tota1tota12 with
طريقة الفلافل 🧆🥙
١/نحتاج فول ابيض مقشور و حمص حب كلهم ناشفين نغسلهم وننقعهم بماء لمده ١٢ساعه ونغير المويه ٣مرات خلال الـ١٢ساعه
٢/نحتاج خضار ورقيه (صرة بصل اخضر-بقدونس-شبت-كزبره)كلهم نقطعهم كبار
٣/نصفي الحمص من باقي الماء ونغسله ثم في محظرة الطعام نبدأ نضيف من الحمص والفول والخضار مع وشه كمون وثوم مهروس و كزبره احب اضيفها حب تطلع نكهتها اقوى ممكن تضيفون مطحون ونطحن لما نخلص كل الكميه ونعجنهم سواء عشان يختلطون صح في هاذي المرحله ممكن تملحون الخليط انا املحه وقت الاستخدام وكل شخص براحته
٤/نقسم الخليط بأكياس مثل ماهو واضح بالفديو وع الفريز تحلس سنه ماتخرب
٥/وقت الاستخدام اذا حابين قلي طلعوا الخليط بعد مايفك ضيفوا له بيضه ونص ملعقه صغيره بكريونات ونص ملعقه صغيره بكنج بودر وكمون وكزبره وملح وممكن ماجي ابيض او بودره ماجي مو ضروري ونخلط اذا حابين بالفرن ضيفو بيضتين مو وحده وماء وقلبوها لما تحصلون قوام شوي خفيف ودهنوا الصينيه واخبزوها ع حراره ٢٠٠من نص ساعه ل٢٥دقيقه من تحت ثم من فوق خفيف
٦/ممكن تسونها نفس طريقه القلي بالفديو بس تخلونها بالقلايه الهوائيه مع بخاخ زيت كلها ناجحه ولذيذه
٧/طريقة حشوتي للفلافل اللذيذه كل من ذاقها طلبها مني نزلتها لكم سووها بهاذي الفلافل مره خياليه وبألف عافيه
٨/ممكن تفرزنون باقي الفلافل بعد الخبز ماتتغير لمره ثانيه انا اوزع الصينيه ع ثلاث مرات استخدام 👌😍