ياهلا .. حبيت انقل لكم خلاصه تجاربي بالعجينة 😅مابوه عجينة ماجربتها ابي كيذا عجينة قطنيه تهفش وبنفس الوقت خفيييفه والحمد لله مير اطيح بهالطريقه مع التعديل والتبديل واطلع بنتيجه ( عجينة الزبادي ) والله ياهالزبادي مايدخل بطبخه الا تطلع تسسسذا 👌.. .
الطريقة .. .
ايه قبل الطريقة ابقولكم علي شي اذا بنعجن لازم نخلط المقادير السائله اول وبعدين نضيف الطحين بالتدريج وهذا سر ماخذته من وحده معجناته 👌.. واللي ماعندها عجانة عادي تخلط المقادير السائله بخلاط الكاس وبعدين تصبها علي الطحين وتعجن ..
.
بالخلاط .. علبة زبادي دافئة + كوب ماء دافي وليس حار + ملعقه كبيره خميره + فنجال سكر + ربع كوب زيت وبعد مانخلط كل هالمقادير زين + نضيف الطحين بالتدريج تقريباً ثلاث اكواب ونص يزيد او ينقص علي حسب نوع طحينكم .. وقوام العجينة ضروري يكون لين يعني ماتكون العجينه قاسيه بالحيل حتي تعطيكم فطاير لينة ..وطبعا بعد ساعه وبعد ماتخمر تشكلونها واذا طلعت من الفرن علطووول غطوووها او اجمعوها بعلبه بلاستيك حتي تلييين اكثر .. .
👈 ممكن تخلطون طحين ابيض + بر 👈 العجينة تصلح لكل شي مثل خليه سينبون كرسون بيتزا .. يعني ممكن من العجينه تسوين طبق مالح وطبق حالي ..
👈 جربت احط بدال كوب الماء كوب لبن صحيح عطتني عجينه حلوه بس حسيته شوي ثقيله فجربت الماء وطلعت ليينه وهشششه بنفس الوقت .. وبالعافية .