت ٢٠ دقيقه ثم نفتح عليها من فوق لين تاخذ لون حلو ..
.
.
ثم أول ما نطلعها من الفرن نسقيها بشيره بارده ..
• طريقة الشيره :
كوبين سكر + كوب ماء + م ك عصير ليمون ..
نخلط السكر مع الماء ونخليها تغلي 10 دقايق بعدين أضيف الليمون وأطفّي عنها النار وأخليها تبرد بجو المطبخ .

وعليكم بألف عافيه 💓✨