.
شوربة لاكسا
لاتحرموني لايكاتكم ودعمكم حبيباتي❤️
بالنسبة للمقادير بعطيكم المقادير الاساسية ووش ممكن تستبدلينه فيه 😊

صدرين دجاج مقطع بشكل طولي
فصين ثوم
معجون الكاري الاحمر التايلندي
حليب جوز الهند
من كوبين ونصف الى ثلاث اكواب مرقة دجاج مملحة
ملعقة فلفل احمر بودرة (اختياري) بس هو اللي يعطي الشوربة طعم لذيذ🙈
ليمون غراس تلقونه بالسوبرماركت بقسم الخضار الاسيوي وهو شكله زي البصل الاخضر وريحته زي الليمون وممكن تستبدلونه بقشر ليمون اخضر
خولنجان تايلندي طازج وممكن يستبدل بالزنجبيل الطازج تاخذين قطعة صغيرة وتبشرينها وتدقينها تصير زي المعجون
براعم الفاصوليا برضو تلقونها بالقسم المستورد بالخضار
ويستبدل بالملفوف الابيض يفرم ناعم
شعيرية الارز او نودلز او اي نوع مكرونة طولية تفضلينها تكون مسلوقة وجاهزة على جنب
وللتزيين شرايح فلفل احمر وكزبرة

الطريقة :
تحمسين بالبداية الثوم وشوي من الخولنجان التايلندي او الزنجبيل وتضيفين عليه الدجاج وتحمسينه لين يتغير لون الدجاج ويبيض وبعدين تضيفين ربع كوب من معجون الكاري الاحمر التايلندي والفلفل الاحمر الحار المطحون
وتحمسينهم زين وتضيفين الليمون غراس او بشر الليمون الاخضر وبعدها تضيفين تقريبا ً كوبين ونصف الى ثلاث اكواب مرقة دجاج او حسب الكمية اللي تبينها للشوربة وتضيفين عليهم علبة كبيرة من حليب جوز الهند وتخلينه يغلي على نار هادية لمده ربع ساعة الى ثلث ساعة تقريباً
طبعاً احنا ماحطينا ملح لان مرقة الدجاج فيها ملح وكمان معجون الكاري فيه ملح بس انت ذوقي ان احتاج ملح ضيفي وبعدها الشوربة تكون جاهزة وتكونين سلقتي شعيرية الرز او النودلز او اي مكرونة تبينها وتحطينها بصحن التقديم وتصبين الشوربة على المكرونة اللي سلقتيها وزيني وجهها اما بيراعم الفاصوليا او الملفوف الابيض وشرايح الفلفل الاحمر والكزبرة واستمتعي بأحلى شوربة ماليزية 😍👌 .
.
.
.
‏#laksasoup .
. .
.
.