.
.
‏” دُلنا يارب على كُل سببٍ يقودنا إلى حياة طيّبة تُرضيك عنا “
.
.
👩🏻‍🍳 شاورما بخبز الصاج البر ~
.
المقادير للعجينه :
3 كاسات دقيق بر من المطاحن افضل
نصف ملعقه كبيره خميره فوريه
نصف ملعقه كبيره باكنج باودر
3 ملاعق كبيره حليب بودره
3 ملاعق كبيره زبادي
رشة ملح
ربع كوب زيت
كوب او اكثر ماء دافي
ننخل المقادير كلها مع بعض ثم نبدا نعجنها وناخذ العجينه ونوزعها على شكل كور انا فردتها على شوي زيت لاني حسيتها شوي ناشفه عشان الدقيق البر يعني على حسب اذا شفتيها لينه مره افرديها على دقيق اذا قاسيه افرديها على زيت ثم على الصاج على النار
طريقة الدجاج :
3 صدور دجاج مقطعه بالطول صغار او على حسب كميتك
بصله وفص ثوم
جزر مبشور
فلفل رومي مقطع صغار
بهارات شاورما
ملح – رشة فلفل اسود – نصف عصير ليمونه
علبة زبادي
الطريقه :
نشوح البصل والثوم مع شوي زيت حتى يذبل ويقارب اطرافه على بني ثم نضيف الدجاج ونخليه على نار عاليه حتى يكون لونه ابيض حتى ماتطلع عصارته ويتشوح صح ثم نضيف البهارات والليمونه بعدها اضيف الجزر المبشور والفلفل الرومي ونقلبهم مع بعض شوي ثم نضيف علبة زبادي ونحركه بسرعه حتى يتداخل معه ويتجانس الطعم ويتكون مثل الصوص فيها تعطي طعم الذ
ونكون جهزنا الخبز على الصاج ومجهزين بطاطس اعواد مقلي وخيار مخلل ورانش او مايونيز وكاتشب
عند التقديم جهزنا خبز الصاج وندهنها رانش وكاتشب ونضع ورق خس ونضع الدجاج فوقه والخيار المخلل والبطاطس ونلفها
وبالعافيه عليكم
دعواتكم 🌷