مساكم الله بالخير❤💚💙
..
قبل فترة استخدمت قوالب الفرن الصغيرة اللي اشتريت من الدانوب وأعجبني شكل المكرونة فيه وماقدرت أقاوم ماأصور وأتميلح بالتصوير شوي من الحماس☺😜💕 ……
وهذه طريقة صينية المكرونة عشان لو أحد سأل تصير واضحة لهم بالرد الأساسي وماتضيع بين الردود 😅
…
🍝 ١-تسلقين مكرونة أي شكل تحبين ثلاث أرباع استواء (استخدمت #قودي الخواتم الصغيرة). .
٢-تقطعين صدور دجاج لمربعات او شرايح بحجم حبات المكرونة وتقلقلينه على النار مع شوية بصل وثوم وفلفل بارد مقطع صغير ورشة فلفل أسود وملح قليل. .
٣-تقطعين جبنة تشيدر #كرافت الكمية اللي تحبين لمكعبات واتركيه جانبا.
.
٤-إذا عندك أوريغانو وريحان(البيسيل) الطازج افرمي الكمية اللي تحبين واذا ماعندك استخدمي الناشف او بهارات ايطالية. .
٥-أضيفي كل ماسبق من أعشاب وجبن ولحمة على المكرونة واخلطيهم برفق. .
٦-اسكبي المكرونة بصينية الفرن وصبي عليها كريمة خفق بس يتغطى الوجه. .
٧-وزعي جبن موزاريلا عالوجه ودخليها الفرن على حرارة متوسطة لحد ماتتشرب والجبن تذوب ثم حمري الوجه وبالعافية. …
-ممكن تبدلين الدجاج بالربيان بتطلع أروع وألذ وأسرع بالتحضير🍤🍤🍤 وسلامتكم 😘