¨¦« رحلــة هـمـبـكـة إلى ربوع سـويسـرا و فـرنسا - صيف 2007 »¦¨

[Hambka Q8]

يعطيج الف عافية على هالتقرير

وبانتظار المزيد

الله يعافيج فروحه :eh_s(7):

تابعيني :edbf4317b9:

صج تقرير مرتب وصور تشوق
عليج بالعافيه هالرحله الحلوه
وكل سنه تروحين
بنتظار الجزء الثاني

الله يعافيج


مشكوره من ذوقج والله :hjy5jewf:

ان شاءالله كل سنه :wqedqw:
يسمع من بؤك ربنا :yaaaaaarb:





تابعيني خيتو :edbf4317b9:​

 

[Hambka Q8]

الخميس الموافق : 16-8-2007
______________________




ركبنا الباص و رحنا في رحله طويلة مدتها 9 ساعات مع الاستراحه الى مدينة بازل

الصراحه ماحسينا بالوقت خلال الرحله من خلال هالمناظر الحلوة و اللي ترد الروح و الطبيعه و الخضرا و البقر :eh_s: :eh_s:

بس هم شوي تعبنا 9 ساعات و احنا متصلبين بالكرسي




وصلنا مدينة بازل في حدود الـ 8 بليل





سكنا فندق سويس اوتيل لا بلازا
سايتهم - Here





وايد حلو و راقي الفندق.. :wqedqw:

و الغرف كبار و الاثاث جديد و التلفزيون بلازما (حركات)

عالساعه 10.30 طلعنا انا و امي و رفيجة امي و بنتها

رحنا لمطعم تركي بجانب فندقنا عنده فلافل حلوة ^^ (اخذت فلافل و شورما و قالنا انها حلال و انها لحم غنم بس الصراحه شكيت لان لون اللحم غريب مو مثل اللي عندنا بالكويت و ما ماكملتها:bbbiu: )

اخذنا السندويشات و البيبسيات و رجعنا عالفندق =)

كلينا و نمنا ​

[/QUOTE]

 

[Hambka Q8]

الجمعة الموافق : 17-8-2007
_______________________


الصبح رحنا للكونسيرج و قالنا انه الترام المودي للمدينة و السنتر
هوا رقم 6 & 14 & 15

منظر للمدينه من شباك غرفتي

المدينه وايد اعجبتني هاديه و شرحه و اهلها حليوين
اخذنا الترام و ودانا لمنطقة باهنهوف اللي اهيا منطقة السوق

السوق عبارة عن محلات للماركات بالاصافه لـ جلوباس و كومبانيز و باتا و
H&M و مجموعه ثانية من المحلات الحلوة ^^


سوقها مثل سوق اي منطقة سويسريه ثانيه و نفس البضايع





و احنا بالسوق شفنا محل موبايلات فقلنا اب نشتري خط سويسري
قالوا لنا ناس كويتيين معانا بالفندق اشتروا خط اسمه Sunrise



بس اللي يشتغل في محل الموبايلات قال لنا انه احسن واحد و ارخص واحد للمكالمات و المسجات الدولية


اسمه Lebara

فقالنا ركبوا الترام رقم 8
و روحوا لمنطقة كلارا بلاتز Clara Platz
مجمع كلارا هاوس Clara Haus و اشتروا خط من اهناك لانه عليه عرض

الخط ابـ 5 فرنك
(سعره الاصلي 25 فرنك)

رحنا المكان اللي قالنا عليه الريّال فقالنا اللي يشتغل اهناك نطروا نص ساعه على ما تيي المره اللي تبيع هالخط اللي عليه العرض لانها في Lunch Break



و نطرنا ساعه الا ربع عشان تيي المره
ما بقى محل في هالمجمع ما دخلناه



دخلنا صيدليه و جربنا العطور اللي فيها

و بعدها دخلنا جمعية يمها و شرينا كاكاوات و جلسنا ناكلهم لوول

و بعدها دخلنا مكتبة و لا كل شي بالالماني مافهمنا شي و طلعنا

و بعدها رحنا محل نظارات قعدنا نلبس النظارات و نضحك لان موديلاتهم من سنة يدي





و بعد ساعه الا ربع رحنا و هم ما يت

الظاهر مل منا كل ساع رايحين و يايين فقال خلاص ببيع لكم انا

بغينا نذبحه لووول ليش ما بعت لنا من الاول لوووووول

و شرينا منه 3 خطوط و شرينا تعبئة 10 فرنك زياده

و طلعنا ركبنا الترام رقم 8 و رجعنا السوق

كملنا تسوق و تغدينا و رجعنا الفندق

بليل اخذنا الترام و هم رحنا منطقة السوق

كان في احتفالات عشان الويكند

غناوي و رقص لووول

شفناهم و تطمشنا عليهم و رجعنا الفندق و نمنا​

 

[نورالدنياا]

واااي وناسه .. متابعه

 

[Hambka Q8]

السبت الموافق : 18-8-2007
_____________________



رحنا رحله لمنطقة انترلاكن و لوسيرن





انترلاكن حلوة و سبق لي اني رحتلها من قبل 10 سنين لوووول

تمشينا فيها و كلينا ايسكريم في مقهى مقابل محطه القطار

لاعت جبدي الصراحه من القعده
لان عالدرابزين مال المطعم اكو عنكبوت و فجأه اختفت عاد انا خفت لوووول

قلت اخاف دشت بأذني



طلعنا جان انشوف حناطير

جان نركب عاد احنا عددنا 6

ركبنا اب حنطور واحد تقلقصنا فيه..

حق الوناسه و الضحك و التصوير




( هذولي صور من الحنطور )

هذا فندق مادري شسمه

ركبنا الحنطور و صورنا و استانسنا

و مرينا على قهاوي و فنادق







و بعدها عالساعه 4

مشينا الى لوسيرن

لوسيرن اول مره اروحلها



اليوم اللي رحنالها فيه

كان اكو مهرجان اوركسترا شفنا ناس رياييل و حريم كاشخين و لابسين لبس رسمي (بدله و فستان سهره)



هذي صورة المبنى اللي فيه الحفله

عشان الاوركسترا و باجي الناس (يمكن اللي ماعطوهم دعوات) حاطينلهم كراسي في الحديقه عالبحيرة و شاشه و قاعدين يشوفونها

طبعا احنا قاعدين نضحك عليهم شلون مندمجين و منطربين بالفن

و اهما كل ساع اووووش و اووووش حقنا (ازعجناهم مساكين )

بس الصراحه ماعجبتني هالمدينة ..

مادري حسيتها مدينة بايخه




يمكن عشان احنا رحنا الصوب اللي فيه الاحتفال و المهرجان
و ما شفنا شي غير البحيره و السوق اللي تحت بالمترو لول




بعدها مشينا الساعه 8 و رجعنا لـ بازل


عالساعه 11 نزلنا و رحنا تعشينا ايضا من الفلافل
و بعدها رحنا منطقة السوق و ايضا كان في احتفال شفناه و ردينا الفندق ​

 

[Hambka Q8]

الأحد الموافق : 19-8-2007
____________________



رحله الى يوربا بارك + مدينة فرايبورج الألمانيه

يوربا بارك وايد حلوة اعجبتني .. قالوا لنا انها بتكون زحمه وايد
الالعاب ملوت الاطفال و الالعاب اللي ما تخرع الدور فيها ياخذ 10 دقايق الى 15 دقيقه او اقل اما الالعاب اللي تخرع مثل قطار الموت
تاخذ 30 دقيقه الى 45 دقيقه مو اكثر

انا ركبت 5 العاب:ada:

بالنسبه لدزني كأني لعبت وايد لان بدزني بس لعبت ثنتين و كل لعبة قعدت فيها ساعه عورتني ريلي من الوقفه ;p
قعدنا فيها 4 ساعات

---------------------------------------------------------------------------

و بعدها مشينا و رحنا مدينه فرايبورج
وايد اعجبتنا و سوقها وايد حلو مع انه مسكر =)

تمنينا انجي لها بيوم غير الاحد
ان شاء الله مره ثانيه السنة القادمه
و انصحكم تروحون لها
لما صارت الساعه 8 رحنا للبحيره اللي في المنطقة وايد حلوة و ذكرتني ابـ بحيرة ديفون




بعدها رجعنا الفندق
سوينا شنطنا استعداد للسفر لـ جنيف


و هم رحنا منطقة السوق انودع المدبنه



​

 

[Hambka Q8]

خلصت بارت twO :tek:


ونطروا بارت THree (جنيف) _03BA:









بكرا ان شاء الله :ggdw::ggdw:

 

[Hambka Q8]

واااي وناسه .. متابعه

الله يونسج بلعافيه :ggdw::ggdw:

تسلمين عالمتابعه




نطري الجزء الثالث :ada:

 

[nice smile]

ماشاءالله تبارك الرحمن التصوير روعه

واسلوبج عيشتيني جو .. جني صج مسافره


متابعه @@

 

[Hambka Q8]

ماشاءالله تبارك الرحمن التصوير روعه

واسلوبج عيشتيني جو .. جني صج مسافره


متابعه @@

الله يسلمج

اسفه عالتأخير توني مخلصه امتحانات :eh_s(1):



سكرا عالمتابعه و الرد smile :eh_s(6):​

 

[Hambka Q8]

الاثنين الموافق : 20-8-2007
_____________________​

صحينا الصبح تفطرنا اخذنا شنطنا و عالساعه 12 رحنا لجنيف المده 3 ساعات الى 3 ساعات و نص
مع التوقف لربع ساعه تكرمون للحمام =\



وصلنا جنيف



فندقنا كان فندق نوفوتيل جنيف سنتر



طبعا انا قارية في احد المنتديات انه موقع الفندق مو زين بسبب وجود (..) شسمه @@

بس الصراحه الفندق عجبني غرفه وايد كبار و السرير كبير و جدا راقيه الغرفه :ggdw:



الا ان الحمام مادري شلون صاير ماعجبني

طريقته مثل طريقة حمام فندق مريديان باريس

الحمام منفصل عن البانيو




صور من الفندق

و لا الفندق اوكي بس هذا الشي الوحيد اللي يعيبه

بالنسبه للاشكال اللي قريت عنهم انا الصراحه و الحمدلله ما شفتهم :eh_s(1):

يمكن عشان ما صادفنا يوم ويكند او يمكن احنا ندخل بالشارع اللي ما يوقفون فيه




عالساعه 7 رحنا مطعم "الروشه" اللبناني جنب فندق الوارويك يعني اب شارع لوزان
و مقابل محطة القطار.. :ggdw:

كلينا فلافل و شورما دجاج.. حدها يمي الشورما انصحكم فيها..


و احنا قاعدين احصلت لنا مواقف طريفة و ظريفه لوول احدها..:


" كان في كلب كبير مهدود مو مربوط و الجو كان برررد شكله قاعد يدور عالدفا لوول
فـ ياه صوب امي و رفيجتها و اندعس بينهم لوووووووووووووووووووووووووول:dddds:


و اهما حسبالهم حرامي فكل وحده امسكت جنطتها حييييل لوول

حدنا متنا عليهم من الضحك :dddds:



لما دروا انه كلب اقعدوا عدل لووول
و يقولون له كش كش



جان يصفر له صاحبه و يذلف عن ويهنا









بعد ما خلصنا اكل

جان نروح البحيره و كان توه نهار ما غربت الشمس..

فقعدنا صورنا..

مع انه عندنا نفس هالصور و مصورين عند نفس المنظر لووول






و بعدها تمشينا عالبحيره لما تيمدنا من البرد

الجو برررررررررررررررررد " صقعه " :ada:

حدنا متنا من البرد






رحنا قعدنا اب قهوة شويه

و بعددها رجعنا الفندق و نمنا ​

 

[Hambka Q8]

الثلاثاء الموافق : 21-8-2007
_____________________​

رحنا السوق

و تسوقنا و تغدينا في المطعم الايطالي "مورينو" المقابل لمحل جلوبس
قعدنا بره و اذونا الحمام حسبي الله على بليسهم :0bee2e8d89::dddds: لول ماعرفت استمتع بالاكل و اتهنى فييه

و ماشاء الله مطرّت علينا و صار برررررد الجو





و بعدها رحنا شربنا شاي فالقهوة اللي جنب المطعم :eh_s(6):

و بعدها رجعنا الفندق

عاد ما قلتلكم اشكثر في قنوات عربية بهاالفندق كل القنوات العربيه تقريبا
شي حلو الصراحه





بليل ايضا رحنا البحيره تمشينا و تعشينا ماكدونالدز و اكلنا ايسكريم و رجعنا الفندق _03BA: :11ight:​

 

[هامورة]

خوش تقرير

اختي شرايج في يورب بارك ؟ للامانة تستاهل

 

[nice smile]

كل عام وانتي بخير .. والحمدلله انج افتكيتي من الامتحانات ..


همبووكه الفندق مبين عليه نظيف .. بغيت اعرف وين مكانه ؟ وقريب يم البحيره او محطه القطار ؟

 

[بنت عبدالغني شربت]

موضوعج حلو يعطيج العافيه والحمدالله علي السلامه حبوبه

 

[Pink GirL]

خوش موضوع

يعطيج العافية

والحمدلله على سلامتج

 

[@Miss Dio@]

الموضوع موطبيعي يسلموا لايادي

 

[Hambka Q8]

خوش تقرير

اختي شرايج في يورب بارك ؟ للامانة تستاهل

الله يسلمج هاموره

اي حده تستاهل

وايد كبيره اذا بتروحون لها انصحكم تنامون فيها ليلتين

عشان تقدرون تغطونها كلها من كبرها

و لا تنسون تحجزون فندق من الكويت عشان فنادقها كله زحمه

http://www.europa-park.com/
سايتهم بس بالالماني

و تقدرون تحجزون فندق من سايت Booking.CoM



و ترا غييير عن يورو ديزني
ماكو شبه بينهم !
يورو ديزني لها جوها!
و هذيج له جو مختلف


شكرا عالرد :68_asmilies-com:

 

[Hambka Q8]

كل عام وانتي بخير .. والحمدلله انج افتكيتي من الامتحانات ..


همبووكه الفندق مبين عليه نظيف .. بغيت اعرف وين مكانه ؟ وقريب يم البحيره او محطه القطار ؟

و انتي بخير سمايل..

اي فكه هههههه :dddds:

الفندق يبعد عن البحيره عشر دقايق تقريبا (على سرعتي خخخخ)
يختلف يعني من مشيه لي مشيه يمكن انتي اسرع مني بالمشي :ggdw:

و يصير تقريب ورا فندق كمبنسكي اب شارع






و يبعد عن محطه القطار 10 دقايق!

اذا تبين فندق قريب من المحطه
احسن شي تسكنين اب وارويك جبال المحطه كلش!
و قريب من البحيره بعد يعني هم 10 دقايق !

:eh_s(6):




شكرا عالرد سمايل

 

[Hambka Q8]

موضوعج حلو يعطيج العافيه والحمدالله علي السلامه حبوبه

الله يعافيج و يسلمج
شكرا عالتثبيت :ggdw:

خوش موضوع

يعطيج العافية

والحمدلله على سلامتج

الله يعافيج و يسلمج :eh_s(6):
حيالله بنكـ :ggdw:

الموضوع موطبيعي يسلموا لايادي

الله يسلمج :eh_s(6):
والله من ذوقج حبيبتي :ggdw:










































































تابعوني _03BA:​