كاساديا سريعه
.
كيف سريعه وانتي متبله الدجاج قبل و بس شويتيه يا هنوف 😁؟
النقطه هنا انه انتي عارفه روتين اسبوعك و انتي مسؤوله عن المطبخ
اذا ودك بكرا تسوين ساندوتشز او خفايف .. جيبي صدور دجاج فريش او طلعي اللي عندك بالفريزر خلي الثلج يفك و حطي الدجاج مع تتبيلتك و بكيس زيبلوك و على الثلاجه بالرف الي فوق ..
التتبيله اللي امس :
خل + ثوم + بديل الماجي من ارض الطبيعه + بهارات الفاهيتا من ماجيك + اي بهار مشكل عندك
هنا انتي قطيتي هم تتبيل الدجاج و خليه لبكرا ..
.
نحمي الصاجه قبل .. لا تحطين الدجاج على نار واطيه بعدين تزيدينها او العكس لأنه بتطلع كل المويه اللي بالدجاج و يصير ناشف ..
حطي الصدور و لا تحركينها .. طيب كيف تعرفين انها استوت ؟
فيه وحده قد قالت مدري كيف اعرف اذا استوت يعني اشويها لين تنشف و تتحمر بزياده عشان اتأكد 🙆🏼
فيه طريقه قد شفتها ببرنامج طبخ انه جيبي كفك و اجمعي راس الابهام براس السبابه و اضغطي على الجزء الي تحت ابهامك .. اذا الدجاج ضغطتي عليه و كان بالليونه هذي معناتها ني .. الحين اجمعي راس الابهام براس الخنصر .. شفتي كيف صار قاسي المكان اللي تحت الابهام ؟ معناتها الدجاج مستوي و اقلبيه للجهه الثانيه يتحمر ..
تحسين الطريقه معقده وصعبه بس بتاخذين عليها و تصيرين تعرفين اذا مستوي واللا لا بس بضغطه الملعقه بدون ما يصير يابس الدجاج .. .
اذا ودك تقطعين الصدور قبل بعدين تتبلينها عادي يعني الامور سهالات بس عن نفسي ماحب حوسة الدجاج الني و اخلي التقطيع للوصفات اللي تتطلب انه يقطّع ..
.

بعد ما يستوي الدجاج خليه يرتاح دقيقه وقطعيه مكعبات صغار ..
نحمي الصاجه و نحط تورتيا .. بعدين طبقه مايونيز او جربوا اخلطوا ( مايونيز و وورستشير صوص و ثاوزند آيلاند دريسنق و ملح وفلفل ) لذيييذه مع الساندوتشز ❤️
نحط الدجاج بعدين مكس اجبان مكسيكي او اللي متوفر عندك و كثري 🙈
شوي خس و شوي صلصه مكسيكيه جاهزه و عادي تحطين طماط مقطع بدالها
الصلصه عباره عن ( بصل ابيض و طماط و كزبره و فلفل بارد )
اخذها علبه كبيره من كوسكو لذيذه مع كل شي ..
اخر شي شي جبن على الاطراف عشان تتسكر و تورتيا ثانيه و اقلبيها تتحمر
الطعم ما يحتاج اقول ولا اطلق مطعم مكسيكي ❤️
.
و بالعافية الدافيه 💘.

• تهتمين ايضا بـ

  و هنا تستمتعين بافضل المشروبات اللذيذة

  بالاضافة الى ذلك، يمكنك هنا تعلم افضل المقبلات

  و ايضا يمكنك هنا مشاهدة افضل وصفات السلطات

  قسم الموضة مجلة كويتيات

  قسم الام و الطفل

  جمالك في مجلة كويتيات

  صحة مجلة كويتيات قسم يقدم لكم العديد من النصائح الصحي و الغذا