~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[just-me]

مساء الورد

تغديت 5 قفاش مجبوس دياي و قعد على جبدي الظاهر معدتي ما خذه اوف

مالها خلق تشتغل والا انها تعودت على اليوع من عقب امس و قبل أمس

زهقت من البيت ابي اطلع ...تدرون بنات هالشهر أكمل 8 شهور بطالية بدون

وظيفه .. و الله الله يعين الكل الحمدلله على كل حال انا مو قاعده احن و اتحلطم

ميته ع الشغل و الا مستانسه ابي كراف و الا مدير يغثني بس بنفس الوقت مي حاله

جذي قعدتي الله يعين الرياييل اللي مسرحينهم و يعين حريمهم بعد

 

[just-me]

الله وناسة من من انتي اهني و الا رحتي

صج القلوب شواهد توني طليت و قلت خل احاجي روحي و اتحلطم

ماتوقعت القى احد

 

[just-me]

من من حبيبتي اكلي اللي بخاطرج بس باعتدال ... دقيت اتحلطم عند اختي

جان تقول لي باجر امرج نطلع نتريق بره وناسه ودي من الحين أبدل --->الحمدلله والشكر

استخفت جنها اول مرة تطلع

 

[just-me]

امبي قاعده اشوف بيتك بالكويت رموش منيره عاشور مو مركبين عدل لا يطحون و يتعلقون

بخدها امبي و ورود ماتنه و لابسه لبس جنها مرضعه تفشل

لا و صيفي بعد والا مخمل ما اشوف من اللي يلمع

 

[عنيّد]

منمن ،، اي والله انا من 6 قفاش الحين صاروا 4 قفاش وهو قالي ماراح يفرق معاج ، وتبين الصج صح جربته مع السلطه والدياي وماحسيت بذاك الفرق :eh_s(6):
مثل ماكتبت لبطوط ، يقول لازم الكميه والسعرات تقل عشان يستمر الوزن بالنزول ومايثبت
وسألته اذا بعدين بينقطع العيش !!! << اهم شي خخخخخخخخ
قالي لاااااااااااااااا


جسوت ،، لوووووول هالمنيره عاشور طقوها عين ، كثر ماقلنا هي الوحيده من المذيعات الراكده لا تجميل لا تفصخ ، اشوف اختربت :dddds:

 

[mn.mn]

هلا والله جسوت حسافة ما لحقنا على بعض

انا كنت ناوية اطلع امر بيت حمولتي واودي ولدي المعهد واروح الجمعية بس كله تكنسل زوزو طاحت مسكينة مرة وحدة

ومن العصر واهي ترجع كسرت خاطري تعبت من كثر الترجيع عاد تميت معاها بالبيت وباجر ماراح اوديها واحتمال آخذه عرضي

ما سوت عليها مسكينة هاليومين اللي داومتهم بالحضانة

عنيد صح كلامج لازم الاكل يقل بس انا اتوقع اني راح انزل لاني من فترة قاطعة الرجيم نجرب ونشوف شورانا غير الرجيم

مساع كليت 3 حبات كستنة وبعد شوي بتعشى شرايح اناناس ونص خبزة سمرة مع شي مادري شنو اهو لي الحين

 

[ABEER FLOWER]

منمن خلااااااص أنا عندكم كل يووووم
شيفكم مني ههههههه

و سلامة البنوته ما تشوف شر

جسوت هلا حبيبتي
و الله موجوودة بهالدنيا
بس ما قمت أدخل قسم السمنة و النحافه مثل قبل
سلامتج حبيبتي ما تشوفين شر

بطبط هلا و غلاااااا
مشكوورة ع الترحيب يا قلبي
أنا موجودة بقسم مائدتك لوووووووول
لعل و عسى يبين فيني الأكل هههههههه
شخبارج و شخبااااار كارز ؟؟
أكيييييد صار رجّاااااااال

 

[mn.mn]

صبااااااااااااااااااااح الخير >>> شعندها طالة من فير الله الناس لي الحين ما طلعوا من البيت

اليوم ماني مداومة بتم مع زوزو بالبيت والحين قاعدة اشرب لي كوب قهوة وبعد شوي بدق على المدرسة عشان لازم ابلغهم اني باخذ عرضي

يمكن ارد انام شوي على ما تقوم بنتي من النوم واشوف اذا لي الحين ترجع يمكن أوديها الطبيب :0bee2e8d89:

الرجيم كان امس تمام الحمد الله وان شاء الله يكون الالتزام علطووووووول

عبورة افا عليج اصلا ما نبي الفكة منج تنور الدوانية يوجودج والشر ما إييج يا قلبي

 

[عنيّد]

صبااااااااااح الجوووووو الرااااااااااايق
والله ودي اشلع سقف المبنى عشان يحوشنا طشّار هالهواااا

منمن ،، ماعليها شر زوزو ، اشعندج فازعه من الصبح :dddds:

 

[بطة رشيقة]

صبااااح الخير على الحلوين ..

شلونكم عساكم بخير ..

يا حلوكم ويا حلو سوالفكم ..

جسوت بالعافيه الريوق وما تنلامين حبيبتى قعدت البيت تضيق الخلق انا صارلى جم يوم قاعده امس بغيت انتحر !!!! ... ومت من الضحك على رموش منيره عاشور هاهاهاهاى والله يحليلهم مذيعات الكويت يحبون التكشخ بس ساعات يخووورونها ..

عنوده لالا خلاص ان شالله ناوويه على التغير باذن الله .. ( ناويلك على النيه بس انت اصبر شويه ) يالله صباح خير فاتحه خير ..

منمن صباحج ورد يا حبيبتى وسلامه زوزو الف الف الف سلامه اسم الله عليها ما تشووف شر مسكينه مع تغير الجو وديها الطبيب احسن ..

خل اقولكم امس شنو صار ..

لى المغرب انا كنت قاعده بالبيت وتغديت تبوله مع عصير فواكه ونظفت الغرفه وخميت وغسلت الحمام وغسلت شويه هديمات .. ولعبت على القرص الدوااار ..

وبعدين ما ادرى شفينى يتنى الحاله النقسيه التعبانيه .. ويوم يا قوزو شوى شوى ضرب شوووط وعقبها طلعنا شوى باللليل .. بنات ما ادرى شفينى صايره بسرعه اعصب وقالى شغيج صايره جبريت الله يهديج وجذى .. ( ضاق خلقى بصراحه على روحى صج انا صايره بسرعه اعصب واحس هالشى مو زين والريال ايله يوم ويمل .. مممممم

المهم .. رحنا جوونى كرينووز ( ترى مو قاعده اقول كل هالحجى عشان بقولكم انى كليت لا والله ) وكلت معاه وكان اكلى اعتبره اوكى .. تشاركنا بماعون معكرونيا بيضه وناجوووز ووحده اصابع جبن ودايت بيبسى وحليت بكيكه قفشتين وقطعه ارو .. زين ..؟ شرايكم ..؟​

 

[mn.mn]

هلا والله بطبط وعنيد الشر ما اييكم يا قلبي وان شاء الله اليوم تصير احسن الظاهر حايشها هوا

انا قاعدة من الصبح عشان اقعد عيالي الصبيان يبدلون ووداهم ابوهم ونطرت عشان ادق على المدرسة لان من شرووووووووووووط

العرضي اني ادق بداية الدوام مو اشبع نوووووووم تالي ادق اقول ابي عرضي >>> شفتوا الالتزام بالدوام

بطبط شوفي المعكرونة والناتشوز والكيك كله يمتن بس دامج ما كثرتي ان شاء الله ماراح يأثر

انا بروح شوي انام مع زوزو واطل عليكم بعدين

 

[عنيّد]

بطوط ،، عليج بالعافيه ولاتفكرين باللي اكلتيه خلاص الحين انهضم :dddds:
وعاشت الي بتغير :ggdw:

 

[teenaa]

صباح الخيييييييييير

شلوووووووووووووووونكم

شخبارررررررررررررركم


انا امس تمام التمام

 

[ام فجور 2008]

صباح الخير شلونكم
انا مادري شفيني مو قادرة اضبط نفسي مع الرجييم عالشان جذي بسوي السعرات الحرارية

 

[عنيّد]

تيناا ،، صباح الخيرات و ع البركه الالتزام :>

ام فجور ،، ليش ماتروحين د.تغذية ؟

 

[ام فجور 2008]

والله عنيد قاعدة افكر بروح عند طالب على مايي دوري عند العبد والله مادري شفيني حدة نفسيتي اكس والرجيم ماني قادرة امسك نفسي فيه

 

[teenaa]

ام فجور لا تشوفيني امس

ما تغديت ولا تعشيت وريوقي كان 2 بسكويت تدرين ليش






























علشان لما اروح السينما اكل بوب كورن كراميل لووووووووووووووووووووووووول

عنيد نازله من امس لين اليوم 300 جرام وناسه

 

[ام فجور 2008]

تينا والله صايرة ما امسك نفسي خلاص امس هليت اخوي يدلني طالب لان مادل مكانه

 

[teenaa]

ام فجور الله ما كثر الا دكاتره التغديه

واذا عندج الاراده والله ما يحتاي دكتور


انا وعدت نفسي التزم علشان هدف ببالي وانشالله اوصله يا رب

 

[teenaa]

روحي ترى طالب زين وايد تدرين ليش يحبطج لما تروحين يقولج شكلج وما شكلج يخلي الواحد يحس على دمه والله

قال حق اختي مر شكلج جنج كره ارضيه مستانسه بشكلج

عبالج شكلج حلو

لووول

ومشالله نزلت وصلت شي وستين

بس بعدها حملت مرتين ورا بعض وردت دبه

مالها خلق رجيم ولا شي ولوووول