الله يوفقها ويسعدها الي تساعدني ابي طريقة مجبوس الدجاج

هلا حبيبتي



اطبخي الدجاج أول




علشان تأخذين من ماي الدجاج وتسوين المجبوس


http://www.q8yat.com/t912063.html




http://www.q8yat.com/t877541.html


http://www.q8yat.com/t472887.html





في وايد طرق اتودي زفرة الدياي ممكن تفركينه بطحين أو ملح خشن أو ليمون تخلينه شويوبعدين تفوحينه بشوية ماي



وبعدين تحمسينه مع البصل والثوم والبهارات


الخاصه بالدياي وحطي معاهم هيل ودارسين وفلفل أسود ومسمار وورق غار وشوية بقدونس



وخليه يطبخ شوي وبعدين ضيفي عليه الماي وخلي الملح آخر شي


http://www.q8yat.com/t837533.html




تري الطباخ أهم الشي النفس والثقة بالنفس ليش ما تروحين للوالده وتخلينه اتعلمك



تري كلنا أول ما تزوجنا تقريبا ما كنا نطبخ شوي شوي تعلمنا


http://www.q8yat.com/t464420.html


http://www.q8yat.com/t415417.html




تري الدياي ممكن تقلينه وممكن تسوينه بالفرن

ماشاءالله جارونة

يعطيكِ الف عاااااااااااااااافية

طريقتي في عمل المجبوس

اول شي تنظفين الدياي وتفركينها بملح خشن وتغسلينها

تحطين بصل مقصص وطماط مقصص واعواد دارسين وهيل صحاح ومسمار جم حبه

وورق غار وبهارات دياي انا احط بزار انا اسوي خلطته ( بهارات بيت )

تحطين ملعقه ممن البهارات وتحطين الديايه وتسكرين الجدر على نار عاليه شوي

راح تشوفين ان بدت طلع ماي خليها شوي لما ينشف مايها هني ظيفي عليها

ماي مغلي وملعقه ملح وخليها لما تطبخ على نار عاليه يعني 5 دقايق

بعدين قصري على النار خليها هاديه كلش وتقريبا خلال نص ساعه تكون استوت

الحين العيش

نظفي 3 كوب عيش حسب المقدار الي تبينه ممكن اكثر او اقل وغسليه ونقعيه بماي حار

مده نص ساعه تقريبا .

بعد ماستوت الديايه تكونين بشرتي بصله صغيره وطماطه صغيره كل وحده بروح

حطي بالجدر شوي زيت لما يسخن حطي البصل وحمسيه بعدين الطماط وبعدين شويه بهار

وعقبها ظيفي ماي الديايه وحطي ملعق الي ملعقتين ملح ولما يغلي حطي العيش بحيث يكون

الماي مغطي العيش بانج تقريبا فوق العيش بشويه وخليه يغلي وسكري الجدر لما تحسين ان

الماي نشف وبدا يطلع بخار صبي فوقه شوي زعفران منقع و هني حطي حديده تحت الجدر وقصري

على النار وخليه ربع ساعه وعقب تاكلونه بالعافيه .

تبين نصيحتي اخذي طريقة المجبوس من وحده اهني معانا اسمها حلوه ومملوحة الكويت

ماشاء الله اكلها روووعه وخطواتها مصوره ... بس انتي غيري الكميه

بالتوفيق

دجاج مغسل بماي وملح ومتبل وعيش 4 اكواب منقوع نص ساعه

قصي بصل
ودقي ثوم وزنجبيل واذا عندج شوي كزبره خضره حطي
طماط حلقتين وليمون حلقتين وفلفل بارد شرايح
واذا تبين تبرشين جزره اختياري
المهم حمري البصل وقطي 4 مسمار حب و2ورق غار و4 هيل و2 دارسين وضيفي الثوم والزنجبيل وبنفس الوقت الدجاج وحطي قفشه بهارات مجدي للبرياني او اي بهار عندج ومكعبين ماجي
وخلي الدجاج خمس دقايق عقب ضيفي ماي مغلي الين يغطي الدجاج وشوفي الملح
خلي ساعه الا ربع ع نار هاديه عقب ارفعي الدجاج وصفي الماي وقطي فيه علب فلفل حار او حلقتين فلفل بارد وكبي العيش وخلي شوي ع نار عاليه عقب قصري النار وحطي 4 شرايح زبده وذوبي بشوي ماي ورد لون العيش الاصفر وكبي عليه وغطي عيشج وخلي 15 دقيقه وحطي عالدجاج شوي طماط معجون ودارسين مطحطون وقلي

حياتي أنا نفس ماساتج بضبط يبي زوجي مجبوس دياي اصفر  بجرب طريقه البنات والله يكون بالعون مشكورين علا المجابيس الله يعطيكم العافيه

اطبخي الدجاج اول واخذي مايه وحطيه على العيش ونطريه يستوي وبيطلع اصصفر لونه
والحشو سوي حمسه من بصل وحشو وجذي يعني واخر شي حطيها ,,