مليت من الماركات اشتقت لحسين

السلام صباح الخير .... كويتيااات..

اشتقت لكم امس بالدوام جاني حسين ابو جناط موجنطة وماتتصورون سعادتي يوم شفته وخميت كل اللي عنده.. ولا اقوله تعال بعد لاتصيف,,,

ا ول مادخلت بكتب هالموضوع لقيت واااايد بنات منزلين مواضيع قريبة من الموضوع ألا وهو مكياج الهنود ,,, عشان جذيه حبيت اوريكم مشترياتي من حسين ابو جنطة او ابو طقة اللي يعجبكم ..بس مكياج انما وااااو يزين اكثر من الماركات ...
والآن اترككم مع الكولكشن ...وسوري عالتصوير الخرررائي ,, هذه اللي اعرفه ..بس لاتخافون راح اشرح لكم ...

طبعا هذه صورة شاملة للمشترياااات...



نبتدي بالحمر.. طبعا سيدة على حمر كوفر اب وماادراك ماكفر اب بنات تينن .. احلى مافيها انها ثااااابتة حيل ماتنمسح الا بمناديل ازالة المكياج ,,,وماااات جافة رغم انها اول ماتحطينها كانها غلوس ..تشبه حمر منهاتن لكن هذه ماتترك اثار نفس مانهاتن ,,واحلى من نوبا لان نوبا موثابتة تطبع..وانا شفايفي بارزة شوي يعني لازم مات قوي مثل كراجا وسمايلينغ المات اما مات الماركات مووحلوة علي حتى ماك موحلو علي طايحين بجبدي احطهم حق البيت,, وسعر الوحدة دينار فقط .. خذيت 6 وهذه صورهم ...


وهذه صورهم على ايدي الجميلة ...


هذه درجاتهم من اليسار لليمين
8
18
19
29
5
12

على فكرة رقم 8 قريب من درجة نوبا الوردية واعمق باللون ...

الالوان اللي خذيتهم بيج وبيج بلمعه كانه مرقي يعني لون المرق ..وبنفسجي فاتح وغامج ولامع ولون مشمشي على برتقالي

وخذيت اربع محددات نفس الوان الحمر احب احط دايما تحت الحمرة محدد نفس الون فيه الشفايف عشان يصير اللون قوي وواضح وثابت ... هذه الحمر اول مرة اشوفها تهبل بصراحة كريمية تحدد وتلون عدل والوان غريبة وتشكيلة كبيرة تلاقونها بس عند حسين وسرداب الشايع مادري عاد وين يبيعونها بس اكتشفتها عند حسين.اسمها غلوريا الواحد بنص..اترككم مع الصورة والارقاام..



هذه صورتها على ايدي الله يخليها لي ,,,


درجاتهم من اليسار لليمين
219
228
304
234
وهذا شاينيغ بين قلم صدفي متين حليو بنص جنه او دينار ناسية من سيلفر ليدي



وهذا لون


والحين يجي دور اللمعات او الاضائات ... حيل عجبوني من ماركة كفر اب ...اتوقع هالماركة موجودة عند المنصور ...



درجاتهم غريبة وحلوة الارقام مثل منتو شايفين
4 سكري على صدفي لون رووعة مقدر اوصفه
7 لون بروونز على مرقي حلو حيل ينحط فوق الشدو وراقي حده
5 لونها غريب كانها زيتي غامج رغم انها مجرد لمعة

ترا مادري العلب مو دقيقين من كثر مايفتح ويحطط بهالعلب قالي الوحدة 750 فلس قلتله عطني بنص باخذ وايد قالي زين اخر شي حسبهم الوحدة 750 ديروبالكم كاسروه ..لاتخافون رديتهم عقب هون جان ينزل من سعرهم

هذه صورت اللمعة على ايدي من غير فلاش واعتذر مرة اخرى عن التصوير الخوراءي..


وهذا من بفلاش حركاااات هم بعد خراءي حده وايدي عجيبة مادري ليش مبينة سودة


اخيرا شريت اصباغ اظافر الواحد بنص الوان حلوة ...
رمادي وبيج غرامي البيج ولون غريب غامج ماعرفت هل اهو عنابي وبنفجس غامج مادري بس يختلف عن العنبي اللي تعرفونه..



وهذه بعد الوان حلوة ذهبي مايل للاصفر وسلفر وبرونزي




وبس الى اللقاء

لحظة بعدل الصور حيل كبار

هلا نور العرب تسلمين ياقلبي ترا هذا هندي يجي البيت والدوام وتلاقين بعد عند الشايع

ماشاء الله 30 مشاهدة وبس رد واااحد !!!

ترا في خطا بالوان الحمر الحين بحط درجات الحمر على ايدي

هذا الالوان الحمر على ايدي واول واحد من اليسار اهو رقم 8 اللي نفس حمرة نوبا الفوشية

هلا كيلر غيرل اشكر مرورج

ماتدرون شكثر تعبت بتحميل الصور والله من امس وانا عليهم بعض الصور حملتها من موقع وبعضها من موقع ثاني مادري شسالفة بعض المواقع تحمل صور وترفض صور ثانية وكلش الا سالفة نقل الصور من الموبايل لللابتوب شنو مهلكة ومجلطة بس تستاهلون وكله عسل على قلبي ( توج تقولين مهلكة ) استمتع اذا طلعت الصور احس اني عايشة مع التكنولوجيا