الموظفة والمطبخ ازمة يومية

الحالة
مغلق و غير مفتوح للمزيد من الردود.
حلمي الأمومة

حلمي الأمومة

New member
إنضم
22 مايو 2010
المشاركات
3,347
مستوى التفاعل
1
النقاط
0
الإقامة
كويتنا الحبيبة
السلام عليكم ورحمة الله وبركاتة


انا موظفة وشغلي متعب لما ارد للبيت تافلة العافية :23_asmilies-com:


وماعندي خدامة وحتى لوعندي ما ابيها تطبخ

فحبيت اطرح هالموضوع كل وحدة شلون تتصرف وتسوي غدا شهي ولذيذ وسريع وماتفشل مع زوجها



بصراحة زوجي ماقصر وصبر علي

وكله نطلب مطعم بس لي متى جذي


يعني اذا صار صاحبك عسل لاتلحسة كله:friends:



خبراتهم يا اهل الخبرة بالمطبخ لاتخيبوني

يعني طريقة عيوش ومرق

وباستا وغيرة
وتكون اكلات سريعه

وشني نصايحكم

ناطرتكم


في امان الله :bye22:
 
<<لمار>>

<<لمار>>

New member
إنضم
14 أكتوبر 2008
المشاركات
15,517
مستوى التفاعل
0
النقاط
0
الإقامة
فى ارض الله الواسعة
موبايت حبووبة يعنى اذا صينية دجاج غسلى ديايتج من الليل وتبليها ودخليها الثلاجة وقصصى خضارج وسوى سلطتج بدون صلصة جذى قصدى رتبى شغلج ولى رجعتى من الدوام حطيها بجيس مع الخضار ودخليها الفرن
 
noo7a

noo7a

New member
إنضم
9 فبراير 2008
المشاركات
8,367
مستوى التفاعل
0
النقاط
0
العمر
36
عيل شرايج بالطالبه الي تدرس
و مرات محاضراتي من الـ 8 لي 4 ولا 4ونص العصر
ارجع البيت حديييييييييييييييييي تعبانه و ايي اشوف الفراش معفس ودي اقطع نفسي
ايام الي ارجع العصر و على ما يجهز الاكل و نحط و نتغدا و اشيل السفره الا صارت الساعه 7 ولا 8 اخذ شور سريع و اطيح قتيله بالفراش لي ثاني يوم
و يوميا لازم اطبخ مايدور عندنا اكل المطاعم و خاصه عالغدا
و هم ما احب تجهيز الاكل من قبلها بيوم احسه يصير بايت
و كل ما تحلطمت من التعب عند ريلي يقولي كله اجر ماتبين اجر يعني لوووووول
 
ل

لانجري المسك

New member
إنضم
30 أبريل 2008
المشاركات
1,495
مستوى التفاعل
0
النقاط
0
اولا : يا رب ترزقج الذرية الصالحه

ثانيا : اعرف اشكثر من رفيجاتي يجهزون شغلهم من امس

يعني اذا كان دجاج مجبوس

( تطبخ الدجاجه واتحطها بالثلاجه ) اذا ردت من الدوام اتسوي بس العيش

او اي نوع بالفرن ( حمسات او معكرونا او باستا ) اتسويها واتحطها بالثلاجه ومن باجر ادخلها الفرن



والله يعينج ان شاء الله
 
شندوخه

شندوخه

New member
إنضم
11 يونيو 2006
المشاركات
16,696
مستوى التفاعل
1
النقاط
0
الإقامة
in the space :)
رد : الموظفة والمطبخ ازمة يومية

جهزي شغلج من الليل
حمسي اللحم او الدياي وخليه بمروقه ودخليه الثلاجه
ومن تردين من الدوام صخني المروق وقطي عليه العيش والدياي قطيه بالفرن عشان يتحمر
والدقوس امره هين بدقيقه يخلص

ولا من الليل تبلي الديايه ومن تردين من الدوام قطيها بالفرن
ومع عيش ابيض او مشخول ماياخذ وقت

ولا مرق العدس ومرق الخضره ماتاخذ وقت
والباستا نفس الشي ماتاخذ وقت
 
حلمي الأمومة

حلمي الأمومة

New member
إنضم
22 مايو 2010
المشاركات
3,347
مستوى التفاعل
1
النقاط
0
الإقامة
كويتنا الحبيبة
صح كلامكم الافضل اسوي شغلي من الليل

بس لو ما قدرت كنت احضر لحصصي وانشغلت وخلصت دايخة

تكفون بنات ابي طريقة اكلات سهلة وبسيطة

اوك لووعندي وقت بالليل بزهب شغلي كلة

لكن اذا انشغلت بتحضير دروسي ما اقدر اسوي شي بالليل عشان جذي
ابي اكلات سهلة وسريعه

وينج جارة القمر ما ساعدتيني
ومو قصوووور بالبنات الي ردو عطوني والله افكارما قصرووو

بس ابي طريقة اكلات سهلة
 
@الحلاااا@

@الحلاااا@

New member
إنضم
16 سبتمبر 2010
المشاركات
14
مستوى التفاعل
0
النقاط
0
رد : الموظفة والمطبخ ازمة يومية

مرحبااا شلونج ابشري ياعمري كلنا موظفات وحاسين معناتج اقولج طريقه سهله حيل لا تجهزين شي من الليل طلعي دجاجتج من الفريزر الصبح ونقعيها ماي واذا جيتي من الدوام ع طول قطعيها قطع صغيره يعني الصدر قطعتين والرفخذ قطعتين وع بصل شرائح طوال وفلفل بارد اخضر وطماط وثومج وابهارتج والملح كله مع بعض والزيت طبعا وحطيهم بالجدر بدون ماي لما يستوي الدجاج تكونين مغسله العيش
وبعدها ضيفي شوي من الماي الي يكفي العيش وكبيه فوقه ماراح تاخذ منج الطريقه هذي نص ساعه اناا مجربتها والسرعه والحركه السريعه تخلصين بسرعه والبعافيه
 
ج

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
46
أنا موظفه


وحالي من حالج ما عندي أطفال



المرق لم أسويه قبله بيوم يطلع عجيب وحتي المعكرونة بالباشميل قبله بيوم عجيب بس أدخل الفرن قبل التقديم


ويوميا هالأيام لم أرد من الدوام وصج حدي تعبانه



أطبخ بعد شسوي ريلي يحب المطاعم بس أنا مو ذاك الزود



يوميا أطبخ سواء شغلات خفيفه ولا مجابيس


ممكن تشترين جدر العيش الكهربائي تسوين فيه العيش ما يأخذ وقت وصج أنا ساعات أسوي فيه العيش يطلع عجيب

http://www.q8yat.net/showthread.php?t=431755



http://www.q8yat.net/showthread.php?t=98703


http://www.q8yat.net/showthread.php?t=478298


http://www.q8yat.net/showthread.php?t=257318


http://www.q8yat.net/showthread.php?t=695106

http://www.q8yat.net/showthread.php?p=5458012


http://www.q8yat.net/showthread.php?t=310277


http://www.q8yat.net/showthread.php?t=319143




http://www.q8yat.net/showthread.php?t=424524


http://www.q8yat.net/showthread.php?t=611471
 
ام عباااااااااادي

ام عباااااااااادي

New member
إنضم
26 يوليو 2008
المشاركات
855
مستوى التفاعل
1
النقاط
0
الإقامة
في بلد ما
هلا حبوبه

شوفي ليش ماتسوين شغلج بالويك اند وتفتكين يعني مثلا تحمسين العرقه حقت المرق حقت ثلاث ايام بجدر واحد

وتخلينها تبرد وبعدين قسميها بالبايركس حق ثلاث ايام والمجبوس نفس الشي اطبخي اللحم مره وحده

وبعدين قسميه بالبايركسات حق ثلاث ايام واذا بغيتيه مثلا المرق طلعي بايركس واحد واحمسيه على النار وحطي الخضره حقته

وخليه يطبخ بس لين تستوي الخضره والمجبوس نفس الشي طلعي اللحم المسلوق من الفريزر واذاهذا كبي العيش وخلاص

والسلطه قصي حق يومين بس لا تحطين لا طماط ولا ملح وليمون والله مايضرها ابد

والمكرونه سويها وعزليها بالمواعين المقصدره وغلفيها اذا بردت وحطيها بالفريزر واذا بغيتيها طلعيها قبل ماتروحين

للدوام وخليها بالثلاجه واذا رجعتي حطيها بالفرن وبس صحيح بتتعبين بالويك اند بس بترتاحين طول الاسبوع

وربي يسخرلج ويعطيج الصحه والعافيه
 
omali_store83

omali_store83

إنضم
24 يناير 2009
المشاركات
7,190
مستوى التفاعل
1
النقاط
0
الإقامة
..:: قلب بوعلي ::..
انا عندي خدامة بس احب اطبخ بنفسي حق ريلي

الصبح قبل لا اروح الدوام اطلع الايدام واحطه بالماي

ولمن ارجع بس اطبخه

بس اذا كان لحم قبلها بيوم اطبخه واخليه بالثلاجه عشان يبيله وقت وعلى الراحه

والحمدلله اكلي الكل يعجبه ويقول لج نفس بالطبخ وماياخذ مني وقت

واذا تحبين اي مساعده بالمقادير انا بالخدمة​
 
حلمي الأمومة

حلمي الأمومة

New member
إنضم
22 مايو 2010
المشاركات
3,347
مستوى التفاعل
1
النقاط
0
الإقامة
كويتنا الحبيبة
مشكورة جارة القمر على الرد والله يرزقج الرزق الطيب


وكل الي ردوا علي الله يجزاكم خير ويوفقكم


حرم دشتي
ياليت تحطين طريقة الايدام باللحم
 
الحالة
مغلق و غير مفتوح للمزيد من الردود.
أعلى أسفل