طريقتـي للكنتـورينــق , خطــووات سهـله تعطـيج ويـه عـارضـات الأزيـاء

Makeup.Queen

New member
إنضم
7 مايو 2011
المشاركات
506
مستوى التفاعل
0
النقاط
0
بسم الله الرحمن الرحيم

هلا فيكم خواتي .
اليوم حابه انزل موضوع عن الكنتورينق او النحـت , جاتني رسايل خاصه واستفسارات عن هلشي
وممكن اغلبكم يعرفه بس ترى صدقوني للحين في بنات مايعرفونه
وطبعا لو تفتحون يو تيوب بتشوفون مليون فيديو , لكن اكيد اذا انا شرحت لكم اياه بلعربي ونصحتكم بأشيا متوفره عندنا فلخليج بتستفيدون اكثر الموضوع بسيط وقصير لكن صدقوني يسوي تغيير كبير فلويه وتعالو نشوف كمن صوره لأشهر الفنانت الي مايستغنون عنه .









قد ما اقدر بخلي الموضوع ابسسسسط ما يكون , عشان الكل يقدر يسوووويه
وبتنصدمون شكثر هلشي سهل .

اول شي : فكرة النحت , ابراز عظام الوجه الي بأمكانها تعطي مظهر جميل للوجه , تصغير المساحات الواسعه مثل الجبهه , تصغير عظمة الانف , وتظليل اسفل الشفايف يعطيكم مظهر روعه للشفايف انا يوم سمعت انه يسوي جذي للشفايف ماتوقعت بس يوم حطيته صج صج في تغيير .
الأدوووات :
ماراح ادوخ راسكم واقول لكم لااااااااازم تستعملون هلمنتج والخخخخخ , بعطيكم امثله وانتو شوفو شمتوفر عندكم وطبقو عليه , ماله داعي الخساااااير كفايه الي مكووود عندنا :rerrerek:
طبعا هلخطوه تكون بعد الفاونديشن في ناس يسوونها اخر شي بس انا احبها عقب الفاونديشن يكون الوجه نظيف وسهل تحددين الاماكن الي تبين تسوين لها كنتور .
اول شي : برونز , او لون بني مناسب .
في ناس تستعمل شدوو بني للنحت بس اكيد لازم تشووفين ال لون المناااسب لوجهج مايكون غامج بزياده ومايكون فاتح وغير مرأي يعني انتي ولون بشرتج , اكيد البيضه ماتستعمل نفس السمره والخ .
انا عن نفسي استعمل برونزر , وافظظظظل برونزر بلنسبه لي معنه رخيييييييص هو هاذا



طبعا ابتعدي عن البرونز ابو لمممعه , ابببدا ماينفع للنحت , هاذا فيه لمممعه خفيييييييييفه جدا جدا جدا , فما تأثر .

ثاني شي : الهايلاتينق , او التفتيح مادري اذا هاذا المصطلح الصح . طبعا انا افظل الشيمر , بس بنات مو الززززري لا لا اللمعه الذربه , مرات انا استعمل نايلون من ماك , معرووف بس للاحتياط هاذي صورته .



اخر شي تحتاجونه : الفرشاه , امممثل فرشاه للكنتورينق اهي الانقل براش الي هي زاويه .
انا عندي منها ماخذتها من مكياجي , سعرها مناسب بعد انتو شوفوها من المكان الي يريحكم وهاذي صورتها.



خلصنا من الادوات , شفتو شكثر سهله ؟ يلا نكمل .



الخد : طبعا اول شي لازم تمسكين خدج وتعرفين وييييين العظمه بلظبط , مهمى كان ويهج ظعيف متين طويل بيظاوي لااااااازم فيه عظمه , في ناس تكون بارزه لهم حيل فمجرد انهم يموهونها , وفي ناس لازم يصنعونها , طبعا تشوفين وين عظمتج وتظليلنها , يعني خط العظمه عرفتوووه ؟مثل ماهو مبين فلصووو الخط البني الي فلخد ترسموونه غامج تقريبا بعدين تموهونه بلفرشاه عشان يبين طبيعي حييييييل ومو صناعي .


الأنف: طبعا حركة الانف معرووووووووفه اذا تكلمت فيها بتكون زيادة كلام , بس اهم شي بنات انكم تخلووونه طبيعي ومثل ماهو مبين فلصوره تبدين من حواجبج وتنزلين , واهم شي التموويه
بنات اذا ماتعرفين تدمجين او تموهين ترى عملية الكنتورينق بتكون اصطناعيه وباينه وقبيحه فلازم تتدربين على الدمج .

منبت الشعر : تظليل منابت شعرج بيساعدج انه تصغيرن حجم الجبهه فهلشي اختياري لان في ناس مايحتاجون بس عموما هو يعطي تأثير حلو .

اسفل الشفايف : فلصووره مو مبين المكان الي اقصده بس بنات تحت شفايفج بلظبببببط يعني خط شفايفج السفلي طبطبيه بلبرروونز بشكل بسيط , بيرفع شفايفج وبيخليهم منفوخين شوي وراح تحسينهم غيييييير .

الرقبه والـ جو لاين والله مادري شسمه بلعربي بس حدود الوجه يعني :
تظليلنها كلها راح تعطي تحديد لوجهج وتصغررره.

اخر شي مثل ماتشوفون التحديد الي باسفل الصووره , على العظمتين الي فوق صدررررج , بنات ابرازهم يعطيج شككككل رووووووعه , وبما انهم عظمتين فنقدر نبرزهم بسهوووله , تحديدن فوقها وتحتحتها وتموهينه .

اهنيه بنكون خلصنا من التظليل بلغامج , وجا دور الهايلاتنق او التفتيح , مثل ما انتو شايفين فلصووره
بلنسبه للخد فتحددين فوووق الخط الي رسمتيه بلبرونزر , وتموهينه عدل , وبنص الخشم بين الخطين الي رسمتيهم بلبرونزر بعد وتقدرين تبرزين عظمة الحاجب مثل ما احنا متعودين , وعظمة الرقبه , والجبهه , والذقن و كل شي محدد بلفاتح فلصوووره اهو الي تحطين مكانه الهاي لايت .
وعشان تخلووون الويه منووور , اخذو بلشر بيبي بنك , وردي فاااتح وحطوه على الوجنتين او التفاحتين :rerrerek:.

وبجذي انكون خلصصصنا , رشي الفكككس وابدي مكياجج وانتي مرتاحه .

اي استفسار ؟ اي سؤال , لا يردكم الا السانكم حاااااااااااااظره وبلخدمه .
دعووواتكم بس .
 

ألجادل

New member
إنضم
10 ديسمبر 2010
المشاركات
142
مستوى التفاعل
0
النقاط
0
الإقامة
بقلبه
واااااااااااااو
بسراحه الموضوع متعوب عليه
يعطيج العافيه
 

Şhώasha . . ~

New member
إنضم
6 مارس 2011
المشاركات
868
مستوى التفاعل
0
النقاط
0
الإقامة
Qatar ّ
انا خاطري آسويه .. بس ان شاء الله اجرب ويضبط
معاي وحلاته يكون مع مكياج خفيف واايد عشان يطلع مرتب
يعطيج العافيه حبيبتيُ :)
 

وصوف

New member
إنضم
13 يونيو 2011
المشاركات
175
مستوى التفاعل
0
النقاط
0
مشكووووووره
وشرحك مره حلو وبسيط
بس عندي سؤال
انا جربت اسويه من قبل بس انا فيني مثل الحفره مادري وشي:krkrkr:

حطيت
وبيننت مره شلون اسوي النحت مع هالعلله:eh_s(14):​
 

توتاتوتا

New member
إنضم
14 أبريل 2008
المشاركات
2,457
مستوى التفاعل
1
النقاط
0
انا بيضا و ماحب البرونز و البني مايناسب لوني شلون اظلل المناطق الي ذكرتي
على فكره استخدم افتح درجة في كريمات الاساس و مع ذلك اغمق من وجهي حتى يدي ابيض من وجهي بالكريم فابي اقتراح للتظليل يناسبني

كل الي حطيتي صورهم سمر
 

Bronzya kwt

New member
إنضم
26 أغسطس 2011
المشاركات
58
مستوى التفاعل
0
النقاط
0
الإقامة
Kwwt;**
وايد حلوه هالطريقه صج تحدد الوي عدل

مشكوره حبيبتي
 

manoooram

*مساعدة مشرفات قسم المناقشات الجادة & الازياء والا
إنضم
21 يوليو 2007
المشاركات
19,054
مستوى التفاعل
6
النقاط
0
الإقامة
Proud 2 Be Kuwaity ;)
أحب أسوي كونتور بس خفيف يكون واذا بسويه على أصول اذا كان عندي مناسبه
 

Makeup.Queen

New member
إنضم
7 مايو 2011
المشاركات
506
مستوى التفاعل
0
النقاط
0
مشكووووووره

وشرحك مره حلو وبسيط
بس عندي سؤال
انا جربت اسويه من قبل بس انا فيني مثل الحفره مادري وشي:krkrkr:

حطيت

وبيننت مره شلون اسوي النحت مع هالعلله:eh_s(14):​

حبيبتي اذا ماكنت غلطانه , وفهمتج عدل , ترى الحفره هاذي هي الي تنبرز , بلعكس اذا برزتيها بلطريقه الصحيحه تطلع روعه , يعني انتي محظوووظظظه , اتمنى اني فهمتج صح
بس تقدرين تحطين شوية لوس بودر على يدج , وتحطين برونز فلفرشاه وتدمجينه مع اللوس بودر شوووووي , يعني تخففين من حدة اللون , وبيطلع طبيعي حيل :eh_s(17):
 

Makeup.Queen

New member
إنضم
7 مايو 2011
المشاركات
506
مستوى التفاعل
0
النقاط
0
انا بيضا و ماحب البرونز و البني مايناسب لوني شلون اظلل المناطق الي ذكرتي
على فكره استخدم افتح درجة في كريمات الاساس و مع ذلك اغمق من وجهي حتى يدي ابيض من وجهي بالكريم فابي اقتراح للتظليل يناسبني

كل الي حطيتي صورهم سمر

حبيبتي , فهلحاله فلبرونز مايصلح لج وانا ذكرت فلموضوع انه تقدرين تستعملين شدو بني
روحي ماااك وشوووفي افتح درررجات البني , الي فاتح حييييييييييييييييييييل , وبيظبط معاج
واذا حطيتيه وبعد طلع غامج , خذي بودرتج العاديه بلفرشاه بس خذي كميه قليله و ادمجيه فوق الكنتور بيخفف من حدة اللون البني وبنفس الوقت بيكون وجهج محدد
يعطيج العافيه:eh_s(17):