ياهلا .. كيكة العيد كانت تشيز كيك اليييييم بقوووه .. والطريقة كانت نفس طريقه تشيز سان سيبستيان تتذكرونه ..اللي كان محترق وابلشونا بوه 😅 طبعا هو كان اصلع مابوه طبقة بسكوت من تحت 🤣 كان بس خلطه تشيز .. عاد انا سويت نفس خلطه التشيز كيك وحطيت معه طبقه البسكوت والزبده من تحت وزينته بالفراوله والتوت وطلع اليييم اطلق تشيز كيك ذقته بحياتي ينافس تشيز كيك فاكتوري ( الثقه مليووون 😆) .
.
الطريقة .. الطبقة الاولى .. نطحن نص باكيت بسكوت دايجستف + نص اصبع زبده سايحة (٥٠ غرام ) +ملعقه كبيره سكر بني ونخلطهم زين ونرصهم بالصينيه .. …… الطبقة الثانية ..
نخلط .. ٥٠٠ غرام جبن كريمي مثل فيلادلفيا او كيري + ثلاث ارباع الكوب سكر بودرة ونخلطهم حتي يذووب السكر + ثلاث بيضات علي دفعات يعني بيضه بيضه + ملعقة صغيرة فانليا سائله + كوب كريمه خفق + ٢ ملعقه طحين .. نصب الخليط بالصينيه وندخلها الفرن وعلي حراره وسط وبالرف الوسط تحت وفوق لمده ساعه تقريبا او حتي تتماسك .. بعدها نطفي عنها الحراره ونتركها شوي بالفرن مع ترك باب الفرن مفتوح يعني مانطلع الصينيه علي طول حتي ماتنصدم نفسيتها 🤣 وتنخفس او تتشقق .. بعدها ندخلها تبرد كم ساعه بالثلاجه .. وعند التقديم ندهن الوجه بشوي مربى فراوله ونصف الفواكه اللي تحبونها 🍓 .. والف عافية عليكم ومتأكده انها بتعجبكم وتطلقون التشيز كيكات الجاهزة 👌😁
.
👈 مقاس الصينيه ٢٠ سم يعني مقاسها وسط واذا صينيتك اكبر ممكن تضاعفين من مقادير البسكوت والزبده ..
👈 خبزت التشيز كيك من غير حمام مائي لان حراره الفرن ماكانت عاليه .. .