ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
اول شي غسلي العيش وخليه منقع
نظفي اللحم وحطيه على الجوله خليه يعرق وكبي الماي الي ينزل منه عشان تروح ريحه الزفره الي فيه
اللحين حمسي بصل مفروم مع طماط تقريبا 3 حبات باشرتهم اومقصصتهم وحطي معاهم اللحم مع 4 حبات هيل وورقه غار وحبه ليمون اسود وبهارات المجبوس الي عندج وحمسيهم زين
خلي يمج ماي مغلي اذا انحمس اللحم عدل كبي الماي عليه وخليه على النار يغلون مابين ساعه الى ساعتين حسب نوع اللحم الي عندج ولاتنسين حطين ملح معاهم
نقعي شويه زعفران بماي دافي وخليه على جنب
اذا استوى اللحم حطي العيش بمشخل عشان ينزل الماي الي فيه
اللحين نسوي الحشو
غسلي نخي مجروش تقريبا نص كوب ونقعيه نص ساعه بعدين فوحيه بماي حار عشان يلين
بعدين حطي بصله كبيره مفرومه بمقله وقلبها بدون زين وبخيها بشويه ماي حشان تحمر وبعدها حطي زيت واقليها
اذا حمرت حطي عليها النخي وقلبيهم وحطي ليمون اسود بودر وشويه ملح وكركم وفلفل اسود
بشري جزرتين وحطيهم فوق الحشو
وحركيها شويه مع الحشو بس لاتطولين احلا تخلينه يتقروش الجزر
وخليه على جنب
