كبسة لحم 😋 بأسهل طريقه 👏🏻
لا يهمكم الكلام الكثير🌚 اتوقع الفيديو موضح سهولته لكن عشان ابيكم تضبطونها صح قلت لكم تفاصيل التفاصيل 😁 يلا معي 🐑؟ ترا انا اول مره اسويها وضبطتها 😌
.
.
اولاً: جبت قدر كاتم كبير وحطيت فيه الجمب🐏 سبق وقطعته لثلاث قطع حطيت عليه مويا فاتره و اول مابدا يفوح وطلع الريم ” زفرة اللحم ” 👌🏻 كبيّت المويا كلها وغسلت القدر ، ثم رجعته من جديد 👉🏻 هذي الخطوه مب موجوده بالفيديو.
ثانيًا: بعد مارجعته اشغل النار عاليه🔥 و احط عليه البهارات العدله ( اعواد دارسين + هيل + ورق غار + بصلتين كبار مقطعه ارباع + ٣ فصوص ثوم + ٣ فلفل حار + ٢ غطاء خل + شريحتين ليمون ) و ثم ( بهارات مشكله + فليفله + كمون + كركم + فلفل اسود) ثم نصب مويا حاره💧 الى ما تقريبا تغطي اللحمه🐏 وقضينا نكتمه ونسكره كويس ونكون مقصرين عليه النار لـ مدة ساعة 🕚” اذا كان قدر عادي ياخذ مدة ساعتين ” نفتح عليه بعد الساعه ونضيف الملح.
ثالثًا: نجيب قدر ثاني للرز 🍚 ونحط زيت + بصل ونحمس كويس ثم نضيف من موية/مرقة اللحم🐑 للي يكفي رزكم ونضيف الرز ونخلي المويا💧 فوق الرز سانتي تقريبا نخليه ربع ساعه🕒 ، نعلي عليه اول شيء🔥 ثم نقصرر مره واخر شيء حطيت منقوع الزعفران شوي فوق الرز.
رابعًا: نجيب صينية الفرن وحطيت فيها قطع اللحم🐏 ثم دهنتها ب زعفران مع موية اللحم نفسها ، يعني ” نقعّت الزعفران بمرقة اللحم ” ثم ندخله الفرن ونشغل من فوق بس ونخليه يتحمر ويصير مقرمش 😋 على حسب رغبتكم عموما 😁
خامسًا : الكشنه ب طريقة بيتنا هي 👈🏻 بصل نقطعه مربعات صغار ونحمسه مع زيت ونضيف ملح عشان يخلي موية البصل تطلع بسرعه ونضل نحمس ثم اذا حسيتو انو تكرمل نضيف نص بيالة مويا عشان ياخذ لون اللي خذاه القدر من الحمس اذا صار اللون ذهبي نضيف ( بهارات مشكله + فلفل اسود + ملح + كركم ) وبالعافيه