كيكة احترقت واشغلت العالم معه 🤣 اي والله اشغلتنا مابوه احد ماطبقها علشان كيذا تحمست اسويها واحرقها 😂 .. اللي هي تشيز كيك الاسباني سان سيباستيان ياطول اسمه 😅 وبصراحه طلع الطعم رهيييييب 👌وطبعا مع تطبيقات المبدعات لها احترت بكميه الجبن فيه احد مسوي مقدار كبير وأحد مسوي قليل .. اما انا خير الامور الوسط .. .
الطريقة .. نبط قالب التشيز كيك بورق الزبده ونسويه علي شكل (+) يعني وحده بالطول ووحده بالعرض حتي نتاكد اننا بطنا الصينيه زين .. حجم الصينيه كانت صغيره قطرها ٢٠سم
نخلط بخلاط الكيك٤٠٠ غرام جبن فيلادلفيا لمده دقيقه حتي يلين شوي وبعد كيذا + ثلاث ارباع الكاس سكر ونخلط الجبن مع السكر زززين حتي يذوب السكر بعدها + ثلاث بيضات بس علي دفعات يعني بيضه بيضه + ملعقه صغيره فانيلا ويفضل سائله بعد ماينخلط البيض زين + كاس كريمه خفق + ٢ملعقه كبيره دقيق وبعدها نصب الخليط بالصينيه وندخلها بفرن محمى مسبقا .. طبعا الحراره كانت علي ٢٠٠لمده اربعين دقيقه من تحت وبعدها من فوق حتي يحترق 🤣 الصزززز عجزت اسطي اخليه يحترق بالحيل ماش ماتعودت خفت يخرب 😅 ويفضل يكون وسط الكيكه شوي ترررج وبعد ماتستوي نقفل الحراره ونخليه داخل الفرن نص ساعه وبعدها طلعوه من الفرن وبتهبط معكم شوي جددا عادي .. يفضل اكلها بارده من بكرا 😍 تطلع الييييمه واذا تحبون يكون سكرها واضح ممكن يكون المقدار كاس سكر براحتكم .. وبالف عافيه عليكم و بصراحه تحمست احرق بسبوستي واشتهر معه 😂 ..