~*¤ô§ô¤*~شنو كليتي اليوم - لشهر رمضان الفضيل تعالو شاركونا ~*¤ô§ô¤*~

[جماااانة]

عليكم بالعافييييييييييييييه وتقبل الله طاعتكم

 

[حليبه]

عواافي

 

[ريمه الكويت]

لولوه ولايهمج سجلي المقادير

كوب ماي+ رشه ملح + نص قالب زبده+ملعقه كبيره شكر+ربع كوب زيت ذره هذولا كلهم حطيهم على النار ولما يغلي الماي حطي كوب طحين وقصري على النار لما تشوفين العجينه صارت متماسكه وماتلزق بالجدر سكري النار وخليها تبرد شويه

حطيها بخفاقه الكيك وظيفي عليها 4 بيضات وحطيهم وحده وحده مومع بعض لما تحسين البيضه اختلطت بالعجين حطي الثانيه وراها

وحطي ملعقه وسط فانيليا

اخذي الخليط وسخني الفرن وخلي يمج صينيه فرن مدهونه ومفروشه ورق زبده وحطي العجينه بقفشه مبلوله ماي وشكليها دوائر بالقفشه وخليهم متباعدين ودخليها فرن ولاتفتحين الفرن لما تحمر من تحت شوي حمريها من فوق وسكري الفرن وخليها بالفرن بعد 10 دقايق علشان لاتخفق الكور مثل ماصار معاي

الحشوه 2 كيس دريم ويب+ نص كوب كريمه سائله+ 2 ملعقه حليب بودر خفقيهم عدل وخليها بالثلاجه تبرد بعدين احشي فيها الكور

اخذي كرامل الجاهز انا حطيت مالت الكريم كرمل عندي مجمعه شكثر كرامل لزقي فيهم الكور المحشيه بشكل هرم وبالاخير هم صبي عليهم كرامل من فوق وبالفريزر خليها لوقت التقديم ولاتطوفج طعمها روعه بسويها للعيد

الف عافيه Pissy Missy شغلج روعه يعطيج العافيه وعجبتني سلطاتج وكيكه الفليك

 

[ريمه الكويت]

ام الغاليه علينا وعليج

KaNY w MaNY الف عافيه

ابله موسيقى الشبزي تعذيب هنيييييييييييييي

mareea الصلصه في بنات يحطون الجاهزه وفيه يسونها بالبيت مايبيلها شي

 

[Pissy Missy]

الف عافيه pissy missy شغلج روعه يعطيج العافيه وعجبتني سلطاتج وكيكه الفليك

تسلمين بعد عمري

 

[Pissy Missy]

بالعاااافيه

بنات لاحظت اكثركم مسوين بيتزا و شكلها لذيذ

شنو الصلصات الي تحطونها ؟

انا افرم طماط وبصل وشوي ثوم احمسه مع زيت زيتون واضيف عليه معجون طماط و كاتشب واذا تحبين تقدرين تحطين كاتشب ماجي الحار يعطي طعم و شوي صلصه بيتزا الجاهزه واذا يبيله تخفيف اضيف عليه شوي ماي واخر شي الملح والفلفل الاسود وشوي اوريجانو ونتفة شكر عشان حموضه الطمام

 

[انسه^دراقه]

ربمه ةاه عليج امر ابي طريقه البف باستري السينابون

 

[ṦάЯỢηά ĚŁђĻώạ]

عليكم بالعاااافية :eh_s(7):

 

[أم حسون]

يمي عوافي علي قلوبكم
بيسي ميسي اخذي خليط الكيك الجاهز وسوي الكيكه وعقب اخذي ارو حطي بالمكرويف مع شوي حليب لما يذوب وخلطيهم وصبيه عالكيكه وبالعافييه

 

[أم حسون]

بيتزا التوست

مقالي



هريس



يمي

سيزر هبتي هاليومين

 

[ريمه الكويت]

بالعافيه ام حسون عاد مادشيت الا قبل الفطور ميته يوع

العفو بيزي ميسي

انسه^دراقه سجلي عندج

عجينه بف باستري تفردينها على شكل مستطيلات خفيفه وتدهنيها بزبده سايحه

تجهزين الحشوه جوز ولوز مفرومين ناعم مع دارسين وبعد ماتفرمينهم حطيهم بطاسه ورشي عليهم قفشتين ثلاث شيره

وتحطين الحشوه بطرف المستطيلات وتلفينها مثل السويسرول وتقطعينها شرايح وتصفينهم بصينيه فرن مدهونه وهم بالفرشه مسحي الويه بالزبده

خبزيها لما تحمر من الجهتين

نطريها شوي تبرد ورشيها بالقفشه حليب نستله المحلى وكاكاو سائل وبالعافيه

 

[كلي أحزان وهموم]

بالعــــــافية بنـــــــــات
فطورنـــــــــا اليـــــــــــوم :eh_s(7):

سمبوسة وكبب


قطـايف من الكنفاني


بيتزا بخبز التورتيلا


حمص ومتبـــــل


فلافـــــل


كشــــــري


بطـــــاط بالفــــــرن :eh_s(2):


كيكة عادية والحمدالله

 

[ريمه الكويت]

بالعافيه كلي هموم يونس قطوركم احب جذي فلافل وحمص وخوش فكره البيتزا بخبز التورتيلا

 

[ريمه الكويت]

بسم الله ابدي



شوربه سبانخ


عيش بالتونه





صمون السلاحف


وهذي حشوتها









عصير برتقال طازج بالموز



الحلو صينيه الطبقات بطبقه الشعريه الباكستانيه





ولله الحمد على نعمه

 

[بنت الاحلام]

عليكم بالعافيه بنات

 

[عاشقة لندن]

ام حسون وريمه وكلي احزان

عليكم بألف عافيه مبدعات ماشاءالله عليكم

 

[عاشقة لندن]

فطورنا امس

فطورنا اليوم

والحلى

 

[الشيف نانا]

السلام عليكم

عوافي بنات


فطورنا امس

مرقوق



عرايس اللحم بالسبانخ


خبز عروق وسمبوسة دياي




بقلاوه بالمكسرات




فطاير


وسلطة الزهرة


والحمد لله على النعمه,,





فطورنا اليوم

دياي كابلي وعيش بني,,





سلطة الخبز بالزعتر والخس



مشلتت بحشوة الطلياني




فطاير الشوايه




من نفس العجينه سويت الفطاير المحلاة



القيمات


وحلو الآرو للأخت اشتياق



والحمد لله على النعمه..

 

[دلوعة أبوهآ]

عليكم بالعافيه ..

 

[mareea]

ام الغاليه علينا وعليج

KaNY w MaNY الف عافيه

ابله موسيقى الشبزي تعذيب هنيييييييييييييي

mareea الصلصه في بنات يحطون الجاهزه وفيه يسونها بالبيت مايبيلها شي

ابي اسم الصلصات الجاهزه
لاني كل ماسويت وحده يصير طعم البيتزا لزانيا :krkrkr: