نتائج البحث

صباح الخير يا حلوات .. من زمان وانا ودي اجرب سبا للاظافر يكون شرح وشغله حلو بالاضافه للسعر المناسب طبعا ... وبالفعل رحت قبل يومين وجربت Mobrad Nail Spa مكانه : برج التجاريه منطقه شرق السرداب . اوقات العمل : من 10 صباحا الى 9 مساءا المكان وايد حلو وهادي .. ديكوراته حلوه وتشرح الصدر ...

قوة ياحلوات عندي ملابس من مذركير بقيمه 79 دينار ... اهي اغراض بنات وانا حامل بولد الي تبي تشتري شي تاخذهم وتبدلهم باللي تبيه من مذركير يعني اهي بالحالتين بتشتري منهم ... انا على وشك ولاده ومافطنت عليهم الا متأخر الي حابه تاخذهم وتساعدني تردلي بالخاص

قوة ياحلوات شلونكم ... ابي صالون ايولي لي البيت يسوون استشوار او ويفي اللعريض وسعرهم وشغلهم زين ... معزومه على عرس وحامل مالي خلق اروح الصالون وارتز ساعات عفيه ابي ضروري

قوة ياحلوات شلونكم ... الخبيرات والليب مشتركين بأي نادي صحي ... هل في نادي يعطي كلاسات رياضه للحوامل ؟؟؟ ياريت اللي تعرف تفيدني ... ومشكورين

قوة ياحلوات .... بغيت اعرف اكو وحده فيكم سافرت واهي حامل ؟؟ انا عندي سفره وبكون بالاسبوع ال 15 هل في خطر ؟؟؟؟؟؟ شنو لازم اسوي ؟؟؟

قوة حبوبات شلونكم .. عيد ميلاد ريلي الشهر الياي ومادري شسويله انا ماصارلي وايد متزوجه وحملت بسرعه ... يعني مامداني اسوي فناتك وحركات .ز شورو علي شسويله احجز فندق ؟؟ ولا لا شنو اشتريله هديه ؟؟؟؟؟؟ مع العلم راح اكون حامل بالشهر الرابع :) يالله عاااد كل وحده تعطيني فكره ... مو تدشون تقرون...

قوة حبوبات ياريت كل اللي تدخل تقرا الموضوع ترد .. واللي ماترد ياويلها :) هذا اول حمال لي وما ادري اراجع عند منو ابي دكتوره ... مابي ريال ... ياريت كل وحده حلوة اهي وكرشتها الحلوة تقولي وتنصحني .... بنات انصحوني بنجيبه القطان .. وناس فوزيه القطان .. وناس ناهده العلي وانا حدي محتاره صراحه...

قوة حبوبات شلونكم ... منو جربت الولاده بمستشفى السيف ؟؟؟ شلون الخدمه ؟؟ العنايه ؟؟ النظافه ؟؟؟ الاسعاااار ؟؟؟ ياريت تفيدوني عفيه

السلام عليكم خواتي بغيت اسوي شريط الحمل اللي ينحط بالتوقيع شلون ؟؟؟ اللي تعرف تقولي

قوة بنات شلونكم ... ابشركم انا حامل .. بس الحين محتاره منو احسن دكتورة امراض نسا وحوامل .. ومن متا لازم اراجعها ؟؟؟ اللي تعرف لاتبخل علي بتجربتها وياريت رقم العياده مرة وحده بعد ( حدي مستعيله ) :)

السلام عليكم خواتي .. انا موعد الدورة عقب باجر بس اتمنى اكون حامل .. ممكن أكون حامل واحس بعوار الدورة ؟؟ الله يوفقها اللي ترد علي

صباح الخير بنات لحقوني لحقوني ...طورت ايفوني ال 3 gs الى 4 g وما ادر ادز mms شسوي ؟؟؟؟ شالدبره ؟؟ ساعدوني حتى بالستنق مو لاقيه الضبط مالها :( ياليتني ماطورته

قوة بنات .. اليوم نزلت برنامج الwhats up من محل وقالي نطري لين يدزولج الكوود وللحين مادزولي تكفوووون ساعدوني شسوي ؟؟؟ الغيه وارد انزله لا شنو وعلى فكره انا اشتراكي بالايتونز ببلاش يعني ما اقدر انزله بأكاونتي الي تعرف الحل تساعدني

قوة خواتي مثل ماشايفين بالتوقيع ان عروس يديده ..الموضوع محرج شوي بس ياليت القى الحل عندكم انا زوجي دخل علي بيوم العرس بس للحين يعور وايد لمن يجامعني احس انه روحي بتطلع من الالم شنو الحل ؟؟ هل هذا طبيعي بالبدايه ؟؟ ولي متى ؟؟ وشنو اسوي ؟؟ وشنو احسن وضعيه للجماع ؟؟؟ ساعدوني عفيه

قوة بنات ياريت اللي تعرف رقم اللافندر اللي بالمهلب فوق تحطه لنا هني واذا مجربه شغلهم من حمامات مغربيه شلونه ؟؟؟

قوة بنات ... عفيه اللي تعرف عدسات هيفا شنو اسم الماركه تقولي ؟؟ عفيه كل ما اروح مكان يقولي اي ماركه بالضبط

قوة خواتي شلونكم .. ياريت الي تعرف صالون سنع يسوي حمامات زيت حق الشعر بس بمكونات طبيعيه مو يحطونلج زيوت من العلب الجاهزة مالت الجمعيات .. عفيه اللي تعرف تقولي

قوة خواتي .. انا عروس يديده وما اعرف اشتري شراشف السرير .. الاسفنجه عندي 180 * 200 مو هذي المشكله بس الارتفاع عندي 30 سم من وين الاقي شراشف حلوة .. الشغله الثانيه ابي كفر او ديباج مثل مانقول نوعه زين شرايكم بملوووت ايكيا ؟؟ زينين عفيه ناطرتكم

قوة حبوبات .. قلت اطلعكم من مووود النكد والمشاكل واخليكم تعصرون مخكم معاي .. انا عروس وابي اعرف وين احسن صالونات تجهيز وشنو اللي لازم اسويه وعراسي بعد شهر بالضبط :(:eh_s(2):

قوة حبوبات عفيه ابي مدرس او مدرسه رياضيات للصف العاشر / دور ثاني ضروري جدا البيت بالمنطقه العاشره ومستعدين نودي لي بيت المدرس بس ابي شاطر وسعره حلو تكفون طلبتكم ضرووووووووري