المقادير :
شدة سبانخ
بصل مفروم صغير ( انا بالنسبة لي كل ما كان وايد احلى )
سماق ( كثر ما تحبينه يصير حامض )
فلفل اسود
عصير ليمون
لومي اسود
كركم
زيت
ثوم مدقوق ( انا استخدم الجاهز )
ملح
الطريقة :
حطي البصل في مقلاه كبيرة وحمسيه على النار وكل ما شفتي المقلاة انشفت رشي شوية ماء
عشان ياخذ البصل اللون البني
عقبها حطي السبانخ المفروم ( طازج ) انا قصصته صغير بالسكينة
وقلبيهم لما تشوفينه يذبل عدل ويصير لونه اغمق شوي مع البصل
ضيفي عليه شوية زيت مع الكركم وباقي المواد المذكورة
وكل ما زدتي السماق صار احلى
خليهم على النار شوية وطفى النار
انا هالحمسة اكلها مع خبز او اسويها فطااااااااااااير
العجينة اللي سويتها مقاديرها سبق وذكرتها بس بذكرها مرة ثانية عشانكم :
كوب ماء دافي
1/2 كوب زيت نباتي
4 ملاعق حليب بودرة
1 ملعقة كبيرة خميرة
1 ملعقة صغيرة بيكنج بودر
3 ملاعق كبيرة سكر
3 ملاعق كبيرة روب
- نخلط كل المقادير بالخلاط جيدا
- نضيف الخليط إلى 3 كوب طحين ( تعجن جيدا وكل ما كثرتي العجن صارت أحلى وأحلى )
يمكن تحتاجين تضيفين شوية طحين اثناء العجن وتكون لديك عجينة لا تلتصق باليد
- تترك لتختمر مدة ساعة إلى ساعتين في مكان دافي ( انا لفيتها بفوطة وحطيتها بالفرن
الحشو: السبانخ
الزينة : - بيضة لدهان الفطاير او ممكن استخدام الحليب السائل فقط - سمسم
- نشعل الفرن حتى يسخن جيدا .
- بعد ما تختمر نبدأ بالتشكيل حسب الشكل المرغوب .
- تصف في صينية مدهونة بقليل من الزيت
نصيحة : تغطي الفطاير بعد خروجها من الفرن بدقائق حتى تبقي طرية
والباقي من الحمسة حشيته بصمون مع جبن سلايسز
وشوية بالميكرويف
يصير عجيييييييييييييب
