بليز كل وحده لازم تدش و تساعدني أبي حمسات لذيذه للريوق

الحالة
مغلق و غير مفتوح للمزيد من الردود.
فرآشة

فرآشة

New member
إنضم
10 سبتمبر 2008
المشاركات
162
مستوى التفاعل
0
النقاط
0
السلام عليكم و رحمة الله و بركاته
شلونكم ؟بنات ابي حمسات خفيفة مو سوالف خبة حق الريوق يعني خفايف حق الريوق تكفون ساعدوني ..................حق الدوااااااااااااااام و جزاها الله الف خير اللي تكتب و بميزان حسناتها و ربي يو فقها :dddds:
 
ج

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
45
^^ام ميمي^^

^^ام ميمي^^

New member
إنضم
28 يناير 2007
المشاركات
3,680
مستوى التفاعل
0
النقاط
0
ابشري :)



اول شيء ببدي معاج بحمسة البطاط و البيدجان :


اول شيء تقصين البطاط و البيدجان و الجزر طوال وضعاف وتقلين البطاط والبيدجان و الجزر تسلقينه .

عقب تحطين مقله فيها اشوية زيت وتحمسين اشوية بصل + ثوم + بهارات +ماجي + البطاط والبيدجان والجزر ثم تضيفين لهم معجون طماط على حسب الكمية اللي عندج .

وتغطينة لما تثقل اشوي و حطيه بالثلاجة ومن باجر الصبح بس سخنيه وعليكم بالعافيه .


ثاني شيء ؟؟


ممكن انج تسوين شغله احلا من الحمسات والعباله من الصبح :

تعرفين الصحن المقسم مغطى نفس مال التمر ؟؟

اذا عرفتيه ؟؟ تقصصينن جبن سلايس المربعه الوحده صغار وايد مربعات .

وتقصصين طمام مربعات او شرائح . وتقصين جبن فيتا مكعبات . و تحطين زيتون مقطع . ومكدوس . و تقصصين فلفل اخضر بارد وجزر و خيار .

وممكن انج تسوين فتة بيدجان وايد حلوة الصبح ؟؟

وهي عبارة عن :

بيدجان مقصص مكعبات كبيرة اشوي و مقليه تحطينها بطبق

ثم تخلطين 1 قوطي روب + 1 فص ثوم صغير او تستبدلينة بثوم البودر + 1 ملعقة هردة + 2 ملعقة ليمون + ملح + زيت زيتون

تصبين الطحينة على البيدجان ثم تحطين فوقة خبز محمص وثم رشة سماق او قليل من البقدونس المفروم .

لذييييييييييييييذه :) وممكن تستبدلين البيدجان بالنخي ( الحمص ).

ممكن انج تسوين مقالي يعني تحطين بطبق وتقلين بطاط وبيدجان و زهرة و تطلبين جم حبة فلافل وسمبوسة وتقدمينة مع حمص او متبل من صنع ايدج

الحمص اذا تبين اتسوينة : حمص معلبات بالخلاط + علبة قيمر + ملعقة هردة او ثنتين + ليمون وثوم وملح واشوية ماي . ويزين بالبقدونس المفروم.

حمسة الجزر والفلفل اخضر البارد:

جزر + فلفل اخضر بارد ملون + بصل يقص طوال وضعاااااااف حيل ويسلق ثم يحمس مع البصل و اشوية ملح وزيت زيتون ويغطى بس عشان ياخذ ريحة الحمسة . لذييييييييييييذ وصحي .


حمسة نقانق مع الكريمة والجزر


نقانق يقصص على حسب الرغبة دوائر او طول .

يحمس مع البصل و الجزر ثم يضاف له كريمة كويك ويب الحمرة سابقا ثم يضاف له الكركم و الكمون والملح و تتركينة حتى يثقل اشوي ويضاف له ملعقة جبن كلاص

وعليكم بالعافيه.


حمسة الفطر مع الفلفل اخضر بارد مكعبات كبار و بصل ايضا كبار و طماط يحمس ويضاف له قليل من الماء ويغطى و يضاف له الكركم و الملح والبهارات و فلفل علوب حار يقصص كبار ايضا .و يغطى ثم يضاف له سكانة ماي مخلطة مع ملعقة معجون طماط .


وبالعافيه .


انا اكثر شيء اسوي للدوام سلطات الصراحة وافنتق بالسلطات


و ان شاء الله تعجبج حمساتي وتستفيدين من الشغلات اللي كتبتها لج :)
 
ميسوره

ميسوره

New member
إنضم
5 يوليو 2008
المشاركات
1,239
مستوى التفاعل
0
النقاط
0
الإقامة
الكــــويـــــــــت
في حمسه امي اتسويها

حلوم مع اشويت بصل شرائح مع طماط شرائح تطبخهم مع بعض
حيل لذيذه ترى ماتصير ناشفه
 
ام هزاع

ام هزاع

New member
إنضم
13 مايو 2008
المشاركات
1,333
مستوى التفاعل
0
النقاط
0
في اكله سهله حق الريوق .. وخفيفه

::: قصي البيدجات شرايح

اقلي البيدجان بالزيت


عقب سوي هالخلطه : روب وشوية مايونيز ورشة فلفل بارد ... وجم عصيرة ليمون ...

صبي هالخلطة على البيدجان ببايروكس ... وزينيه بالجرجير او اي شي تحبينه ... وسلامتج
 
virgo_kw

virgo_kw

New member
إنضم
6 أبريل 2007
المشاركات
729
مستوى التفاعل
0
النقاط
0
عندج حمسة الحلوم اول شي قصصي الطمام وحطيه على النار ابزيت زيتون و عقب الحلوم قصيه مكعبات وخليه لما يصير ناعم و اخر شي ضيفيي زيتون شرايح ولما اتشيلينها من النار رشي فوقها زعتر
والحمسات الثانيه حطي مثلا بطاط مشروم كوسا الاشياء اللي اتحبينها مع بهاراتج و حطي عليهم اجار منجا انا االف حمسه من عندي واحط نوع من انواع الاجار تطلع لذيذه حيييل وبالعافيه
 
الحالة
مغلق و غير مفتوح للمزيد من الردود.
أعلى أسفل