شلون اسوي حمص نفس المطاعم؟؟؟

قوة
الطريقه اهي تجيبين جيس حمص حب من الجمعيات وتنقعينه من بالليل لي الظهر وبعدين حطيه بطنجرة الضغط مع ماي وايد وكربونات الصوديوم وملح وشويه كمون وتضغطينها نص ساعه وشوفي الحبه اذا صارت لينه والا لا وبس
الحين طريقه الحمص :
بالخلاط تحطين حمص حب والماي ماله شويه وحبه ثوم صغيره وطحينه شويه وعصري شوي ليمون وكمون واخلطيهم وذوقي وحسب رغبتج تزيدين اذا تبينه حامض او طعم الثوم ازود وعليج بالعافيه حبيبتي
هذي طريقه الحمص الكل يحب ياكلها عندي وان شاء الله تعجبج

شوفي هالطرق

المقادير:
ـ كوب ونصف الكوب حمص.
ـ ملعقة بيكربونات الصودا.
ـ ملعقة ملح.
ـ 3 فصوص ثوم.
ـ كوب طحينة.
ـ كوب من عصير الليمون.
ـ ملعقتا طماطم وزيت زيتون.

طريقة التحضير:
1 ـ انقعي الحمص لمدة 12 ساعة، ثم اسلقيه مع بيكربونات الصودا.
اهرسيه في الخلاط بعد اضافة الملح والثوم.
2 ـ اضيفي الطحينة واخلطي المقادير بالحمص جيدا، ثم اضيفي عصير الليمون واعيدي خلط المقادير.
3 ـ ضعيها في طبق التقديم وصبي عليها زيت الزيتون وزينيها حسب الرغبة (بالبقدونس اوالطماطم المقطع او الفلفل الاخضر اوشرائح الخيار ) .

أو طريقة ثانيه وهي اطحني بالخلاط ما يلي :

كأس حمص حبوب
2 معلقة ك طحينية
ليمونة أو زيادة مثل ما تحبون
2 معلقة كبيرة روب
رشة ملح
2 ملعقة مايونيز ( حسب الرغبة )
بعد ما تنطحن المقادير السابقة قدميها في طبق التقديم



وليكون الحمص ابيض اللون :
الطريقة الأولى هي استخدام مبيض وطبعا هذي مادة كيماوية ..ماعرفها ... واكثر المطاعم تستخدمها .

الطريقة الثانية هي إضافة ماء بارد والأفضل إضافة ثلج مبشور في الخلاط عندما تضيفين الطحينة إلى الحمص المعجون ... جربي الثلج وراح يطلع لك ابيض مثل الثلج .



منقوووووول

امبيه حده صعب الحمص @@
يسلمووووووو عالمقادير

مااااا قصروا البنات

انا بقولك طريقه سهله وبتدعيلي
علبه الحمص الجاهز ونص علبة قيمر وملعقتين طحينه سائله وعصرت لييمون وبالعافيه واحلى من المطاعم بعد