- 52
- 0
- الثلاثاء, 4 أغسطس, 2020 - 7 , مساءً
- التقييم:
الطريقة و المقادير
.
يامساء الوردات 💐
.
اللهَّم إني أسالك توفيقاً في طريقي وراحه في نفسي وتيسيراً لأمري، ربي أعوذ بك من شتات الأمر ومسّ الضُّر و ضيق الصدر
.
.
لقيمات باللبن ~
.
الكميه هنا انا دبلتها
المقادير :
كوب دقيق كويتي
ملعقة صغيرة خميرة
ذرة ملح وذرة سكر
كوب لبن يعني علبة اللبن الصغيرة
الطريقه
طبعا الدقيق استخدمت دقيق كويتي ويختلف اكيد باللون وليونته وهشاشتها
نخلط المقادير كلها مع بعض ليما تصير سايله شوي يعني معروفه عجينة اللقيمات موب سايله مره ولا ثقيله مره يعني وسط
ونخليها تخمر ساعه الا ربع ومن ثم نبدا نقليها بالزيت
مسخن من قبل عشان اللقيمات تضبط بالقلي الزيت يكون حار بعدين يتقصر عليه بس شوي عشان ما تنحرق
وبعد تنصب باليد وبالملعقة الصغيرة يكون فيه صحن فيه زيت نضع فيه الملعقة قبل تطلعين من العجين اللي باليد بين السبابه والابهام حتى تنزلق بسرعة في الزيت وتتكور.
وتتحمر طبعا الزيت لازم يكون ساخن مره لان لو استخدمتيه وهو ساخن نص ونص بيطلع مثل النيازك ويتخرب اشكالهم
وتتحمر بالزيت مع التقليب المستمر لونها فاتح نفس الصوره وقوامها مقرمش
وتقدم مع العسل
تتهنوا فيه يارب
دعواتكم 🌹
