~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[mn.mn]

بطبط ما عليه سماح

جسوت وي بعد عمري خونت فيج اليوم انسدحت شوي بعد الغدا ولما قعدت لهيت مع ولدي ادرسه قبل ما يروح المعهد

صليت المغرب وطلعت وديته ورحت الجمعية تالي مريت مطعم فرع 24 ساعة مال مشرف شريت لهم صمون حق العشا وتوني قبل شوي

رادة على ما بدلتهم وعطيتهم الدوا توني والله أفضى مبطلة اللابتوب وقاعدة معاهم بالصالة على ما ينامون مطفين الليتات وقاعدين نطالع

توم وجيري عشاي اليوم بس كوب حليب زنجبيل لاني كملت باجي صمونة زوزو >> ما أدري لي متى هالطبع الخايس ؟؟؟

 

[just-me]

صباح الخميس

 

[بطة رشيقة]

صبااااااح الخير ..

والورد والنوير ..

شلونكم حبيباااتى ..

امس لله الحمد كنت تمام التمام ..

مشيت نص ساعه ..

وكان اليوم السواااائلى قود قود .. صج مت من اليوع وذبحنى الحمام بس ماعليه ..

اليوم ما ادرى شنو بسوى .. بس حاليا قاعده اشرب جاى اخضر وما ادرى عن الباجى .. ​

 

[just-me]

صباح الخير بطه .... اذا زوارتكم مو اليوم خلى اكلج هلثي تنقي الاكل

و اذا كانت اليوم هم خلي اكلج هلثي بس عاد لا تخورينه بالليل

 

[just-me]

وين عنود نبي التقرير ؟؟؟------> شعندها تحن من الصبح

 

[teenaa]

صباح الفل يا احلى فلات بالدنيا

انا تمام التمام

ما تريقت ورديت البيت نتفتلي نتفه لحمه
وتعشيت سيخ كباب وشوي من ماعون الشاورما وبس

وعلي الدوره بس الحمدلله قست وزني نازل
وانشالله اكمل التزام اليوم

 

[بطة رشيقة]

لالا جسوت ماكو زواره ولا شى وان شالله راح اكون هلثى من قلب وربى يتمم علينا ماكو اوووف الا الاسبوع الياى ان شالله ..

اليوم عندى استقبال عروس وراح اكون قويه وما راح ابدع باذن الله ..

انتى شخبارج وشنو عندج .. وطمنينا عليج ان شالله احسن الحين ..؟

صج عنووده وينها .؟

ومنمن وينج..؟

 

[just-me]

انا امس كنت لويه مع حمودو خنت حيلي مريض وصاير جنه كتكوت مطلعينه من ماكينة التفريخ

رقبته خيط و الهدوم تخق عليه ذبحنا ما ياكل و مريض و كحته تطحن القلب و الحمدلله على الله

عطانا الدكتور مضاد بس قال لا تصرفونه الا اذا ارتفعت حرارته الله لا يقوله

و اليوم بعد غيبته عن الحضانة ... الله يحفظه و يحفظ كارزو حبيبي من البرد

الله يعافيج بطه أبيج اليوم تكشخين و تلوصين الحمره و تدوخين بو كارز و لبسي كورسيه

تزقرتي و تبخري و الله اللبس و الماكياج يعدلون النفسية و يخلونج تحسين انج ضاعفة 5 كيلوات

 

[ام فجور 2008]

صباح الخير
شلونكم
ماتشوفون شر جسوت
انا مادري شفيني كل نهايه اسبوع صاير اتعب :0bee2e8d89:

 

[just-me]

الشر ماييج و يحفظ قطوتنا فجوره من الشر بسم الله عليها

يمكن بطاريتج تخلص

 

[ام فجور 2008]

بنات تتوقعون اليوم في زحمة بعد بالشارع
جانزين صج يعطلون لي سوا المؤتمر <<<<<<<<<<<ماتصدق خبر تغيب
عندي سؤاااااااااااااااااااااااال

ابي احسن بودرة اساس مضغوطة غير مالت ماك فكس

 

[ام فجور 2008]

:dddds: جسوت تصدقين اخوي يقولي جذي :dddds:
مطيحه صحبه مع اخوي انومه على الارض وانا وفجور على السرير :dddds:
ما انام عند خواتي مايخلوني انام طول الليل سوالف وضحك واغاني وافلام

 

[just-me]

الله يهنيكم و يخليكم لبعض و يحفظكم من كل شر

بطه وين رحتي ...؟؟؟

وين من من اليوم فقيره حتي اهيه عيالها مراضى اول شي اهي تالي اهم يعني اسبوعها

كان حافل و مسوين اشتراك بالمستوصف الله يشافيهم هالويك اند

 

[بطة رشيقة]

افاااااااااااااااا عليكى افااااااااااااااااااااااااااااااااااااااااااااااااااااااااااااااا عليكى جسوووت اى اى ناويه اليوم اكشخ .. ( لان صارلنا جم يوم ضااربين شوووط ) فبعوض اليوم على قولتج كشخه وتسنع بس بدون كورسيه اخاف اختنق خخخخخ وبعدين يصير اشياء مو اوكى خخخخخ ..

وراح الوووص الحمره واحط كحل شخطه لى الاذووون ( بسم الله كيلوبترا مو بطه ) هاهاى

وسلامته حبيبى فلافل ماااايشوف شر بعد عمرى اسم الله عليه ربى يحفظه وان شالله شوى ويخف ربى يحرسه لج ويخليه لج ويبلغج فيه وباخوانه ان شالله ..

منتى ناويه تودينهم الفلم اللى اسمه بلانت51 شكله حلو ودى اودى كارز ..

 

[ام فجور 2008]

بطبط ذاك اليوم شريت حمرة بالغلط ههههههههههههههههه بس لونها يهبل
جان تعرفين مجله الممتاز يحطون صالون الاء دشتي
يعرضون مكياجهم على وحدة وكانت لون حمرتها حلوة وشريت محدة اطلعت نفس لونها

 

[ام فجور 2008]

تقريبا جذي واقمج شوي بس وايد حلوة

 

[just-me]

سكتي بطه على الطلعه حق السينما ... حاطه ايدي على قلبي

اليوم الشهادات و أبوهم مستحلف فيهم اذا ما يازت له الدرجات انزفو و بجاهم

و انحبسو بالدار و ماكو لاب توب و لا طلعه و اذا موده اوكي عصب شوي

وسوا روحه مايدري اني بطلعهم بس اللي يضحك بالموضوع اني بالحالتين

انزف معاهم جني انا السبه اذا درجاتهم ماعجبته يعني بالله شسوي اروح

أمتحن بدالهم ؟؟ الله يعلم اني مومقصره بالتدريس و المدرسات و اهمه بعد حريم

ليمتى براكض وراهم درسوا درسوا ... والله ما اذكر أحد حن علي على الدراسه

بروحي بروحي كل من عارف مصلحته -----> سوري افتلت عليج بالتحلطم

ميخالف اليوم الخميس السموحه لوووووول

 

[just-me]

ام فجوره عشان اكون معاكم بالخط

جربي Up the amp مالت Mac

 

[بطة رشيقة]

جسوووت يا بعد جبدى والله ميخالف شتسوين بعد الحمدلله والشكر الريااايل كله جذى ابيه انا بعد اذا عصب على ولده سيده لف على ويقول كله منج ..؟ يعنى الظاهر اهم على بالهم ان احنا مشبوكين مع عيالنا واذا انزفوا انزفينا معاهم يالله الحمدلله على كل حال ربى يهديهم ويصلح حالهم .. وان شالله البنات والاولاد تكون درجاتهم حلوه وتبرد قلبج .. وتودبنهم السينمااااااا ويستانسون بالويك اند ..

ربج كريم انشالله ..

وعلى الحمر والله صارلى مده ما شريت ميك اب ( الحين ابى هدوم وابى مكياج ولابت توب ) زادت الطلبات خحخخخخخ ..

تريقت توست وجين بالشوايه مع زيتون وعصير انناس وشربت كوب ماى ..

 

[just-me]

انا تريقت توسته و لبنه مع رشه زعتر مع نسكافيه و الحمدلله على النعمه

عموما Me go اخليكم الحين و ان شاء الله اطل عليكم عصاري

حافظكم الرحمن و ديروا بالكم من مطبات الويك اند

اتمنى اتطلون بالويك اند ... من من وينج من غير شر مكانج خالي

طلي لا تخلين

سلام