~¤ô¦ô¤~ دوانية رشيقات المستقبل ~¤ô¦ô¤~الجزء الثالث

[kewii93]

لا مايبيلنا عمليات
وكل شي بالارداة يصير

اهم شي الرياضة تنحت الجسم نحت

 

[اثمان]

السلام عليكم

عيدكم مبارك

 

[اووو16وووم]

بنات انا عمري 16 وابي اسوي رجيم ومافي شي يشجني عليه ابيكم تشجعوني شوي كل ماقول انا باجر ابدي رجيم يطلع لي شي اكله حلوا هههه بس ابي احد ينصحني بشي اسوي بلييييييييييييييييييييييييييييييييييييييز وردو علي

 

[ENG.MKK]

هلا والله شلونكم

انا حابه اكون وياكم ان شاءالله ...



ريوق ..

2 توست + كوب حليب + واحد من الخيارات ..
شريحة مرتديلا + خس وخيار
2 ملعقة كبيرة لبنة + خس وخيار
قطعه حلوم وسط + طمام وخيار
كورن فلكس + حليب قليل الدسم
بيض مسلوق + طمام


لي رجعه معه الغدا ...

بالتوفييق

 

[just-me]

السلام عليكم​

ماهان علي تخلص السنة و لا اطل عليكم

ادري ان البعض منكم شايل بخاطره او متضايق مني

عشان جذي طليت واطلب منكم السموحه

للاسف اللي ما خلاني اطل معاكم اني كرهت الريجيم

و وصل وزني ل 88,6 :eh_s(2): .. وما كان ودي اعطي وعود

ولا التزم ....لكن اتمني و من قلبي

اني بهالسنه اقدر التزم بالريجيم عالأقل عشان صحتي

تحية حب ووله وشوق وسلام للكل

و أخص اول وحدة الاخت الغالية سمسمية

و اتمنى تسامحيني على عدم التواجد بالديوانية

و المنتدى بكبره رغم حنتي عليج بالخاص والعام

عشان تفتحين هالجزء...لكن باذن الله بحاول اتواجد

كثر ما اقدر لاني مالي غنات عن المنتدى:eh_s(7):


واخيرا ...تحايا معطرة و بوسة وسلام و أجمل

الامنيات للخوات الغوالي

زاجل / أثمان / أزهار / شوشو / ستيلا / أم منوله

أنوجه / عبير / بطاطا / ام فجر / سيدة الذوق

و لكل عضوة شرفتنا بالطلة على ديوانيتنا

سواء شاركت او لأ ...و ياليت تسامحوني اذا نسيت احد

مرة ثانية كل عام وانتو بخير

وعام حلو متروس هنا و سعادة وراحة بال

وأهم شي صحة و رشاقة:eh_s(8):

 

[اثمان]

هلا جسوت

هلا حبيبتى

وانتى بخير وصحه وسلامه

شلونج وشلون العيال

 

[صمتها ونه]

السلاااااام عللييييييكم يااارشيييقات المستقبل هذي اول مشاركه لي بهالموضووع وتوني فرش بالمنتدى توني طالعه من الكرتوون ههههههههه

المهم اسمي صمتها ونه
العمر 17
الوزن احم احم احم 92 !!!!!!!!!!!
بس تصدقون جسمي مايبين عليه 92 لان موزع الوزن بجسمي طبعا انا اكثر وحده متعقده من جسمي
وتوني صغييره وهذاا وزني !!
بس هذا المنتدى ومووااضيع العضواات عطتني داافع اني اسوي رجيم
وراح اسوي رجييم التمر وتوني مبلشه فيييه تكفوون ادعولي اضعف

 

[روحي تحبك...]

مرحبا صبايا

شلونكم شخباركم


اول مره اطل بهالموضوع ... يا حلاتكم تشجعون والله


بقولكم سالفتي


انا وزني 74 وطولي 167

<< انا عظمي شوي عريض وهذا الي معقدني

احس لمن متنت جسمي صار جسم صبي... حتى خواتي صاروا يعيبون علي

جسمج جسم ريال... والله ساعات اكره نفسي

قررت اسوي رجيم واذبح عمري ... خصوصا انا خلاص تخرجت وخلصت دراسه ... يعني فاضيه ما عندي اي شي


بسوي رجيم لين رمضان... يعني تقريبا 7 شهور او اكثر شوي


بحاول قد ما اقدر انزل 14 كيلو

بوصل لي 60


لمن قلت هالحجي لرفيجتي .. قالت غلطانه انتي عظمج عريض << ردينا لنفس السالفه

وقالت لي اذا ضعفتي حيييييل راح تصيرين بس عظم وتصيرين واحد من الربع << حسسوني اني بويه

مع انه الحمدلله شكلي حلو مملوحه والغمازات لاعبين دور بويهي وشعري حلو وعندي خصر واضح حيل

يعني مو لهدرجة شكلي صاير صبي... بس تعقدت اذا البنلت يشوفوني جذي... لي تزوجت الريال شنو بيقول عني



خلاص ان شاء الله بلتزم بالرجيم لين اضعف واصير 60... خليني عظم بس مو عظم ولحم


والشي الثاني الي معقدني .. ريولي

ساقي شوي متين.. اعتقد يسمونه مبروم... اكررررررررررررررررره ريولي ساعات << الحمدلله عالنعمه

بس جد والله ساعات يقولون لي لا حلو المبروم وهذا المطلوب وساعات يقولون لا ريولج متينه لازم يضعفون


تعقدت يبووووووووي


قولوا لي شسوي بعمري زهقت

 

[روحي تحبك...]

مو جني سولفت وايد :$

لوووووووول


رشيقات المستقبل عندي اقتراح

شرايكم الي عندهم بي بي نسوي قروب الرشاقه

عشان نشجع بعض لي وحده من عندنا تحطمت وارادتها ضعفت؟؟

الي موافقه تراسلني خاص وتعطيني بنها

اوكيشن صبايا

 

[صمتها ونه]

روحيي تحبك والله جنج انا حتى انا ريوولي متان وجذي حيييل متعقده منهم وبعد عظامي عريضه س يعني شنوو الله خلقنا جذي بعد شنسوي هههههههههههه ماعليج خلاااص بنسوي رجيييم واشكاالنا بتطلع احلى

وربييي خووووووووشششش فكره القروووب خلاااص يلا خلووناا نسووووووييي

روحي تحبك يلا على ايدج سوي لنا قرووب

 

[صمتها ونه]

اهئ اهئ مشاااركااااتي قللييييييييله مقدر اطرش رساله خااصه

 

[روحي تحبك...]

خلاص الحين بطرش لج بني

وضيفيني عندج يا الغلا ولا يهمج



نبي نحل مشاكلنا الرجيميه مع بعض لوووووووول

صبايا الي تبي تنظم للقروب تطرش بنها عالخاص

 

[صمتها ونه]

فدددددددددددديييتج والله حيل استانس اننا راح نسوي قرووب

نشجع فيه بعض نعطي بعض دااافع عشاان نضعف روحي وصلني البن وطرشتلج بني ضيفيني
بس ترا مومفعله الخدمه راخ افعلها ورا الامتحاناات

 

[روحي تحبك...]

اوكيشن يا الغلا

ماكو اي مشكله


بانتظارج

 

[صمتها ونه]

لبى قلبج لاهنتيييي يالغلاااااااااااااااااااا

 

[روحي تحبك...]

مو جنه لمن دشيت الدوانيه محد قام يدش هني

لا يكون قبست عليكم لوووووووووووووول

 

[اثمان]

السلام عليكم
شلونكم

 

[روحي تحبك...]

وعليكم السلام


تمام بخير

ما علي طيبه

 

[Pizza Queen]

^

دوووووووومز

وانا تمام <محد اسالج:eh_s(2):

باركولي بنات اليوم وزنت طلعت 63 مابقا شي :eh_s(2):

 

[روحي تحبك...]

عالبررررررركه يا قلبي


يالله كافحي وادخلي عالم الخمسينات


عقبالي يا رب اصير 65 وبعدها 60


راضيه باي شي لوووووووووول