LONG LASH
هاااااي حبايبي ... الي تبي رموش كثيفه وطويله وباسرع وقت تكمل معاي الموضوع
ماني مطوله عليكم يا قلبي ( عشان بعض الناس لا تقول اني بس ابيع ومافيد احد !! ) هذي من خلطاتي عليكم بالعافيه
طبعا هالمقادير كلها تنخلط مع الاثمد الاصلي (درجه اولى) وسعره غالي ترى مو رخيص .. وخروا عن الاسود لانه مخلوط ويؤذي العين
الاثمد وايد مفيد وينبت الشعر وهذا كلام الرسول (ص)
حديث عن عباد بن منصور عن عكرمة عن ابن عباس رضي الله عنهما قال :
كان للنبي صلى الله عليه وسلم مكحلة يكتحل منها ثلاثا في كل عين وفيه (اكتحلوا بالإثمد فإنه يجلو البصر وينبت الشعر)
بس الخلطه فيها زيوت وماراح ندخلها في العين بس على الرموش من بره وحتى اذا دخل شي في العين عادي ماكو مشاكل وما تحرق العين ولا تسبب حساسيه
المقادير: ملعقتين زيت ذره ( مو مال الطباخ!! ) + ملعقه زيتون + ملعقتين زيت لوز حلو + ملعقة خروع + ونص ملعقة زيت بقدونس + ملعقتين اثمد اصلي
وادري الحين بنات وايد بيقولون الخروع يطيح العين من مكانها ويسوي بلاوي هههههه
انا اقول بسنا نمشي وننقل اشاعات بدون ما نعرف شالسالفه
الخروع مو زين و زيت اللوز مو زين وسام وماي الورد يسبب سرطان وزيت الزيتون مادري شفيه وخل التفاح يخلي الجلد يتآكل !! ههههه .. ماصارت كل شي صار مو زين ويسبب امراض وسرطان الله يكافينا شره
زيت الخروع ما منه مشاكل ولا ضرر بشرط ما يدخل في العين كل مره وبكميه مذكورة
ترى حتى الماي اذا دخلتيه بعيونج كل يوم كل يوم راح تجف و تلتهب
المهم:
تخلطينهم مع بعض وتعبيهم بمسكره او باي شي تفضلينه على راحتج وتستعملينه قبل النوم وتنامين فيه وتغسلينه الصبح
ولا تكثرين منه وتغرقين عيونج فيه!! بس نقطه يمين ونقطه يسار كافية
والنتيجه تختلف من وحده لي وحده عشان لا تييني وحده تجربها يومين وتقول ما طالواااا!!!!!!!
عشان جذي راح اقولكم النتيجه : من اسبوع لي 10 سنين
وانتوا وحظكم (اوكي؟) ههههههه فديتكموالله يوفقكم جميعا وييسر اموركم حبايبي وانشالله رموشكم تزيد كثافتها وطولها يصير مترين .. ولاي سؤال على العام او الخاص وانا تحت امركم .. دعااااءكم
