- 63
- 1
- الثلاثاء, 6 يونيو, 2017 - 12 , صباحًا
- التقييم:
الطريقة و المقادير
برياني دجاج .
المقادير :
.
٣ اكواب عيش “رز”
دجاجتين مقطعين او علبة دجاج مقطعه جاهزة
حبتين بصل وسط
حبتين طماط وسط
ملعقة كبيرة ملح
ملعقة كبيرة كاري
ملعقة وسط كركم
ملعقة صغيرة فلفل اسود
ملعقة صغيرة كمون
ملعقة صغيرة معجون كاري حار “مو اجباري”
ملعقة كبيرة معجون البرياني
ملعقة صغيرة ثوم
ملعقة صغيرة زنجبيل
علبة معجون طماط كاملة
علبة روب”زبادي”
شوية كزبرة
بهارات عدلة “ورق غار، مسمار ، هيل ، دارسين”
.
الطريقة :
.
بجدر نحط شوية زيت و نضيف الدجاج ونحركه ٥ دقايق
لما يتغير لونه بعدها نضيف الثوم و الزنجبيل والبصل و نحركه عدل معاه و نخليه ٥ دقايق
بعدها نضيف البهارات البودرة و معجون البرياني و نضيف عليه كوب و نص ماي حار و نخليه يطبخ لمدة ١٠ دقايق
بعدها نضيف الروب و المعجون و الطماط و فوقهم نص كوب ماي و نخليه ١٠ دقايق
.
بجدر فيه ماي مغلي نضيف العيش و البهارات العدلة و ملعقة ملح و نخليه ١٠ دقايق بعدها نصفي منه الماي
و نرجعه الجدر و نضيف فوقه الدجاج و نقلبه عدل .
و عليكم بالعافية
