مساكم الله بالخير وعلومكم مع هالاجازه والجمده ❄️ عاد مايدفي الا البلع والقهيوه الكايفه 😂👌المهم اكيد قد سمعتوا عن حلا اسمه حفله بفمك 😳 الصراحه كنت متوقعه انه بيطرطع اذا اكلته 🤣 ههههه وبالاخير طلع عجينه محشيتن بشكولاطه .. المهم لايفوتكم زينوه بهالاجازه وحتي الصغيرين بيعجبهم مررره 👌.. .
الطريقه .. اي عجينه انتي معتمدتها اضيفي لها ملعقتين كبار شكولاطه بودره مع الدقيق وبعد ماتختمر العجينه كوريها واحشيها جالكسي وهمن صفيها بالصينيه وهن متفرقات عن بعض حتي مايتلاصقن مع بعض واهم نقطه بالتحمير حمريهن من تحت وفوق علي خفيف هذا اهم شي وهو سررر طراوتهن وبعد ماتستوي زينيها بخطوط النوتيلا مع اوريو مفتت ومع القهوه ياسلاااااام طعيمممه بالحيل 👌😋.. واكيد فيه طرق تختلف عن طريقتي بس انا احب الطرق السهله والبسيطه .. .
عجينتي اللي معتمدتها .. اخلط بالخلاط علبه زبادي دافيه + فنجال سكر + ملعقه كبيره خميره + نص كاس ماء دافي + ربع كاس زيت واخلط هالمقادير حتي تمتزج ززززين همن اضيف بالتدريج الدقيق حتي تتشكل معي عجينه متماسكه ومقدار الدقيق من ثلاث كاسات ونص الي اربع كاسات علي حسب نوع الدقيق .. من جد عجينة قطنييه وهشه 👌 وياعساها مهابيط العافيه علي قلوبكم ❤️وايه لاتنسن تطقن اللايك لاني والله طلعت بالحوش اصور لكم 😁 يعنني احتراف وكيذا