~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[just-me]

غداي اليوم




مع




و معاهم

 

[just-me]

انا لازم امشي الحين

أشوفكم جريب ان شاء الله و تذكروا








حافظكم الرحمن

 

[عنيّد]

اااااالله يديم هاليمعه ياااااارب :gathering:


منمن ،، شطوووووره ، عاد الجو اشحلاته صججج يساعد ع المشي :ada:

جسوت ،، صباحوووو ، روحي البحر ماكو جلاب بس قطاوه يااااكثرهم :dddds:

تينااا ،، أقول تعوذي من ابليس بلا عمليات بلا بطيخ :eh_s(1):


غدااااي اليوم مادري ، اليوم سوائل :tomato2:

 

[mn.mn]

هلا والله تينا صباح الفل الحمد الله انج اليوم راضية عن الميزان

وبالنسبة للعملية شوفي وسإلي مو الا قطينة ناس قالوا عنه ماااااااااااادي الحين في وايد دكاترة شطار

وفنكية تعرفينها اللي ويانا بالتجمع كانت قبل جم شهر مسوية فخذها بمستشفى العرف اللي بالجهرا

جسوت لوووووول عاد انا ما اشوف جلاب الحين بالممشى الا مع راعيه يعني هدد مثل اول مافي

وغداي يا طويلة العمر همبرجر مع فلفل اخضر وبصل ( حمسة رجيم ) وسلطة

واليوم ما كو مجال للمشي باجر ولدي عنده امتحان e يمكن بس العب عالقرص واسوي تمرين المعدة

 

[just-me]

سؤال اليوم و عشان بطه من غير شر كله تسأل شنو سؤال اليوم

و عشان ألهيكم فيه على ما ارجع لكم

شنو تبين حق نفسج على السنة الجديده ؟؟

الوزن المستهدف ؟ ناوية تحملين ؟؟ سيارة جديدة ؟؟ سفره لبلد معين ؟؟زواج للانسات ؟؟

وظيفه جديدة ؟؟ تغيرين خدامتج ؟؟

بيت او شقة جديدة اثاث او تلفزيون جديد ..؟؟؟ أنا باذن الله اجاوبكم لمن ارجع

ههالمره جد اخليكم ... سلام

 

[mn.mn]

لووووووووووووول جسوت حافظج الرحمن

هذي أسئلة موووووووووو سؤال

انا أجاوب بعد ما اخلص مناوبتي وحصتي

 

[زيـنـه]

صباح الخير و التاخير

شلونكم ؟

انا اليوم الحمدلله توني تريقت ريوقي المعهود .. 2 توست مع جبن و خيار و خس وحليب معاه قهوه .. و الحمدلله .
ان شاء الله اموري تسير على ما يرام .

احلاهم ---> هذا الاسم المعتمد حق احلى الجياكر .. ترى اذا ناديتوها باسم ثاني ما تدري ان الكلام لها

احلاهم .. خوش برنامج .. بلشتي من اليوم ؟؟
و 6-8 باسبوعين نكته حلوه من طلوبه لوبه لوبه .. باسبوعين تقدرين من 3-4 كيلو هذا المعقول .
و ان شاء الله توزنين عقب اسبوعين و تتحمسين زود وتكملين المشوار

من من .. زين سويتي على مشي ال20 دقيقه .. الحركه بركه .

عنيد .. تصدقين من زمان عن العبد صباحا .. جنه ما قمنا نتابع ؟ ؟
و اذا انتي م تستغنين عن العيش .. انا اللي احبه الخبز و العيين (العجين) بس هم اقدر اسوي كونترول شوي .
امس ذكرت كلمتج لا تعودتي على نظام وخربطتي بوجبه او زدتي الجيله صج اييج احساس انج منقثه وجنج ماكله قوزي و ثقيله .
ان شاء الله ما يتكرر عشا امس .. لا تحوشي حاله الثقل و القثا .

بطبط .. اين انتي ؟؟

تينا .. بالمبارك .. عقبال الستينات

الفجر البعيد .. من طول الغيبات ياب الغنايم .. شكلج ضعفتي ونسيتينا ..

بعد شلونكم و شخباركم ؟

 

[teenaa]

شنو تبين حق نفسج على السنة الجديده ؟؟
ابي اكون نيو لووك واتوفج بشغلي
الوزن المستهدف ؟ 60 او 65ناوية تحملين ؟؟خل نتزوج اول لووووووول سيارة جديدة ؟؟لا للاسف لان باقي سنه ونص على عقد سيارتي سفره لبلد معين ؟؟ياريت بس خل اروح تركيا اخر السنه وبعدها افكر ببلد ثانيزواج للانسات ؟؟انشالله قريب :tomato2:

وظيفه جديدة ؟؟ اذا مكان احسن من مكاني ليش لاتغيرين خدامتج ؟؟لووووووووووووووووووووووووووول للاسف ما عندي بيت ولا خدامه جان بيت اهلي شي ثاني لوول

بيت او شقة جديدة اثاث او تلفزيون جديد ..؟؟؟ورا الزواج اقولج أنا باذن الله


شرايج بردودي:krkrkr:

 

[زيـنـه]

سؤال اليوم و عشان بطه من غير شر كله تسأل شنو سؤال اليوم

و عشان ألهيكم فيه على ما ارجع لكم

شنو تبين حق نفسج على السنة الجديده ؟؟

الوزن المستهدف ؟ ناوية تحملين ؟؟ سيارة جديدة ؟؟ سفره لبلد معين ؟؟زواج للانسات ؟؟

وظيفه جديدة ؟؟ تغيرين خدامتج ؟؟

بيت او شقة جديدة اثاث او تلفزيون جديد ..؟؟؟ أنا باذن الله اجاوبكم لمن ارجع

ههالمره جد اخليكم ... سلام

همممم ... جسوت .. بجاوب عليج بدون تفكير لان اول الاجابه تكون عفويه و من القلب .
ابي وزني يوصل الستينات ---> ان شاء الله اقدر يا ربي .. و ارد شكلي الاولي .
و لي نية حمل باذن الله ..و سياره جديد ---> ما اعتقد .. و السفر ---> ان شاء الله يصيرمن يعوف السفر ..
وظيفه ---> اقضب مينونك .. و تغيير الخدامه ما اقول الله عسى الله يهديهم و يسخرهم و يصلحهم دووووم مو يوووم
و بيت ---> عورتي قلبي و يبتيها بالصميم ..عسى ربي يرزقنا وياكم البيوت اللي تكفينا و تسعدنا ولايحرمنا من بيوت الجنه اللهم امين

خوش سؤال سؤال اليوم








تصدقين للحين تنحت عند البيت و قلبي يعورني

 

[بطة رشيقة]

صبااااااح الخير على الرشيقااات ...

تونى يايه الدوام ...

خل اخلص جم شغله وارد عليكم ...

 

[teenaa]

زيون يا رب حدي ابي اشم ريحه الستينات:krkrkr::krkrkr:

 

[teenaa]

صباح الورد يا حلوه:krkrkr:

 

[عنيّد]

زيون ،، صباااح الخيرااات ، لا خلاص خلاص من باجر بييب سماعات الموبايل معاي وبسمعه :eh_s(1):
تصدقين حاشني شعور حلو لما قلتي تذكرتي كلامي ، وانا قبل جم يوم اقول لجسوت تذكرت كلامها ، حلو جذي والله نستفيد جـــــــد من بعض على كثر هذرتنا بس ترى منها فايده ولها تأثير علينا بالحياة :gathering: الله يجمعنا على الخير دايم ياااارب

جسوت ،، شهالسؤاااااااال المتشقق طعش شقققققق :dddds:
جوابي الي على الفطره من قريت سؤالج هو ابي اوصل لوزني المثالي واحافظ عليه باذن الله
أما أي شي ثاني فماعندي أبــــــــــــد ، اكو مخططات وايد ، بس مابي احطها براسي وماسويها !
راضيه راضيه راااااااضيه بكل الي الله كاتبه لي بهالسنه اليديده والحمـــــــدلله مقدماً

 

[teenaa]

يه يه عنيد لووووووول


بروح اتهاوش مع عميل ناطره بمسح فيه الارض

 

[عنيّد]

بطوط ،، صباح الخيرات ، شهالتاخييييير :dddds:

زيون ،، على طاري البيوت ، دايم أقول أهل أول وبالاخص الشباب كانوا محظوظين ، بمسلسل الهدامة لما طلع النفط بالكويت ، وطلعت المناطق اليديده وبدا التخطيط لها ، الابو ييه للام وقالها ترى شريت ارض حقنا وحق ولدي بالشاميه << سهالات !
والولد بنفط الكويت عطوه بيت بالاحمدي
وسهالاااااااااااااات
وكل واحد يروح ويختار الارض الي يبيها وياخذها

سبحان الله ، قبل كل شي ميسر يمكن لانه كانت الحياة بسيطه فكل شي كان سهل معاها (؟)
الشباب اليوم والله لو يفحطون ماراح يحصلون بيت بعز شبابهم
ومالوم اهل البيوت الي تبني على 3 طوابق ، وتخلي اعيالها يسكنون عندها
مع اني اكره شكل البيت جنه عماره ، بس ماينلامون والله منو يقدر على ارض 500 متر بربع مليون دينار ، غير البنيان !!!!! :eh_s(1):

أخييييه شي يعور القلب ، الدنيا تطورت ، والديره موفقيره ، والمساحات موجوده ، بس كل شي معسر

 

[بطة رشيقة]

هلا فيكم كلكم .. بنات عساكم بخير ..

ابشركم انا امس تمام بس ما مشيت ولا سويت رياضه .. امس ما ادرى شصار فينى يمكن دشيت غيبوووبه يمكن طحت غشيانه ورديت صحيت ما ادرى شصار فينى دوخه وصداااع واحس روحى انى مو نايمه قاعده بس مو قادره اتحرك ..ز وعقبها قمت وتعوذت من بليس وكلت 4 حبات تمر والحمدلله عقبها صححت شوى ...

انتوا شخباركم ..؟

امس رجيميا كنت تمام .. وربى يتمم ان شالله ..

زينه ... موفقه حبيبتى بالرجيم .. وصباحج ورد ..

جسوووته هلا هلا وغلا ويا بعد جبدى والله انا اليوم تمام لا تحاتين ..
وبخصوص السوووعال برد عليج بعد شوى ..

حلوه .. حياج الله ويانا .. ويارب يتحقق هدفج وربى يوفقج ويانا ولا تخافين دوانيتنا ان شالله بتخليج تصيرين شجاعه وتحبين الرجيم

تينا .. الحمدلله على الرقم اللى فرحج اليوم ويارب دوم ان شالله ومنها للاقل .. اقصد الوزن خخخخخ ..

عنوده الغاليه يا هلا يا هلا .. شلونج صباااحج ورد وياسمين ..

الفجر البعيد من وين طالعه يا حياج الله ..

ام فجوووره اهلين وسهلين ومرحبتين يا معوده خلاص لا تشربين الدارسين اخاف تنفتح شهيتج وايد

ان شالله ما نسيت احد ..

الحمدلله امس كنت قويه وعسااانى اكون قويه لى اسبوع جدام .. يايتنا عطله العيد لازم نشد حيلنا عشان حتى لو خبصنا فيها نكون ماسكين روحنا قبلها .. وربى كريم .

تريقت حليب وكورن فلكس وعندى جم شغله اسويها وارد لكم ..

احبكم كلكم​

 

[زيـنـه]

بطبط .. صباح النور على البنور .. خلصي و ردي .. ناطرينج .

تينا .. ان شاء الله توصلين اللي تبينه .

عنيد .. لا تزيد المواجع .. خلني قد نسيت !
ياربي هالبيوت .. زمان اول غييييير و زمان الحين غييييير .. اول سلوى كلها مزارع و الاراضي على 1000 دينار وما احد يبيها .. شوفي الحين شصارت !
و بعدين اش هالزمن الاغبر اللي احنا فيه .. تيمعين .. و تشتغلين لي تفحطين .. و تطلع روحج على بيت 400 متر و شارع واحد و بربع مليون دينار !!
شنقول لعيالنا لا كبروا .. البيت بربع مليون !
اول ال100 فيها بركه و ال 1000 دينار مبلغ يخرع .. و اقدعها بدله ب 20-30 دينار ..صج زمن العز اول .. و اهلنا الله يهنيهم ..عاشوا العصر الذهبي .. مو مثلنا العصر المغبر المصدي

جسوت .. الله يسامحج .. عورتي قليبي العليل من الصبح .

 

[عنيّد]

زيون ،، اييييييييه يالله خلها بالقلب تجرح لا تطلع وتفضح >_<


خلاص خلاص بنغير المحطه


شنووووووووووووو أشتري هدية حق اختي بعيدميلادها ؟ عمرها 14 سنه :eh_s(6):
أبي فنتكككك يديد
مابي عطورات مابي ساعات
رفيجتي امس قالتلي مفكره اتييب لها بجامه + سوالف تبع البجامه مادري شخربطت :dddds:
حليوه عجبتني الفكره شي غير يعني

فاشرااااااايكم اقترحوا علي

المصيبه رفيجاتي يتصلون واخوي ، يقولون اشرايج شنو نشتري لها شنو بخاطرها
وانا بنفسي مادري :eh_s(1):

 

[أحلى الجياكر]

من من و بطة رشيقة ...شكرا شكرا على الترحيب ...

اسم الشهرة المعتمد : أحلاهم مثل ما قالت ابلة زينة

جست مى ...صباح الاوراد ...و خوش اسئلة ..أرد عليج : السنة اليديدة عساها إتييى و تمر على خير ..أبى فيها :

أبى اضعف - ابى أحفظ قرآن - ابى اصير خفيفة حركة (لياقة)
الوظيفة : وين أروح ؟؟؟
خدامة يديدة : خدامتى بتسافر شهر 6 -الله يعين على اليديدة
البيت : يعين الله ...ريلى تييه حساسية من هالموضوع
سفر : بخاطرى وحده من هالجزر : مالديف - موريشيوس
ودى أكتب كتاب تصدقون !!


تونى تروقت : توست و لبنة و تماتة و زعترو ....و عوافى على قلبى

 

[خنفروشه]

عجيييبه الاسئله :ggdw:
شنو تبين حق نفسج على السنة الجديده ؟؟
ابي ترقيه بشغلي..وربي يوفقني بالبزنس الخاص فيني اللي توني بابتدي فيه
الوزن المستهدف ؟
ابي اوصل بالستينات و جسم عجيييب من غير زوائد
ناوية تحملين ؟؟
بعدي مو متزوجه
سيارة جديدة ؟؟
لا سيارتي احبها واايد
سفره لبلد معين ؟؟
ابي اروح اسبانيا
زواج للانسات ؟؟
انا انا انا (بس على شرط واحد يستاهل بعد هالعمر )
وظيفه جديدة ؟؟
الحمدلله شغلتي حلوة بس ابي اترقه فيها
تغيرين خدامتج ؟؟
:0bee2e8d89:
بيت او شقة جديدة اثاث او تلفزيون جديد ..؟؟؟
اذا تزوجت ابي شقه او بيت طابق واحد اللبق