الحلو يتكون من 5 طبقات, ممكن تسوينه بماعون كبير او مواعين صغار :
::::::::::::::::::: Layer 1 :::::::::::::::::::
بسكوت دايجستف اللي علبته كرتون احمر
كبير - يغمس بحليب دافي ويصف
::::::::::::::::::: Layer 2 :::::::::::::::::::
بالخلاط
2 قيمر كي دي دي
12 حبة كيري
12 ملعقة كبيرة سكر
1 زبدة سايحة
تستخدم لهذي الطبقة ويبقى منها للطبقة الرابعة
::::::::::::::::::: Layer 3 :::::::::::::::::::
نفس الطبقة الاولى
او
ممكن تجربين نفس اللي انا جربته
بسكوت دايجستف مجروش
احطه بكيس نايلون واكسره من بره الكيس
باليد تكسرينه الى ان يصير ناعم بس فيه قطع صغيرة
تنثرين منه طبقة على الخلطة السابقة
::::::::::::::::::: Layer 4 :::::::::::::::::::
خلطة الطبقة الثانية
ويوضع بالثلاجة على ما تسوين الطبقة الخامسة
::::::::::::::::::: Layer 5 :::::::::::::::::::
نص زبدة سايحة
4 ملاعق كبيرة كاكاو بودرة نوع كادبوري بس بوعلبة برتقالية ولاتبدلين البرتقالي بالبنفسجي يتغير الطعم
4 ملاعق كبار سكر
عالنار تحركينهم عدل
ثم يضاف لهم 1 قيمر كي دي دي
ويزين بفليك
حلااااته بااارد فخليه بالثلاجة مدة احسن
وبالعافية
مرات اكون مستعيلة او ماعوني مو عميق فأسوي بس الطبقة 1 + 2 + 5 فقط وبعد يطلع حلوووو
الطريقة عطتني اياها صديقتي مريووووومة وهبيت فيها من زمااااان .. فادعولها
التعديل الأخير:
