- 79
- 0
- الخميس, 23 يوليو, 2020 - 12 , صباحًا
- التقييم:
الطريقة و المقادير
ياهلا .. اكيد تعرفون حلا اللاتيه طاحوا فيه طيحتن قشرا 😂 عاد انا تحمست اطيح بوه مع بسبوستي ههههه ياعمري يا هالبسبوسه احب اجرب فيها كل مره نكهه جديده والصزززز طلعت خطيرررره 👌 واهم شي زينوها قبل بليله حتي تبرد صح لان حلاتها بارررده .. اخذت الفكره من المبدعه الله يجزاها كل خير @reemaz_2017 مع بعض التعديلات اللذيذة بمقادير البسبوسه ☺️
.
بسبوسة اللاتية .. اول طبقه نسوي خليط البسبوسه .. علبه القشطة مثل التاج هي المقدار اللي نقيس فيه المقادير .. بالخلاط نخلط ٢ بيض + علبه قشطه + علبه سكر وممكن اقل + ملعقه صغيره فانليا ونخلط لمده دقيقتين حتي ينتفش الخليط وهذا سررر طراوه بسبوستي + علبه زيت + ظرف كريم كراميل + علبه سميد + نص علبه جوزهند + نص علبه حليب بودره + علبه بسكوت كوفي جوي مطحون + ملعقه كبيرة بكنج بودر ونخلط كل المقادير زين ونصبها بالصينيه ونحمرها بالفرن من تحت وفوق واول ماتطلع نسقيها شي خفيييف من الحليب المكثف المحلي ونغطيها حتي تتشرب الحليب وتكون لينه .. .
ثاني طبقة .. بعد مابردت البسبوسه شوي نسوي الطبقه الثانيه .. بالخلاط .. ربع حليب المكثف المحلي + ٦ حبات جبن كيري + ظرف دريم ويب + ظرف كريم كراميل + قشطه قيمر صغير + شوي نسكافيه او ظرف لاتيه ونخلط زززين ونصب الخليط علي البسبوسه .
ثالث طبقه .. نصف بسكوت كوفي جوي من غير تغميس بالحليب ولاشي نصفه علي طول علي طبقه اللاتيه .. وندخلها الثلاجه تبرد .. بالنسبه لمقاس الصينيه انتِ ورغبتك اذا حابه الطبقات تكون خفيفه استخدمي المقاس الكبير من البايركس وإذا حابه الطبقات عريضه استخدمي المقاس الوسط .. انا استخدمت الكبير وطلعت رووووعه 👍 ونوع البسكوت ضروري بهالوصفه وحركي الصور حتي تشوفين صورته .. وبالعافيه علي قلوبكم ❤️
