~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[عنيّد]

جسوت ،، انا عاجبني شكل البلازما بس شي واحد ماحبيته فيه ، أنا طبعي أفررررر التلفزيون على كيفي ، يعني لما اكون واقفه بمكان مو كل شوي اطل ع التلفزيون لالا افره بكبره صوبي :dddds: وهالشي ماينفع مع البلازما :/ الا اذا كان عالقاعده مالته
والمكتبه أحسها أرتب للأغراض من الرف الواحد لأني مابي بس دي في دي ، أبي فيديو ماحب التعامل مع السيديات كلش موعمليه شخطه ويخترب الفلم :dddds:
يعني ابي مكتبه نعومه موخبه ملوت اول ام الفتعش رف وخانه

 

[زيـنـه]

عنيد .. الجاهز احسن لج من النجاره .. مري ميداس و سنتر بوينت شغلهم حلو و سعره فيه .. و اكسسوارات منهم و من ايكيا الكماليات و من ذا ون و زارا هوم و الخ من المحلات .
و بالتوفيق
و بالعافيه الغدا

جسوت .. بالعافيه الغدا

انا ما ادري شنو غداي ..كليت سناك 2 روب اكتيفيا بالفراوله
و باشرب جاي اخضر .. و الا يا طير يالاخضر وين بالقاك الليله

 

[just-me]

على طاري الا ياطير يالاخضر وين أحلاهم اليوم

 

[زيـنـه]

جسوت .. احلاهم شكلها تطل العصاري .. ما ادري وينها ؟

 

[just-me]

زيون شلون الابطال ... أحسن ؟؟؟

 

[زيـنـه]

جسوت .. و الله نص و نص .. الياهل لا استمرض تستمرض امه معاه .. الله كريم .

 

[زيـنـه]

غاي بيكون من بره ..جني باطلب شيش طاووق و تبوله ؟!
او كباب دياي و تبوله ؟

 

[just-me]

هذي نقطة خلافي معاج بالغدا لازم يكون غداج جاهز عشان ما تحاتين

 

[زيـنـه]

جست مي .. علشان لا ابربس بغدا البيت .. لانه ما يناسبني .
شكلي باستقر على فتوش و تشكين نقت ---> ادور الاقرب بدال لا اطلب و احوس

 

[زيـنـه]

يلا اشوفكم على خير .. وان شاء الله تجري الامور على مايرام

 

[mn.mn]

مساااااااااااااااااااء الخير

ام فجور الحمد الله على السلامة وما عليه كلنا مخربطين وزايدين

بطبط هلا والله حبيبتي وسلامة كارز وحسااااااااااافة ما لحقت عليج باجر لو سمحتي داومي مبجر

عنيد زين سويتي على الجرد خليه على فترات قريبة عشان ما تتكود الدثرة والأثاث أنا من عشااااااااق ايكيا

انوج هلا والله يا الغالية احنا بعد ولهناااااااا عليج ومكانج مبين لا تغطين وايد

زيون الله يعينج على الشغل وان شاء الله باجر تخلصين كل اللي بقالج عشان تبدين الاسبوع الياي برااااااحة

جسوت مو ناوية تطلين العصاري ؟؟؟؟

----------------------------------------------------------------

انا الحمد الله تسهلت أموري وطلعت من الدوام رحت السوق وطلعت بقميصين ولفتين وعباية >>> كان مشوار مثمر

رديت البيت مبجر غديت الياهال وتغديت معاهم كباب امريكانا وتبولة وحاليا قاعدة اشرب قهوة عربية وكتكات

العشا كلش ماراح يكون صوب الرجيم ولا باجر بعد عندنا عزيمة على العشا يعني هم بخربط بس ان شاء الله التزم طول اليوم

الخلاصة انا بعون الله من السبت راح أبدي جد الجد لاني اذا تميت على هالحال راح ارد مثل أول وأردى >> الله يكون بالعون

 

[just-me]

مساء الفل ع الكل

انا ناميت شويونه كنت حدي تعبانة و محتاجة انام

باكل لي فليك مع قهيوة

بالعافية ما شريتي و كليتي من من

 

[mn.mn]

هلا والله جسوت نوم العوافي وسلامات يا الغالي سلامات

شلونكم مع البرد ودي اروح الجمعية بس مالي خلق ابدل وابدل الياهال واطلع

يمكن اخليها باجر بعد الدوام أكيد بنطلع مبجر

 

[just-me]

الله يعافيج من من ميرسي لئلك

على قولتهم :dddds:

لبسي و طلعي لا تحبسين روحج بالبيت

وناسة لبسي و حطي حمره و روحي --->حشا استقبال مو جمعية

 

[just-me]

توني كليت الفليك ...اخر واحد و مكسر و مفتفت و دمر هدومي وقعدت ألحسه

جنه برد لوع جبدي بس شسوي سناكي ماعندي غيره

 

[mn.mn]

جسووووووووووووووت لوووووووول قوزو ما يرضى احط حمرة وبالعافية السناك

مالي خلق اسحب الياهال وراي شكلي بخليها باجر او اذا صار لي خلق بروح بعد شوي

وبالعافية السناك

 

[بطاطا]

قوووووووووة ع الحلوين

شخباركم ان شاء الله بخير

و شخبار الرجيم معاكم ان شاء الله تمام التمام


الله يوفقكم ان شاء الله و توصلون للي تبونه ياااااااااااااااا رب

 

[just-me]

حبيبتي ولو ... عموما هانت و الحمدلله عدا اليوم ...صلي العشا و تزهبي حق

عشاكم ...انا بعد اختي اليوم ردت من الامارات و بتمر تطل على عاد ماعندي

شي اقدمه لها لوووووول ماكو الا ماي شاي قهوه --->يعني ماكو شي خخخخخ

 

[mn.mn]

جسوت ليش اتيوعين اختج طلبيلها فطاير وحلو شكو اهي تسوي وياج رجيم

 

[بطة رشيقة]

قوووووه بنات شلووونكم

واى وناسه الحلوين هنى منمن وجسوته يا هلا وغلا ...


اليوم الله يسلمكم تغديت 2 همبرجر مع دايت وسلطه وقفشه جبن ابيض وتالى رحت الممشى احم احم مشيت نص ساعه ورديت البيت تسبحت وفججت الكبتااات وقمت احوس واطلع اللى ابيه واللى ما ابيه واى الصراحه انا من يصير هالحزه تتغير المواااسم اتوووهق والله ما عندى مكا اكود هالاغارض وماصارت بيت امى خوووو يا ويه استح من كثر ما احذف عليها احس انها حاقده على خخخخخ .... شل جم شغله واشيل من هاللنقه واحط بهاللنقه ... الله كريم



ميته من اليوووووووووووع خذت سناكى عرمووووووطه ب لى الحين يوعانه ......


جسوووت بالعافيه النومه والحمدلله على سلامته اختج وحياها الله وحطى لها شى وشويات عشان اهيا مسيره عليج بس لا تاكلين معاها خخخخ ... وضحكتيى على سالفه الفليك اللى تفتفت عليج

منمن حبيبتى هلا وغلا وروحى الجمعيه ولا تخلين شى بخاطرج بس تعالى صج انتى بتخربين باجر !!!! ليش ما تخلين عشاج رجيمى من العشا اللى تبروحين له يعنى اخذى سلطه قطعه مشويه ..؟؟؟ شرايج بس منمن لا نخربط والله اذا تمينا جذى بنزيد وبنزيد لما نرد لى الوزن المنحووووووووس ... شدى حيلج حبيبتى ....

وعلى سالفه الحمره والله هالرياااااااايل ساعات يبطون الجبد وساعات اقول هم يخافون علينا بس يعنى حمره فاتحه ما تضر اتوووووقع ....

تعالواااا

صج عندى سوعال على طارى الحمره والرياااايل




حق اليوم وحق باجر اللى تطل علينا



كل وحده تقولنا شنو الشى اللى قوزووووو ما يرضى تسوينه او تلبسنه وشنو رايج بالشى هذا .....؟؟؟؟ :eh_s(1):

خل اروح اشووووف الغساله وارد اقولكم عن قوزو مال انا .... اللى مو وكيل عريف يا جسوت ههههههههههههههه​

:krkrkr: