الno makeup انعم طريقة مكياج للدوام ولطلعات الصبح :: حياكم افكار وطرق

ال سلا م عل يك م


اهلا وسهلا فيكم

طبعا الكل عارف انشالله كلها شهر او اكثر شوي بنداوم هي هي _03BA:

تعودنا على العطلة :eh_s(1):
انا سويت هاذا الموضوع لان انا واايد غيري يحبون المكياج الناااااعم الي يسمونه no makeup
حق الدوام
الحلوين الي عندهم افكار او طرق حلوة وناعمه يفيدونا

فا لين انداوم انشالله نكون جمعنا صور وافكار مفيدة

الحلوة الي عندها صور لno makeup لاتبخل علينا

او طريقة حلوة


ملااااااااااااااحظة مهمة

يريت الي تحط لنا الطريقة او افكرة

توضح لنا المكياج الي استعملته وماركته مثلا الكريم او الماسكرا وربعهم


ومشكورين مقدما ويعطيكم الف عافية

يلا شطار :ggdw::ggdw:

انا حاليا اداوم

احط كريم حمايه عن الشمس بعدها احط يولاي بالتوت البري وبعدها احطه بودره كومباكت بالفرشه من فور ايفير الفرشه والبودره والتوب عندي


وارسم حواجبي بالتاتو بشكل حده ناعم واحط فوقه شدو الحواجب اللي من بودي شوب عشان يصير شكله بودر وطبيعي


بعدها احط كحل وامسحه بقطن اذون يعني على الخفيف والكحل استخدم من لوريال وساعات احط خط ضعيف فوق عيني باي لاينير بودي شوب


واحط ماسكرا كلتك او فور ايفير او ريميل

واحط بلاشر درجات الاورنج لاني بيضه واحط قلوس من ديقو او اي قلوج لونه درجات الاورنج والبنك الباربي


وبس


الميك اب كله ماياخذ عشر دقايق

مشكورة يا قلبي على التفاصيل بصراحة ماقصرتي

نورتي

حلو هالستاايل ....
لمن تبين تحطين البلاشر خليه نازل شوي " يعني بالعرض حطيه مو لي تحت " شفتي حليمة شلون تحطه جذي يبرز الخد ويعطي انطباع حق الي يشوفج انه في اضاءة وصفااء تحت عينج

والحمرا فااتحة انا احب المشمشيات و البيجيات

العيون احط شادو ادعم فاتح مايبين بس يحلي العين "ديفينورا غيرلان "
ارسم كسرة الحاجب بالتاتو وبداية الحاجب بشادو بودي شوب
بعدي اييب الكحل اسوي بوز عند مدمع العين " بس مايكون بوز طويل نتفة يالله يبين " وبعدين اييب الكحل واحطه تحت عيني عند الزاوية الخارجية للعين وامسحه بقطنه

راح تصير عينج مرسومة من غير مايبين حتى الكحل كله يقولون لي مو حاطة شي بعينج غير الماسكرا مع ان اكون مسوية هالطريقة واايد تبرز العين .... حاولت اشرح قد ما اقدر طريقة العين

اناا عن نفسي لآنه دوآم فكل يوم بس احط علآ بشرتي حمايه من الشمس ووآحط كونسيلر بنفت تحت عيووني وكحل بس من تحت موحلوو علي فوق وآحط قلتر من ماكس فآكتور علآ اعيووني بس صووب بدآيتهاا آطبطب وآرسم حواجبي من ميك آب فور آيفر ومآانسى القلووووس ظروري او ساعات حمره فوشيه :eh_s(6):

عن نفسي

كونسيلر ماك

كريم مرطب (لوريال/ اولاي )..

بعدين واقي الشمس

بودرة اوزعها بالفرشاة ( اما فور ايفر او لوريال أو قيرلاين وهاليومين شايشة ع ماكس فاكتور)

ماسكرتي لوريال او لانكوم

بلاشر من بينفيت او ايستي لودر


ومرطب شفايف






وبث

يعجبني هالستايل انا على طول جذي نو ميكب
اول شي مرطب كلنك الاصفر للأويلي سكن
بعدين بودرة قيرلان المضغوضه تغطي وحلوة
والبلاشر بودي شوب والعيون كحل قلم ومسكرة وقلوس
وبس يطلع راقي وناعم حييل ذرب

انا للدوام اخلط كريم مرطب مع كريم اساس شيسيدو واوزعه زين بعدين بالفرشة الكبيرة مالت فور ايفر احط بودره شانيل والبلاشر بورجوا وردي وغلوس لحمي من نيفيا وطبعا شوية من ماسكرا ريميل الحمرا وايد حلو وطبيعي

يسلموووووووووووووووووووووووووووووووووووووووووووووووووووووووووووووووووووووووو

مشكورين على الموضوع الحلو وعلى مشاركاتكم

مزيونه ياقلبي شنو عدساتج ؟

ممكن طلب اتمنى تحطين لنا موضوع فيه كل عدساتج باساميهم اتمنى لان يعجبني شغلج ومشكوره

واااااااو مزمززز نايس لووك وايد اينننن يحلوج والله اتحلين الميكب انتي اسمله عليج

...

أما ستايل النوميكب أحبه وو وايد اسويه الصبح حلو وخفيف و سريع

,,,

أول خطوه اهيئ البشره و انظفها و ارش عليها ماي ورد و بعدين ارش كذا رشه من ماك فكس بلس وو بعدها أحط مرطباتي إما كلينك الوردي أو n7 المرطب الملون من بوتس و احط كريم العين من كلينك

بعدين أبلش بالكونسيلرر و ابهاللوك أراعي يكون الكونسيلر حيل خفييييييف يدوووب يغطي وو ينور منطقة تحت العين يعني ما اختاره فول كفرج ..
أحط كونسيلر من ديبورا خفيف لووونه وايد حلو بيج و فيه نسبة اضاءه .. أو كونسيلر من ريفلوون نفس الشي خفيف و حلوو أحطه بطريقة الطبطبه
بعدها أحط أساسي اللي اهو كلينك اوزع شوي منه علوي كله بعدين بالفرشه الكبيره بالبودره مالته همن من كلينك علخفيف فووق الكريم عالمناطق الدهنيه بويهي والتي زون
ارسم حواجبي بشادو بودي شوب للحواجب عشان يبينون طبيعييين وما اكثرررر علخفيف
احط ااضاءه تكون حيلل طبيعيه تحت الحاجب يعني لونها صدفي هادي مووو أبيض حيل شاب و اللي استخدمها من مكياجي او ماك
وو شدو لحمي على الجفن كله و بالزاويه الخارجيه علخفييييييييييييييييييف شدو لحمي اغمج من اللي حطينا اول شي عشان يعطي عمق للحين مو اكثر
بعدين بقلم بني متوسط من مكياجي او من برستيج ارسم طرف العين من تحت و اوصل الخط من فوق علخفيييف و بعديين أمووهه بالأنقل برششش و بقطنة الاذون اخفف الخط أخلليه يدوب ابين
وو اخذ شويه ستاربودر لون يكون بيرل او بيبي بنك او صدفي واحطه عند مدمع العين بشكل بسييييييييييييييط وو داخل العين كحل صدفي مو أبيييض جنه كوركترر لااا صدفي يدوب ابين بس يوسع العين والكحل هذا اتحصلونه من فلومار
وانظف تحت العين باسفنحه مشطوفه و الكومباكت ماليي اعدل السحبه على الطرفف فيه وبس
واخر خطوه الماسكرا .. دايم استخدم مسكره جريب تنشف حق هاللووك عشان ماا يبين اووفررر ولا تكتل معااي بس مجرب تمشطلي الرمووش و تفرقهمم و تعطيهم لون اسووود وعادتا اتكون لوريال تيلسكوب أو ريميل
وو البلاشررر يكون بيبي بنك من كاراجا أو برونز خفيف من برجوا على حسب الموود
و الاضاااءه علخدود تكون من بودي شوب المدرجه او من برستيج
و الشفايف دايم ألوان طبيعيه لحميه او بيبي بنك او مشمشي و احياانا اكتفي بلابيلوووو

واخر خطوه رشتين ثلاث فكس بلس يندي الوي وييعطيه نظاره


قرقت وايد بس اتمنى استوعبتو الخطوات وياي !

قصدكم جذي طريقة الكحل اللي عالطرف ؟؟؟؟؟؟؟؟؟؟؟؟

[/url][/IMG]

انا امس كنت مطبقة النو ميك اب .. و الله احب اطبقه يونننس

المهم .. طريقتي .. اول شي احط المرطب .. و بعدين كونسيلر بفرشة ماك مادري جم رقمها لوووول

و بعدين اوزع الفاونديشن (((بدوووون بروونز))) لانه اللوك طبيعي .. ما ننسى هالشي

للعين
أحط اضاءتي حبيبتي من بينيفيت اسمها eye bright اهو قلم متيين .. لون الاضاءة وردي فااااااااااتح .. بس لما احطها تصير طبيعية حيل

و بعدين بما اني بيضا صفرا احط شدو بيج من ماركة بيكسي << مافي منها بالكويت حسافة

و اوزع الشدو على كل جفني العلوي .. و اوصله لي الاضاءة
و بعدين احط كحل اسود بخط ضعييييييييف على خط الرمووش فوق و تحت العين
و ماسكارا

و كحل ابيض داخل عيني


و بلاشر مشمشي بشيمر خفييف
و حمرة مشمشية من الوان النيوون و فوقها غلوس رينبو من انجلووت


و اخر شي امسح ويهي عالخفيف بالكلينكس عشان اطيح الزايد من الفاونديشن و البلاشر .. و أرش ويهي برشتين من فكس ماك


و سلامتج و عشتي









لاحظي اني ماحط لا لووز و لا كومباكت باودرز! ما احب الكر الزايد حق الايام العادية





اي سؤال من عيووني المركبة
:tek:

عجميه العجمي وبالزين محد كثري قال:

مشكورين على الموضوع الحلو وعلى مشاركاتكم

مزيونه ياقلبي شنو عدساتج ؟

ممكن طلب اتمنى تحطين لنا موضوع فيه كل عدساتج باساميهم اتمنى لان يعجبني شغلج ومشكوره

أنقر للتوسيع...