.
‏رسالة صباحيه :
‏لا تيأس فـ والله ما بكت عين إلا و لها ربُ يخبي لها الأجمل ففوض أمرك لربك 🧡
.
ساندوتشات الكودو ~
.
هذي الحشوه تكون معتمده عندنا بشهر رمضان الله يبلغناه وحنا بصحه وعافيه ويعينا على قيامه وصيامه يارب وتناسب صواني او غيرها وتتفرزن
.
المقادير مع الطريقه :
دجاج حسب كميتك استخدمت 3 دجاجات قصصتها الى نصف مع ماء مغلي وشوي عصير طماطم وشوي ملح وشوي من الزنجبيل المهروس حتى يقطع ريحة زفرة الدجاج حطيتهم بقدر الضغط وخليتهم ربع ساعه تقدرين تستخدمين القدر العادي هو مجرد مايسلق تطفينه
بعدها رفعت الدجاج وبديت افتت الدجاج واشيل منه العظم والجلد لما خلصت الكميه وعلى النار اكون مجهزه مقلاه حطيت فيها بصل مقطع صغار حسب كميتك واشوحه على النار مع شوي زيت ثم اضيف الفلفل الرومي الملون او تكتفين بلون واحد ثم اضيف الجزر المبشور واقلبهم مع بعض والافضل بقدر واسع ثم اضيف الدجاج المفتت واقلبهم حتى يتجانس مع االخضار ثم اضيف فوقه
3 ملاعق كاتشب
ملعقه كبيره صلصة صويا حلوه
ملعقه صغيره كركم
3 معجون طماطم
1 طماطم صغيره مقطعه صغار وتقدرين تستغنين عنها
رشة ملح وفلفل اسود
ملعقه من بهاراتك المعتمده
واحركهم مضبوط وتكون الحشوه جاهزه
اجهز الساندوتشات واضيف رانش او مايونيز واضيف الحشوه وعوافي
تتهنوا فيها يارب
دعواتكم 🧡