استخدام الخلطه الصابونيه ؟

بنات بغيت اعرف اشلون استخدم الخلطه الصابونيه لان الورقه ضاعت ياليت تفيدوني

كيف تستخدمينها او كيف تسوينها....؟؟؟

وعشان اضمنلك الجواب بنزلك كلامها:

بسم الله الرحمن الرحيم


السيدات المحترمات // عضوات ومشرفات ومديرات منتديات كويتيات

الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

تحية طيبه وبعد,,,



شخباركم كويتيات

وخليجيات

وعربيات

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله

ــــــــــــــــــــــــــــ

تقبلي مروري

مشكوره حبيبتي ما قصرتي

تم الحفظ خل يخلص صابوني وابلش فيه :>

مشكوره ويعطيج العافيه

حبيبتي هذي خلطة العضوه شقرديه شقرا مادري شقرا شقرديه ولا غير؟

مشكوره حبيبتي ما قصرتي

هذي خلطة مزيونه و شقرة

مشكوره حبيبتي ما قصرتي

مشكووووووره

كنت ادور على المقادير

تسلمين اختي

ماقصروا

مقاصروا البنات بس انا اللي عندي مكتوب عليها ان بعد سبوح احط الخلطة علي كل جسمي وافرك وافرك لين يصير رغوة بيضا بعدين اخليه 4دقايق وبعدين اتسبح صح يابنات او غلط