.
ياهلا .. ياخوفي بوه احد جوعان هالحزة لانه بيجوع زياده😂 عاد ووووووش رايكم بهالبيتزا البطططططططلة 🤣 لاتفوووتكم طعيييييمة بالحيل ومع عجينتي اللي تهفش تهفش 👌وكأنها جاهزه ماشا الله وتعالوا شوفوا طريقتي فيها 😋 ..
.
بيتزا الدجاج والرانش ( حتي الاسم كشخه وش انتي يابيتزا مايسترو عند بيتزا نورتا الوهيبي ) 🤣🤣
.
صوص البيتزا الطعيم .. بقدر صغير نحمس بصل + ثوم + طماط + فلفل رومي احمر بارد ( وهذا السر اللي يعطي الصوص الطعم 👌) ونحمسهم مع شوي زيت وبهارات وملح وكركم وبهارات البيتزا + شوي صلصله طماط وبعد ماتذوب شوي نخلطهم بالخلاط همن نرجعهم بالقدر مره ثانيه ونخليها تطبخ لها خمس دقايق حتي تتسبك وخلاص ..
.
طريقة العجينة .. بالخلاط .. علبه زبادي دافيه + نص كوب ماء دافي مذاب معه ملعقه كبيرة خميرة + فنجال سكر + ربع كوب زيت وبعد مانخلطهم زين نعجن معهم طحين حتي تصير معنا عجينه لينه تقريبا ثلاث اكواب او اكثر بشوي ونخليها تخمر ساعه .. .
وبعد ماخمرت العجينه ندهن صينيه البيتزا بشوي زيت ونرش عليها طحين حتي ماتنشب البيتزا 😅( وانا افضل الصينية اللي يكون شكلها دائري ومخرمة من تحت ) تعطي بيتزا خفيفه ورقيقه 👌عاد نفرد شوي من العجينه علي شكل دائري وتكون رقيقه افضل شي همن نحطها بالصينيه ونخرمها بالشوكه وبعد كيذا نحشي كويرات من العجينه باي نوع جبن تحبون انا حشيتها بجبن قشقوان علشان يتمطط 😋 ونصفها علي اطراف الصينيه همن نوزع صوص البيتزا + فلفل رومي اخضر+ زيتون + شرايح دجاج مشوي او ممكن همبرجر دجاج وتقطعونه شرايح + جبن موزريلا واخر شي ندهن الكويرات بالبيض ونرش علي البيتزا بهارات ايطالية وندخلها الفرن من تحت وفوق واذا طلعت نصب عليها شوي من صوص الرانش وياعساها بالف عافيه علي قلوبكم .. وعلي فكره إذا زاد معكم شوي من العجينه صلحوا بهن كم حبه من الفطاير