نتائج البحث

مساء الورد بنات بليز استقبال اخوي بعد اسبوعين وابي اخيط تنورة ومحتارة باللون والموديل التوب عندي تور حفر لونه تيفاني كلوش محتارة شنو لون تنورة اخيط وشنو موديلها ساعدوني بنات بليز

يعطيكم العافية بنات اللي تساعدني ادعيلها من كل قلبي الله يحقق لها كل اللي تبيه جد حدي متوهقه أبي خياطة فلبينية او خياط عنده فلبينية حق تصليح شارية جاكيت حق العيد ويبيله تضييج واللي يعافيكم دلوني وين اروح !!

بنات بليز بسافر بعد اسبوعين ان شاالله ألمانيا وبنروح كذا منطقة وكذا مدينه بالقطار انا رايحة من قبل اوروبا بس ريلي اول مره فيبي الجناط اللي تنشال عالظهر مثل ملوت المدارس بس الكبار حيل وين احصلهم بليز ؟

صباح الخير بنات ابي مستشفى تعطي طبية بتاريخ يوم الخميس يتني الدورة ومن عوارها وتعبها ماقدرت اروح اخذ طبية الخميس بليز وين ممكن اسويها ؟

صباح الخير بنات بليز الخميس يتني الدورة تكرمون وانا اتعب حيييل معاها من وانا صغيرة عوار وترجيع ونزيف وبجي فما اقدر اداوم المهم سجلت الطبية بالديوان ومن العوار ما قدرت اروح اخذها وين اقدر اروح يعطوني طبية بتاريخ يوم الخميس بليز ساعدوني بنات الله يعافيكم ردوا علي بسرعة عشان اروح اخذها اليوم ان شاالله

بنات شلونكم  قاعده أأثث صالتي وودي ماعرف اسمهم اللي يصيرون مثل الكوشيات او اللي تسندون ريلكم عليهم ايي شكله مكعب او مدور وين احصله بليز ؟ مالي خلق افصل وانطر وابي الوان بنفسجي او فوشي

بنات مساءكم فل مالي الا خواتي بعد الله سبحانه باجر عرسي وعيزت وانا ادور وردة عباد الشمس حق عرسي باحطها بشعري دورت بكل محلات البلوكات محل محل ، رحت بركات والمحلات اللي حواليه ما حصلت شي سنع بليز بنات وين شايفين هالوردة تصلح تنحط بالشعر مع التسريحة الله ينولكم كل اللي تبونه ياااااارب ابيها صفرة...

يعطيكم العافية وين احصل اضاءات اللي تصير حق منظرة التسريحة وحواليها حق المكياج بليز ؟:eh_s(7):

مسااااءكم ورد وفل وياسمين على كل بنات المنتدى طلبتكم عرسي الخميس الياي ان شاالله ومرت اخوي مو كويتية سلوفاكية وبتكون معاي وتبي صالون يعرف حق ستايلهم تعرفون بنات الاوروبيات مو مثلنا هم يحبون البساطة جنهم مو حاطين مكياج وتسريحاتهم ابسط دلوني على صالون لها يكون بالسالمية او حواليها بليييز :yaaaaaarb:

حبيباتي بنات الله يعافيكم يارب :yaaaaaarb:عرسي بعد ثلاث اسابيع واحاتي امي ابي صالون يحط لها مكياج وشعر سنع وذرب وسعره معقول انا عروس وبكون مشتطة ما اقدر اجابل اللي تحط لها :eh_s(2): ابيها تكون ناعمة ومرتبة بليز ساعدوني منو حط مكياج حق امهاتكم بعروسكم ؟ :eh_s(7):

مساء الخير - بنات الله يعافيكم - منو عندها فكرة شعر ينكتب ببطاقة عرسي ؟ ابي شي يديد مابيه مكرر :eh_s(7):

مساء الورد على الورود - بعد قلبي انتوا بنروح شاليه الاسبوع الياي ان شاالله وبغيت ولا عليكم امر مكان يتبل اللحم بنسوي باربكيو واخواني بخاطرهم نشوي - دلوني على مكان يكون تتبيله لذيذ وتسلمون على كل شي

مساء الورد عليكم بنات - انا توني مالجة وعرسي شهر 7 - مشكلتي بدت من جم شهر الدورة تكرمون تنزل علي باستمرار بدون ما توقف - صارلها 5 شهور على هالحال توقف يومين ثلاثة وترجع تنزل - مو نزيف يعني تنزل جنها رابع او خامس يوم - سويت تحاليل هرمونات كل شي طبيعي عندي الحمدلله - الحين قالولي سوي سونار وخايفة...

مساء الورد بنات - ببري ذمتي وبقول تجربتي مع مطعم ليالي الخيام - انا توني مالجة - كاشخة ورايحة مع ريلي بنتغدا بره يعني - كان بخاطري اكل ايراني - رحنا وياليتنا ما رحنا طلبنا شوربة انا خذيتها دياي وريلي خضرة استغفر الله كانت شوربة ماجي وقاصين علينا حاطين عليها دياي والثانية خاصين خضرة عليها - خذا...

بنات شرايكم بصالة الزمردة وبوفيهها ؟ صج اختربت وصارت مو حق الكويتيين ؟ ساعدوني ابي صالة حق عرسي

بنات باي تاريخ عطلة عيد الاضحى واللي يعافيكم ؟ بروح شهر عسل فيها راضية لو 5 ايام

بنات حبيباتي ابي اسافر بالشتا شهر عسل - متى عطلة عيد الاضحى بلييز ؟ السفر الى اوروبا بهالوقت رووووووووووووووووووعة من شهر 9 الى 11 - انسب وقت لي بعيد الاضحى - بس ساعدوني متى تاريخ العطلة بالضبط ؟:eh_s(7):

بنات اول شي شلونكم ثاني شي عرسي ان شاالله بيكون بشهر 7 - وليلحين ماني عارفة شنو احسن بوفيه ولا دي جي - طلبتكم ساعدوني :eh_s(2):

اليوم رحت البلوكات شريت خام قطن بخيط بنطرون بس ماكو براسي موديل او صورة بخاطري اللي يكون واسع شوي - شرايكم يا الذويقات - منو عندها صور حلوة عالموضة تفيدني ؟ الله لا يخليني منكم :eh_s(7):

مساء الورد على احلى بنات كويتيات بلييييز هذي اول مشاركة لي وابيكم تساعدوني الله يوفقكم بنات انا عروس يديدة ومو عارفة شنو البس - ابي اغير ستايلي ابي اكشخ - على طول البس تريننج حق الدوام تريننج حق الطلعات تريننج - وانا متينة حاولت البس البنطرونات الخام ما احصل مقاسي - دلوني شسوي :eh_s(11):