كشري بتر جكن🔥😍
.
المقادير :
.
كوبين رز حسب الرغبه مصري او العادي ” انا افضل المصري”
كوب عدس اسمر
كوبين معكرونة صغار “نوعين”
حبة بصل مقطعه شرايح
ملعقة كبيرة طحين
ملعقتين كبيرة ملح
.
البتر جكن
.
كيس دجاج تكا كامل او صدور دجاج مقطعه
علبة روب كاملة “زبادي”
حبة بصل كبيرة مفرومة
حبتين طماط
ربع علبة معجون طماط
ملعقة صغيرة ثوم “٣فصوص”
ملعقة صغيرة زنجبيل
ملعقة صغيرة جرام ماسالا
ملعقة كبيرة معجون الكاري ” متوفر بالجمعيات”
مكعبين كنور الزعفران ” اذا مو متوفر نستبدله بمكعب ماجي و شوية زعفران”
نص كوب كريمة خفق
ربع اصبع زبدة
.
الطريقة :
.
نغسل العيش و العدس و ننقعه لمدة ١٥ دقيقة بعدها نصفي الماي منه
بجدر فيه ماي مغلي نضيف العيش و ملعقة ملح و نخليه ١٥ دقيقة بعدين نصفيه من الماي
بنفس الجدر نحط شوية زيت و نرد العيش عليه و نحط تحت الجدر حديدة و نسكر غطا الجدر على نار هادية لمدة ١٠ دقايق
نفوح العدس لمدة ١٥ دقيقة مع نص ملعقة ملح بعدها نصفيه
نفوح المعكرونه مع شوية زيت و ملح لمدة ١٥ دقيقة و نصفيه
نحط على البصل الشرايح شوية طحين و نقليه لما يتغير لونه
.
نشغل الفرن على حرارة ١٨٠ من فوق و تحت و نضيف الدجاج لمدة ٢٠ دقيقة
بجدر ثاني نحمس البصل بشوية زيت و زبدة و نضيف عليه الثوم و الزنجبيل و نحركه عدل بعدها نضيف معجون الكاري و الجرام ماسالا و مكعبين الكنور و نخلطهم عدل و نضيف الروب و المعجون و الطماط و الكريمة و فوقه الدجاج
.
وقت التقديم نحط العيش فوقه المعكرونه فوقه العدس و البصل و الصلصة .
و عليكم بالعافية