§ô¤*~بغيت أمــوت من قبل جم يوم،،فضفضه من قلب~*¤ô§

[نهى الأحمد]

السلام عليكم​

شلونكم يا خواتي​

أتمنى تكونو بخير جميعاً​

طبعا أكيد قاعدين تقولون شفيها نهى عسى ماشر


نهى اللي تنصح وتكتب مواضيع فيها فايده وعبر وحكم من الحياة وتحل المشاكل


وتكووون تعبااااانه؟؟؟:eh_s(10):​

سبحان الله ،،الانسان قادر يحل مشاكل الناس وما يقدر احيانا يلاقي حل لمشكلته​

لا تستغربون​

كل انسان بهالدنيا يتعرض لضغوطات في حياته​

ممكن انه يتحملها او انها رح تحطمه وتحطم معنوياته


وتسبب له ألم:eh_s(2):

​

قبل فترة تعرضت لضغط نفسي وجرح كبير في حياتي


في البداية قدر يسيطر علي وبسبته


ارتفع الضغط عندي حييل لدرجة وصل تأثيره على القلب


وقلت خلاااااص ،،اكيد هذي جلطة لاني بالفعل حسيت بأعراضها​

فكرت عدل بالضغط اللي صار لي من فترة


وصرت أفكر واستنتجت ...........​

رضا الله ورضا الوالدين عني اهو اهم ما في حياتي ​

اهم من القيل والقال


اهم من طعنات وجرح الأصدقاء​

باجر لاقدر الله لو صار فينا شي من الضيقة والزعل


ماكو احد رح يسأل عنا ولا رح نستفيد شي


غير ضياع الوقت والمحاتاة على امور صج مالها قيمة​

باجر لي طحنا لا قدّر الله


رح نسمع كلام ونشوف نظرات شفقه اللي رح تزيد من جروحنا وآلامنا​

لي حسينا بضيقة او تعرضنا لجرح


ما لنا غير رب العباد نلجأ له بالدعاء والاستغفار


رب العالمين اهو رح يفرج همنا ويزيل عنا كل التعب


مو البشرررررررر​

قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )​

عليكم بتقوى الله واخلصوا النيه في أقوالكم وأفعالكم


حتى ربي يفرجها علينا وعليكم ويرزقنا ويرزقكم بالخير والسعادة​

يا خواتي


الشكوى لغير الله مذله​

اكيد الانسان احيانا يحتاج لشخص يشكيله همه ويخفف عنه


لكن ماتدرون يمكن هذا الشخص ما يتحمل كثر الشكوى


ويمكن عنده مشاكل وضغوطات بعد


وبعض البشر تمل أحيانا من الإنسان كثير الشكوى​

ياربي [URL="http://www.hayah.cc/forum/t2466.html"]اشكيلك [/URL]بحالي...شكوى [URL="http://www.hayah.cc/forum/t2466.html"]لغير [/URL][URL="http://www.hayah.cc/forum/t2466.html"]الله [/URL]مذله
::
لو مر وقت(ن)ما صفالي...محد(ن)بيسعفني سوى [URL="http://www.hayah.cc/forum/t2466.html"]الله [/URL]
::
يا ربي يا اتعبني سؤالي...يا عالم (ن) بالامر كله​

نصيحة مني لكم،،​

الجؤوا لرب العباد عند الضيقة ​

اهو الرحمن الرحيم بعباده
مفرج الهم :eh_s(2):​

قال الرسول صلى الله عليه وسلم:
مامن عبد يقول هذه الكلمات الا فرج الله همه وغمه وكربه واقر عينه وأدام سروره وفرحه وأطال عمره وبارك له في رزقه من حيث لا يحتسب اللهم أني أسألك خوف العالمين بك وعلم الخائفين منك ويقين المتوكلين عليك ورجاء الراغبين فيك وزهد الطالبين اليك وورع المحبين لك وتقوى المتشوقين إليك اللهم كن لي مؤيدا وناصر وكن بي رؤوف رحيما يا خير المسئولين اليك أشكو ضعف قوتي وقلة حيلتي يا أرحم الراحمين بقدرتك علي ولا تكلني الى نفسي طرفة عين يا حي يا قيوم برحمتك استغيث​

تقبلوا الحياة بحلوها ومرّها
لا توقفون عند اي جرح او ضيقة أو مشكلة تتعرضون لها​

وهذا الموضوع تقدروا تعتبرونه فضفضه لكم​

ورح يكون قلبي وسيع للكل
ومستعده اسمع منكم واقدم لكم كل اللي اقدر عليه​

عسى ربي يسعد الجميع
ويبعد عنكم كل مكروه​

أختكم
نهى الأحمد​

 

[brettey]

حبيبتي ماقصرتي الله يفرج همج وينولج مرادج ويفرج همومنا
مالنا غير الله سبحانه

 

[نهى الأحمد]

حبيبتي ماقصرتي الله يفرج همج وينولج مرادج ويفرج همومنا
مالنا غير الله سبحانه

هلا والله حبيبتي بريتي

اللهم امين

اي والله مالنا غير الله عز وجل
اهو القادر على كل شي

 

[Babies setter]

الله يفرج همج ياقلبي....
والله انج صاجة..احيان الانسان يقدر يحل مشاكل غيره..لكن في مشاكله مايلقى الحلول..
وعرفت ليش مايلقاها...لأن الناس صارت ماتهتم لبعض..ماتشوف ولاتستفيد من أخطاء غيرها..
بالعكس تروح تطبق نفس الخطأ...ساعات يابنات الحل جدام عيوننا لكن وين اللي يشوف...
الله يعين حبايبي...ويفرج هم كل مسلم ياااارب

 

[نهى الأحمد]

الله يفرج همج ياقلبي....
والله انج صاجة..احيان الانسان يقدر يحل مشاكل غيره..لكن في مشاكله مايلقى الحلول..
وعرفت ليش مايلقاها...لأن الناس صارت ماتهتم لبعض..ماتشوف ولاتستفيد من أخطاء غيرها..
بالعكس تروح تطبق نفس الخطأ...ساعات يابنات الحل جدام عيوننا لكن وين اللي يشوف...
الله يعين حبايبي...ويفرج هم كل مسلم ياااارب

مشكوره حبيبتي على الكلام الطيب والمشاركة الحلوة منج والدعوة الطيبه

وعسى ربي يفرجها علينا وعليكم ياقلبي

 

[عسله]

عمري ربي يعينج وهذي الدنيا يااختي مانرتاح فيها دوم وموكل حزه نلقي من يحتوينا لما نتضايق لكن سبحانه عمره ماسد بابه انصحج بصلاة قيام الليل والقران اللله احلا علاج للضيقه وربي يبعد عنج الضيقه ويسهلج امورج ويسخرلج عباده

 

[حلاوه ودلع]

عمري ماراح انسا جميلج علي واللي سويتيه لي يالغاليه
عسى يارب مثل مافرجتي كربتي يفرج كربج ويسعدج و ماتنزل من عيونج الا دموع الفرح
والله انج تستاهلين كل خير الله يبعد عنج الهم و الحساد و الخونه و الجروح
عسا حياتج كلها كلها افراح ب افراح

شهادتي فيج راح اتكون مجروحه للابد مو بس انا وكل بنات المنتدى يقولون نفس الكلام اللي مثلج نااااادر اختي

دعواتي لج داااايم الدوم

اختج الصغيره حلاوه ودلع

 

[F A R A W L A]

يعطيج العافيه ع الموضوع
ومااقول غير ربي يفرج همج وهمنا

 

[ṦάЯỢηά ĚŁђĻώạ]

يااا قلبي يا نهااا @ اسم الله علييييييج
سلااااااااامتج يالغااالية
ومااا تشووفين شر
والله يفرج همج ياااااارب قولي امييين
:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[♥MaSteRiyA♥]

ما تشوفين شر يالغلا
اي والله صدقتي

وفعلا الشكوى لغير الله مذلة
ونعم بالله​

 

[عرش الأنوثه]

الله يعين

 

[سديم الكون]

يعطيج العافيه


وانا كتجربه مريت فيها لقيت ان الشكوى للناس ما تنفع الا تضر تخلي الناس تمل منج ويضيق خلقها من تشوفج بالعكس خلت الناس تتحااشاني حتى خواتي ملوا مني وما قام احد يدق علي نفس قبل ولكن الحمدلله عرفت غلطتي وقررت ما اشكي لأحد الا لمشكله واضحه معالمها وابي مساعده مو شكوى وتحلطم وتذمر


عسى الله يهداني ويهدى جميع البنات

 

[Tom ♥ Jerry]

,


يآ قلبي !

عسى الله يفرج همج يارب ؛*

 

[مالي غير الله]

الله يفرج همج ويشرح صدرج وتذكري دايما (ان مع العسر يسرا )

 

[عبير العنزي]

جزاج الله خير


قال تعالى :
{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }


فعلا اختي كلامج صحيح كل انسان ممكن ان يتعرض لضغوطات بهذي الدنيا القاسيه

ولكن الانسان المؤمن من السهل ان يتخطااها بالصبر والدعاء والرضا بقضاء الله وقدره


انا فعلا استغربت نهى الاحمد كاتبه مشكله عن نفسهااا

واهي اللي دايم تساعد البنات بحل مشاكلهم بس حتى وانتي كاتبه مشكلتج كاتبتها على شكل نصيحه

فعلا مثل ماقلتي بالنهايه كلنا بشر وكل واحد منا معرض لظروف صعبه

انا وايد معجبه بشخصيتج واسلوبج وحبج لمساعدة الغير ومتابعه لمواضيعج الله يعطيج على قد نيتج

وجزاج الله خير

 

[* بنت المطر *]

الله يكون بعونا جميعا بس بعض المرات الفضفضه تريح الانسان ماتحسين ساعات كثر ماتعبين

الكلام يطلع منج تلقائيا حتى لو ماكنتي راضيه عنه !! لان ممكن نكون وصلنا لدرجة لو مااحد هوون علينا او طبطب

علينا ممكن ننهار اوننجلط لاسمح الله والناس لبعضها والله كريم

 

[معلمة شيسمونه]

كلامج عين العقل

محد بيفيدنا

والكلام لا يودي ولا ييب

والله انج صااااااااااااااااااااااااااااااااااااااجه

جزاج الله الف خير علىهالكلمات الطيبه

 

[رواضي قطر]

الله يفرج همك حبيتي وجزاك الله خير

 

[II'3anomaII]

يزاج الله خير ... صج كلامج يريح ..

 

[وردة-الكويت]

اي والله صدقتي يااختي نهى عسى الله يفرج همي وهمج وهم كل مهموم يارب

جزاج الله خير