عزيمتي وصور اطباقي المنوعه مع التفاصيل

قوه حبايبي كنت عازمه رفيجاتي وحبيت اسوي اطباقي بنفسي بما اني اموت عالطباخ
بس اول شي بوريكم المربين كنت طابخته للغدا والحمدالله عجب الاهل
اول شي *الصور بعدين التفاصيل تفضلو



مقادير المربين:*
بصل -ثوم -فاصوليا-جزر-ربيان-طماط -ليمون
البهارات:
كزبره ناشفه-ريحان مجفف-كمون-شويه دارسين-ملح-فلفل-بهارات مخلوطه الجاهزه بالجمعيه -كركم-بهارات الكاري
الطريقه:
نحمس البصل*
نحط الربيان بعد غسله وفوقه الثوم ونضيف البهاارات كلها بعدين الليمون ونحط الطماط
لما يبدي يذوب ويطلع مايه نحط الخضره ونسكر راسه
نكون مزهبين العيش انقعه وبعدين لما يستوي الربيان نخلطه ونطبخه بالطريقه المعتاده.

الطبق الثاني*
باستا بالمرتديلا
الصور*

هذول الي راح نحتاجهم

الحمسه


شكله النهائي

المقادير:
نحتاج جيسين من المعكرونيه الي بالصوره
علبه كامله كريمه كي ديدي*
مرتديلا الخزان
اهم شي الصلصله الثلاثه اجبان كامله تحطونا
بهارات اوريقانو
شويه زبده
بهارات فلفل وليمون مجفف (اختياري)
جبن جيدر مبشور*

الطريقه:
اول شي نزهب الماي الحار ونحط شويه دهن وملح لما تستوي المعكرونيه نصفيها
نحمس البصل ونحط المرتديلا ونبدا نضيف البهارات ونحرك
اخر شي نحط الصلصله الحمرا وبعدين فوقه الكريمه وشويه ماي ونحرك*
واخر شي الجبن المبشور*
بعدين نخلطه مع المكرونيه وبس نحطها علي نار هاااديه

الطبق الثالث عجييييب حدي حبيته وعجب الكل الله يخلي رفيجتي رورو علمتني

صينيه دياي بالبطاط*
الصور حياكم



المقادير:
مثل ما امبين بالصوره شي بسيط وسهل ينفع للموظفات
دياي بقسماط مثلج اي نوع
بروكلي*
بطاط ودجز*
مشروم وبصل
الطريقه :
نحطهم بطريقه عشوائيه ونزهب الصلصله اهيه عباره عن:
صلصات السلطات انا حطيت مالت السيزر وكاتشاب وصلصله الرانش البرتقاليه وشويه ماينيز*
وخلطت الصلصله عدل مع المقادير واخر شي رشيت فلفل ابيض *واوريقانو واذا حابين اضافه جبن بارميزان وندخله الفرن
لما يستوي هذا ساعه تقريبا لانه مجمد يطول

الطبق الرابع بيزا سهله وااايد



المقادير:
جبن مبشور
علبه مرتيدلا خزان
معجون طماط الاسود باحمر معروف نسيت اسمه
اوريقانو وثوم بودر*
مشروم وفلفل اخضر
والعجينه جاهزه عجينه الكرامه
الطريقه :*
ندهن صينيه الفرن ونحط العجينه
ندهن العجين بمعجون الطمام
نوزع المرتيدلا ونحط المشروم والفلفل
نوزع الجبن وبعدين البهارات فوقه وبالفون ربع ساعه جاهزه ولذيذذه

اخر شي الحلو كب كيك جاهز وسهل من العلب مع اضافه كاكاو هيرشي السوس. وفواكه بلاك بيري وبلو بيري التوت
وهذي الصور




وحياكم الله خلصنا 
تعبت وانا ارتب الموضوع يارب يكون كل شي واضح

حياكم الله بعد قلبي

واي حدكم ونستوووني
مشكورين عالتشجيع. حبايبي والله
والي بتصير صديقتي حياج الله يشرفني يالغلا

حبوبه الي تسال
ماعندي صوره العجينه بس علبتها مثل عنابيه موجوده بالجمعيات جاهزه اسمها الكرامه
واوريقانو اي اهوه الزعتر
اما الكيك اي حبي حطيته مع الورقه عادي لا ما يحترق ولاشي صبي الخليط فيه وحطي الاوراق بالقوالب وعلي طول بالفرن
القالب الي يكون فيه دوائر عرفتيه؟ بس حطي بكل دائره الورقه