ياهلا .. اخباركم يالعرب 😍مع رمضان مانيب قايلتن وش اخباركم مع المطبخ الا وش اخباركم مع الصلاه والعباده ربي يرحمنا برحمته ويعيننا علي صيام وقيام مابقي من رمضان 😭. .
المهم لاتفوتكم طريقتي باصابع الكنافه وسبق قد نزلت هالصوره والوصفه قبل سنتين لكن تحمست ارجع ارفعها لكم ( قولوا عاد من كثر طبخاتس ) هههههه لا بس الصززز حبيت تشوفون خطواتها مع الصور المتعدده خطوه بخطوه 👌وصدقوني من بعدها بتظبط معكم ان شا الله 😋 . .
اول شي استخدم كنافه الدانوب حركي الصوره حتي تشوفينها رررروعه مع الاصابع ويطلعن اصيبعات وش حليلهن ☺️. .
ناخذ شوي من الكنافه ونمدها بالطول ونحط بالطرف قطعه من الجبن الكيري طبعا انا اقطع الجبن لثلاثه اقسام يعني قطعه الجبن الوحده تسوي لك ثلاث اصابع .. وبعدها من غير ماندهن ولا زبده ولااااا اي شي نلف الكنافه لفه وحده بس علي الجبن واقطعوا الطرف الثاني بالسكين يعني لاتكثرون لف من الكنافه حتي ماتصير ثقيله وثغثكم ( تعرفون بوه قهوه وفيمتو وماء 😂) وعلطول صفيها بالصينيه واذا خلصتي من اللف يابعدي سيحي لك قطيعه زبده وسقيها وهمن دخليها للفرن من تحت وفوق عادي مع بعض اسرع لك وهمن اذا طلعت سقيها نستله او شيره وياعساها بالعافيه عليكم ❤️ والله الله بالايك 😘 انتم كريمين ونورة تستاهل 😉